سَينن.

taseel.org.sa/goal_145261/pa… جعل ربي يتكب اجركم جمعياً ساهموا بالاجر - لا تحقرن شيئاً من المعروف؛ فربما درهم واحد، أو كلمة دعم، أو مساهمة بسيطة، تثقل ميزانك عند الله أضعافاً مضاعفة - من ساهم في الخير، فله مثل أجر من عمل به، هنيئاً لمن جعلهم الله مفاتيح للخير مغاليق للشر. الشكر للجمعية تأصيل التعليمة ع المساهمة والله يكتب اجر الجميع والشكر للأخوي صالح احد موظفي الجمعية . #محمد_سالم_الظريس

انتقل إلى رحمة الله تعالى اخي وصديقي محمد سالم الظريس جعله للجنة الفردوس وعظم الله اجركم واحسن الله عزاكم وغفر الله لميتكم وأسكنه فسيح جناته يارب العالمين وجعل ربي يعوض شبابة للجنه يرب العالمين ونعم الرجل والصديق واعز من تعرفنا عليه وجهاً بشوش وضحوك واقبال زين وكان من الناس اللي يذكرنا بالله سبحانه وتعالى واسأل الله العلي العظيم اني ربي يرحمه ويغفرله ويجعله للجنة يرب العالمين #محمد_سالم_الظريس

يا مُذهلة لو غايتك أبعد من شعور إنذهال الناس تسأل كيف قمرا تكتب إحساس البدر؟ سبحان من جمَّع مزايا الخلق في أكمل مثال أعجوبةٍ فـ الحسن و المنطوق و أعجوبة فكر يا نجمةٍ جارت على الصبح و تجلَّت بـ إختيال قولي لـ نُور الشمس لا يقهر عصافير الفجر! زال الضيا و مشراق وجهك غير قابل للزوال ثابت مثل دهشة قصيدة كِتبت لآخر شطر يا نجمةٍ شعشع سناها و أبلجت منها الليالِ جودي لـ سمَّار الليالي من تعاليل السمر لدِّي النظر يا أم العيون إللي نهايتها إحتلال ملامحك لا شافها المخطي يبادر بـ العُذر أنتي اليقين الراسخ إللي ما يشوبه إحتمال و أنتي الثواب إللي تجلَّى لي بعد شدَّة صبر من حقق الله حلمه و نالك رغم أنف المُحال يستاهل يعيش الحياة و بداخله نشوة نصر يا مُترفة كل الكلام إللي على البال إرتجال ما ضاعت علومي و لكن يوم شفتك؟ أنهمر في ذمَّتك أنتي قصيدة صافحت كفَّ الخيال؟ ولّا قصيدة صادقة خُلقت على هيئة بشر؟ منطوقك العذب المعتَّق فيه من وجهك خصال كأن القصيد مقاسمك نصف العذوبة و السحر وجهك غواية للهُدى مدري هداية للضلال محتار فيك إنسان ما قد حار بين أمر و أمر

« ما يشحن الروّح غير الصوت أبو بحة مشاعري كل ما سولف عليّ ترضى لو تدري بـ زين صوته هيئة الصحة بـ تسجل الصوت و تبيعه عـ المرضى »

تعب كل الدروب اللي ترجعني على ذكراك وجع كل الديار اللي تذكرني مرابيّك فقدتك و أنت طِينة نور ما ينساك من يلقاك أجل / وشلون من سجّك ربيع و علّ وسميّك عرفتك و أنت ألذ من الشهد و أطهر من المسواك و -حبيتك جميع- و تهت في مرّك و حاليّك تعلّقتك و أنا ثقل الجبال و طحت في مرماك مثل ما طحت لي كلّك من أولّك لتواليّك وأخذنا بعضنا من كل شي و رحت أنا ويّاك نقص الكون ما نحسب حساب لحيي و حيّك ليالي كنّها أحلام الفقارى تحت ظل الراك و يا حيّ الليال الأوليّة و أنت يا حيّك تذكرها ليا جابك حنينك صوبي و ودّاك تراها راس مالك للعمر و أسما معانيّك بتنساني مع الأيام -يمكن- بس كيف أنساك؟ و ريح الورد من عطرك و ضيّ الشمس من ضيّك؟ أشوفك بالأماكن كلها واقف هنا و هناك وأحسك بالأسامي كن كل الناس أساميّك تعبت أضيّعك عن بالي و بال الشعر و ألقاك تعبت أجحد حسانيّك تعبت أصنع مساويّك أبي منّك خطا واحد يصبّرني على فرقاك أبي منّك عذر يشفع لحاضرك و لماضيّ

