Zoram People's Movement

Aizawl September 9, 2026: Mizoram chhunga Health System hmasawnna turin Mizoram sawrkar leh Global Health Organisation, Jhpiego ten thawhdunna thuthlung an ziak. Health Minisier Pi Lalrinpuii Pisaa ah vawiin khan National Health Mission , Health & Family Welfare Department, Government of Mizoram leh Johns Hopkins University hnuaia Global Health Organisation, Jhpiego te chuan Mizoram chhunga Health System hmasawnna turin thawhhona thuthlung Memorandum of Association (MoA) an ziak a. Mizoram sawrkar aiawhin National Health Mission Mission Director Dr. R. Lalchhuanawma leh Jhpiego aiawhin India Country Director Dr. Amit Shah ten Minister hriatpuina in hming an ziak a ni. Jhpiego India Country Director, Dr. Amit Shah chuan MoA thil tum chi hrang hrang sawifiahna leh inhmelhriattirna a nei a. NHM, Mizoram nena thawhhona tha tak neih ngei a beisei thu leh Mizoram mipuite tan rah tha a chhuah ngei a duh thu a sawi a ni. #ddnewsmizoram

He thu hi vawiina ZPM Party-in chhung inkhawm an neih ah a sawi a. Pu K. Laltluangkima chuan, MP atana lakluh a nih hnuah ram hruaitu, mi pawimawh tak tak 6 lai a hmuh hman thu leh chung zingah chuan Union Home Minister Amit Shah pawh a tel thu a sawi a. Amit Shah chuan Joint Parliament Committee kuta FCRA dah a nih chhan chu Mizoram Chief Minister leh Kohhran hruaituten amah an hmuh vang a nih thu a hrilh niin a sawi. Pu K. Laltluangkima chuan, an sorkar hnuah an tih tur nia an sawite an tih bakah, Manifesto-a an dah lem loh pawh thil thil tha tak tak an tih thu leh sawrkar department zawng zawnga an hmalakna te chu lungawi thlak thaw khata a hriat thu a sawi bawk. #ddnewsmizoram

Thutkhawm hi vawiin khan Pu F. Rodingliana pissaah neih a ni a, RDSS Scheme hnuaia Smart Meter vuah mek chungchang hmalakna leh harsatnate an sawiho a. India ramah electric kal ral tam tham tak tihhniam nan, Ministry of Power chuan RDSS: Loss Reduction Scheme a duang chhuak a, he scheme hnuaiah hian Smart Meter vuah runpui chu neih a nih thu thutkhawmah hian tarlan a ni. Central Electricity Authority (Installation and Operation of Meters) Regulation 2026 chuan internet signal awmna tawh phawtah chuan Smart Meter hmang chauhin Electric supply pek tur a ni, a ti a. Amaherawhchu, prepaid smart meter erawh electric hmangtute duh thlannaah dah a ni. Tun dinhmunah Mizoram-ah smart meter 82,000 vel vuah tawh a ni a, smart meter vuah tawhte zingah vuah thar tirha bill tam deuh, 24.67% vel awm mah se, a hnuah a tam chhunzawm loh thu thutkhawmah hian tarlan a ni. #ddnewsmizoram

Art & Culture Department Minister Pu C. Lalsawivunga chuan Ruihhlo leh zu-in kan hnam a run nasat avang leh chhungkua a tihchhiat zel avangin a do turin chhung tinte tanrual a ngaih thu a sawi. He thu hi vawiina Orientation Media film siam, Who are you going to be? (Eng mi nge ila nih dawn?) tih film a tlangzarhnaah Minister hian a sawi a. Khuallian ni bawk, Pu C. Lalsawivunga chuan Kum 1983 atangin Mizo film kan neih tan thu sawiin, hmasawnna nasa tak a awm chhoh zel avangin film buaipui thin zawng zawng hnenah lawmthu a sawi bawk. Khualzahawm, Pu Lalawmpuia Khiangte, Sr.Vice Chairman, Mizoram Film Forum pawhin thu sawiin, Film thar chuan Mizote mamawh tak a tarlan thu a leh, ruihhlo dona kawngah nasa lehzuala tan lak a tul thu a sawi a ni. He film hi Tribal Research Institute, Art & Culture Department sponsor a ni a, ruihhlo hrang hrang avanga Zofaten harsatna kan tawh mek leh a venhimna kawnga hma lak dan turte tarlan a ni. Film tlangzarh tak Director Pu T.C.Vanlalzauva chuan lawmthu sawina hun hmangin, film lama inhmang, hranghlui mi 11 hnenah chawimawina a hlan nghal a ni. #ddnewsmizoram

He hun hi vawiin khan Health Minister Pi Lalrinpuii pisaah neih a ni a, Directorate of Nursing hnuaia Recruitment Cell hmalaknain Directorate of Nursing-ah Nurse lakna, walk-in-interview neih nghal a ni bawk. He thutkhawmah hian Directorate of Nursing leh Manipal Hospital-te ṭangkawpin Nursing Recruitment Drive an neih zel dan tur an sawiho a. Manipal Hospital hotute chuan, Mizoram aṭanga damlo tam zawk an enkawl theih na atana hmalakna thar an neih hrang hrangte sawiin, khum indaih lohna avanga Day Care Centre an hawn belh, khum 35-te chu Mizoram atanga damlo kalte tan bika an ruahman thu leh, tawnhriat nei tha Mizo Nurse tam zawk hnathawk tura lak belh an duh thu an sawi bawk. Manipal Hospital hian India ramah 49 an nei mek a, chung zinga damdawi in 5 chu MUHCS hmang thei turin Mizoram sorkar nen an inthlunzawm mek a ni. He hunah hian Health & Family Welfare Department hnuaia Directorate of Nursing hotute bakah Synod Hospital College of Nursing, Mizoram College of Nursing, Blessino Nursing School leh Apollo School of Nursing hotute an tel bawk a ni. #ddnewsmizoram