ذكرتك يالحبيب اللي عسى الله يذكرك بالخير لو انّ اسباب حزني و انكساراتي من اسبابك وحيد وما معي اِلّا طيفك العابر فقط لا غير يمرّر كل ذكرى عابرة في صفحة كتابك وشفت بلحظة غيابك يدينك مع يدين الغير وشفت الموت كل الموت شفت بلحظة غيابك أبعرف وشهي اخبارك بخير او عكس منت بخير أبعرف تضحك اهدابك او انْها تبكي اهدابك حرام اعيش دوّامة مابين الشك والتبرير حرام اموت واحيا بك حرام اموت واحيا بك أنا الإصرار في كلمة "أجي واللي يصير يصير" وانا كل الكلام اللي وقف لحظة على بابك وانا الـ "آسف" وانا الـ "عادي" وانا اللي "ماحصل تقصير" وانا كل الشعور القاسي اللي كان ينتابك تصدّق عاد لين الحين وانت بـ كفّة التبذير تصدّق عاد كل ماتنتهي ذكراك .. أبدا بك لو ان عاداتنا اللي -ما فَنَتْ للحين- فيها خير ماكان اشوف غيري ياخذك وانا اللي اولى بك

حبيبي عاد انا وياك خشم و عين لين الحين و لا يحتاج شيء يذكر الطيب .. بـ ماجوبه على الله ضيعةٍ في ظلمة عيونك و قول آمين بها ربي يجازي عبد .. جدد سيرة أيوبه أنا اللي مستلذ أضيع بـ عيونك لـ يوم الدين سنيني ليه من نية ضياعي فيك .. مرعوبه مع أنه لا أمل وسط السراب ، و لا شراب يْبين و لكني و أنا أشقى بك أعيش الجرح بـ أعذوبه حبيبي لا رضى وجهك يطيح من الشعر بيتين كأن اللي .. قبلها فوق سطح البحر مكتوبه انا اكثر من كتب فيك الغزل و ارهى عليك إيلين دقيقة صمت عن أذنك .. على نزار و أسلوبه كفاه من العمر ليله ، و عمر الآدمي يومين و لا الله مطلع عباده على ما تحوي غيوبه إلى منّه تمرد خلقي ، و ضيّق جداي البين حبيبك يستره ضحكك .. مثل ما يستره ثوبه رسم لي رمشك السكه ، و جيته تارك التخمين محى ساعة تنصّفت الطريق لـ شوفه دروبه اجل ويني ، انا والله مدري هـ الطريق لـ وين ؟ ترى دوبه تلحفني سنين من الوصل دوبه تشكك بـ الطهر ذنبي و لو ما عليك علي من دین يحلفني شعوري عنك و أنت .. ايديه و جيوبه لا والله غيرك ذنوب السنين و جَوّ بـ قوة عين ملامحهم فجوري فـ الخصام و وجهك التوبه أشوفك حظ .. يرسم لي نهار بـ غيمه و شمسين و أشوف الناس عمرٍ من ظلام ، و قربهم حوبه من يحبك .. يحب الناس و الأيام، و الروتين ومن يكره وجودك .. ربي منجيه بـ إعجوبه خفيفه جيتك مثل .. إبتسامه عابره و إثنين تمادوا بـ الصدف حتى تمادوا بـ النظر نوبه حبيبي .. وجهك الغايب حضوره ما هو بـ مسكين كأنه اللحظة اللي .. تفصل المذنب عن ذنوبه تمر شعوره ، و يبرد براد الصبح .. في تشرين و يسري في رجى وجهك ، و يكره وجه محبوبه تعال .. و خطوتي دونك مثل شعره على سكين و عمري راح من عمره .. سنين لـ من تسلّوا به

تصاغرت الشعور اللي وصفته في شعور"أعجاب" الين احسه بقلبي كبر .. ما ياسعه صبري تجاهلتك لعلي فالتغابي بأشغل الأهداب تجاهل غيرك و دار النظر لك رمشي الخدري كثر ماينكر أحساسي حديث لساني الكذاب كثر ما تأكد احساسي حوادث قلبي العذري ياكم عليت صوتي بالكلام و قهقهات الناب عشان أتوهه الجلاس عن دقات في صدري و لا زال الهوى تقوى رياحه لين زال الباب وشرع لك مواطن خافق ماهو على خبري من الله و الله إني ما نويت وما حسبت حساب " من الله و الله إني حيل حبيتك و انا مدري " تمر بدنيتي وجهٍ يحسبونه مثل الأصحاب و انا لامرني وجهك اغنيله " وطن عمري " له الدقات في يديني و فـ عيوني له الترحاب و في بالي تفاصيله قريرة بال ما تطري الا ياكذبة الصادق و الا يا نزوة التواب الا ياغفلة العاقل و الا ياكسري وجبري حفظتك سري الخافي عسى الله ما يجيب غياب اخاف اقول احبك ما تحب وينكسر قدري