New Delhi September 9, 2026: New Delhi-a cham mek Mizoram Sports & Youth Services leh Labour, Employment, Skill Development & Entrepreneurship (LESDE) Minister Pu Lalnghinglova Hmar chuan sawrkar laipui hotute leh India rama infiamna huang hrang hranga hruaitu liante kawmin, Mizoram hmasawnna tur leh mamawhte a sawipui. Nimin khan Pu Lalnghinglova Hmar hian Union Minister for Labour & Employment leh Sports ni bawk, Dr. Mansukh Mandaviya chu a chenna inah hmuin, Mizorama labour-te hamṭhatna tura sawrkar hmalak mek dan leh Mizoram Building and Other Construction Workers (BOCW) Welfare Board-a inziak lutte tana ruahmanna siam te a sawipui a. Tun hnaia Employees' State Insurance Corporation (ESIC) hnuaia inziaklut an pun nasat thu thlenin, Mizorama mihring cheng an la tlem avanga ESIC Hospital din tura tehnaah tlin a harsat dan a hrilh a, ESIC Hospital din dan ngaihtuahsak turin a ngen bawk a ni. Union Labour Minister Dr. Mansukh-a chuan a ngenna hi tihhlawhtlin a tum thu leh, ESIC meeting awm leh hunah hospital pek tum a nih thu a lo hrilh a. Mizorama labour welfare chungchanga hmalakna leh hmasawnnate chu Delhi aṭang pawha an lo hriat ṭhin thu a lo hrilh bawk. Hemi rual hian Sports Minister hian Khelo India hnuaia sorkar laipuiin sum ṭhahnem zawk a neih tak avanga Mizorama sports infrastructure dinna tura ruahmanna siamte a thehlut nghal bawk a ni. Hemi hma, nimin vek khan Minister hi New Delhi-a The Ashok Hotel-ah Indian Olympic Association special general body meeting leh Asian Games-a India infiammite tirh chhuahna a telpui bawk a. He hunah hian Boxing Federation of India President Ajay Singh chu kawmin, Mizoram boxing hruaina kawnga harsatna awm mek chinfel dan tur a sawipui a ni. Hemi bakah hian Cycling Federation of India hotute chu an hnuaia Mizoram Cycling Association-te inziahluh theih dan tur te a sawipui a. Hockey India President Dilip Tirkey chu Mizorama hockey hmasawnna tur te leh All India Football Federation (AIFF) President Kalyan Chaubey chu football thil pawimawhte sawipuiin, Sports Ministry hotu liante nen inkawmin hun ṭha tak an hmang bawk a ni. #ddnewsmizoram

Electric Smart Meter thar hman hnua bill kal dan fel tawk lo nia lang leh, smart meter kaihhnawiha harsatna neite tan September 7 atangin zualko theihna hun an siam tih P&E hotute chuan an sawi a, complaint lut 1052 zinga 843 te chu chinfel tawh a nih thu te, chinfel loh 209 a la awm thu leh a hmunah kalin hma an lak zui zel thu an sawi bawk. Complaint tam ber chu bill sang chungchang te, bill dawn huna dawn loh te leh meter vir chak lutuk chungchangte a nih thu P & E hotute chuan an sawi a, Smart Meter vuah chu sawrkar laipuiin a ngaih pawimawh thu sawiin, Smart Meter hian kawlphetha kan hman dan dik tak a tih chian tur thu leh tul lova kawlphetha hman ralna a ven tur thu an sawi bawk. #ddnewsmizoram

Electric Smart Meter thar hman hnua bill kal dan fel tawk lo nia lang leh, smart meter kaihhnawiha harsatna neite tan September 7 atangin zualko theihna hun an siam tih P&E hotute chuan an sawi a, complaint lut 1340 zinga 1067 te chu chinfel tawh a nih thu te, chinfel loh 271 a la awm thu leh a hmunah kalin hma an lak zui zel thu an sawi bawk. Complaint tam ber chu bill sang chungchang te, bill dawn huna dawn loh te leh meter vir chak lutuk chungchangte a nih thu P & E hotute chuan an sawi a, Smart Meter vuah chu sawrkar laipuiin a ngaih pawimawh thu sawiin, Smart Meter hian kawlphetha kan hman dan dik tak a tih chian tur thu leh tul lova kawlphetha hman ralna a ven tur thu an sawi bawk. #ddnewsmizoram

Aizawl September 9, 2026: Chief Minister Pu Lalduhoma hoin Irrigation & Water Resources Department thuam chak dan tur rel a ni. Nimina CM Conference Hall-ah thutkhawm ah hian GAD, DP&AR, Finance leh Irrigation & Water Resources Department aiawhte bakah Department changtu Minister Pu PC Vanlalruata te telin, he hunah hian Chief Minister Pu Lalduhoma chuan thawktu indaihloh vang tein Dept dang te ang bawkin IWRD pawh kum 19 kaltaa an dinhmun ngai rengah an la awm thu sawiin, hmalakna an ngah bawk si avangin an dinhmun leh harsatna te ngaihthlak hmasak a ni a ti a. Thutkhawmah hian Er. K. Hamleta, Chief Engineer, IWRD chuan Department thuam thatna tura ruahmanna an siam te leh a bawhzui dan tur te an sawi ho a ni. #ddnewsmizoram