عذبه للغاية وكل بيت تستعذبه اكثر ماشاء الله ————————————————— على كثر الشعور اللي ذبح صدري عجزت أبوح ياليت الشعر يستلّ الشعور اللي ذبح صدري أنا روحٍ غدت في غيهب الدنيا تدور روح وأنا دوحٍ تشفق للرِشاش و نايح الكدري أدوّر بين كوم الذكريات الأولات مزوح عساي ألقى بها ما ينتعش منها ورق سدري و أجي و أروح في دربي ولا أدري ليه أجي و أروح مثل ما ارسم حروفك في ضباب الجام دون ادري بعيدي وأنت كنت الأوضح لعيني و الأكثر ضوح والأقرب لي من قلوب الاوادم فوقي و حدري والأبعد من ظنون السو و الأعلى في حشاي صروح والأطيب من شذا النوّار و أنقا من ضيا بدري قبل تستبدل ايدين الغرام الحانية بجروح و تستسهل مدا صبري الحليم و تشتهي غدري فقدتك صح لكن ما ترك لي جرحك المفتوح حنين إلا يوريني مساومته على قدري ملام عيوني أكبر من ملامة حرفي المذبوح لو إن اللوم كله لي على إسرافي لك و هدري بتفقدني ليا من بلّ دمعك شالك المطروح ولا عيّنت حولك من يحنّ النعس الخدري وترجع لي تشيلك حسرتك شيل البحر للوح وأغني لك وأنا مشتاق لك ماعاد به بدري ما والله تدخل لقلبي لو إن قلبي سفينة نوح عقب ما جاك مصفيه الهيام و صرت له جدري تهنى فالحياة الناقصة يالناقص المملوح عليك أنت و على الأيام يا كثري و يا ندري - سلطان الحوالي

ماعاد تكفي مرحبا مليون بالصوت الجهور المرحبا مليون للي مابعد شاف وعرف وانا عرفت اميّز الطلقه من اول ماتثور وانزل العالم منازلها صدر ولا طرف واردها رد الكريم اللي مايلحقه القصور لو كان راعيها من اللي لا ضمير ولا شرف يالله عليك ولا على هقوة يبور ولا مايبور اليا طغو كيالة الميزان والعدل انحرف الألسن اللي ماهيب تعرب عن اللي فالصدور ما تنؤمن حتى على زاد اليتيم المنغرف حنّا نعاف اللقمه اللي ناشبه في كل زور ومن المعزّه دمعنا ماهوب عادي ينّذرف واليا ظلمنا الحظ مرّه ما نلف وندور هذه تبي من يمتهن دور الذليل ويحترف العبد غير لوجه ربّي عبد في كل الأمور متقلّب الوجهين مثل العملة اللي تنصّرف ولا الحرار اللي تصافق بالجناح من الوكور تاخذ على كبد السما حومة قبل ماتنحرف واليا انحرف فيها دليل الفطره اللي ماتشور شامت عن الطفسه وعن سيل القطيع المنجرف يعوضها عن شجرةٍ حطت بها كل الطيور وكرٍ ماهو بيسام من شلة مسّحبت الغرف - مزيد الوسمي

ضاق بالي و الطواري مؤسفه .. والجو هادي وش يسوي من يعيش العمر ب النفس الكريمه راحت أحلامي ضحيّه من سبب لحظة عنادي لين ما صارت حياتي كنها " مسرح جريمه" ودي أبلغ حلمي الزاهي .. قبل يوم التنادي خايف إن الحلم يصبح مثل نارٍ في هشيمه عند عزّة نفسي أصدح .. لا شداد إلا شدادي العزيز يموت ما يترك غرام '" شداد ريمه " كل شخص من البشر عنده قناعات و مبادي ليه اساوم من يشوف إن وجهة دروبه سليمه أدري إن الناس مابين التصاحب .. والتعادي بس عيب إللي ليا خاصم ينقص من خصيمه عشت بين الفوضويّه .. والشعور اللا إرادي وذكريات العمر تجرح قلبي و تطعن صميمه الهنوف إللي خذت قلبي .. وخلتني مفادي اتركت نفسي تشوف من الفراق أكبر ظليمه يوم آنادي ل المواصل .. لا حياة ل من تنادي ما بقى لي غير صوره من " ليالينا القديمه " مستحيل إني أوقف ف الهوى موقف حيادي كيف أعيش الحب من دون التفاني و العزيمه ؟ لو توريني طريق الموت فيها !.. قلت عادي كل غالي لأجله نعيش الغلاب أجمل هزيمه مادريت إن ساعة الفرقى : مثل سل الهنادي لين ماشفت الغرام يزيد و جروحي جسيمه إغتربت ب عالم الذكرى .. وأنا داخل بلادي وكل لحظه عشت فيها تعتبر قصّه عظيمه تركي بن جويعد

نويت اصبر على كل الجروح النازفه : لله عسى لله : ما يبقى جروح وللوجع بينه انا ذاك الغريب الي خذا منْه الطريق اقصاه وعن ارصفة الطريق مقصرٍ في حق رجلينه طرق كل الدروب وصارت وجيه الدروب اشباه وبقى من خطوته نصف التعب وتطيح من عينه هو اكثر من يقول "بخير" واكثر من يحسّ بـ" آه" يبيّن ثلث من صدق الوجع ويدسّ ثلثينه رهن للمتعبين من الحنين غوايته وخطاه وصار اول مطاف لشرهة احساسه وغاوينه حياته ، غربته ، حزنه ، شعوره ، سيرته ، مرباه دروبه ، سجته ، حلمه ، صدى صوته ، عناوينه يهيجن كل ما عنّا شعوره طرقه ومعناه ما دام الشعر يجري في دماه وفي شرايينه وهو يا "بنت" يوم انّه يغنّي لك على ليلاه تبنّي غربته يا "بنت" ، وإلاّ لا تحبينه! ولا يشغلك تغريّب الاسامي والزمن سمّاه تخطري واهجه واقري عليه ولا تسمينه ترى ماهو حرام يصير حتى موطنه منفاه حرام انّه يمر بحرّ شوق ! ——وما تمرينه - نايف عبدالرحمن

تسكن الاحزان في صوتي وانا نفسي خجوله ما قدرت اقول لـ احزاني من حبالي طليقه. - فهد بن بجاد شرح مُعاناتي

كل ما أسمع من يقول التجربة حلوه .. و مرّه قلت يا إنسام الصبا لو تسمحين إخذي و هاتي ( الغلا ) في داخل ضلوعي و في عيني مقرّه يا الفريد : إللي سطا حبك على عقلي و ذاتي أنت من حبيت خيره .. و أنت من حبيت شره و أنت من يطري علي من وين ما تطري غناتي الجمال إللي طلع فوق الثراء ( مطلاع درّه ) من يلوم إللي ليا شاف الحلا سوا .. سواتي كل يوم .. أصافح ( طيوفك ) غلا مدري مبرّه ووين ما لديت أشوفك وجهتي فـ أربع جهاتي ماقدرت اعيش ( لذات الحياه ) المستمرّه لا بغيت أواكب الحاضر رجعت .. لـ ذكرياتي كل حاجه معك ؟.. ما تسوا لها مثقال ذره كيف لا وانا على شانك زهدت فـ تضحياتي المكانة ؟ ..ياحبيبي في ضلوعي مستقره مايحركها المطر و الريح !.. لو الريح عاتي يوم جيتك جيّت اللي يدري إن الموت مره تاركٍ من خلفي الدنيا !.. و أهلها و أمنياتي ايه و اللي نفسي بـ يده .. و رزقي و المجرّه انك إللي تستحق أفضلك عن ( مغرياتي ) مستعد أفرش لك الفرحه و البسك المسرّه بس أبي تحفظ غرامي زين " يا زينة حياتي "

ليلةٍ فيها القمر ينوي تمامه لين ضيه يبتسم مع كل مسرى رغم أنف الليل والقمراء زمامه لمعته لمعة دموع بخد سمراء مختنق والجرح ما كمل كلامه عبرتي ما تعطي المنطوق مجرى المساء وجه وبصيص النور شامة حظ عينٍ طالعت بالخدّ .. قمراء .

من يوم مرّت فتنة الجيل المعاصر ما غفيت كن السـهـر ماسك جفن عيني بروس اصابعه مزيونةٍ مـن حطها الله مـن نصيبه ما هقيت تـطـري عليه .. الـثـانية والـثـالـثـة والـرابعة فـ عيونها النعّس تضيع الناس .. لكني لقيت "اجمل شعور" يمر في قلبي .. ويترك طابعه انا اشـهد انّي مـن لقاها لا شبعت ولا رويت مـع انـها اكـثـر بنت رويـانة جـمـال وشابعة ان سلـمـتني قلبها والله لـ اصـونه ما احييت لو الـزمـان .. يـزود فـي صـكـاته الـمتتابعة اللي علي ، ما اخونها لو كان مع بنت السبيت واللي عليها ، الكـلـمة اللي مـن غـلاها نابعة

كل ما أسمع من يقول التجربة حلوه .. و مرّه قلت يا إنسام الصبا لو تسمحين إخذي و هاتي ( الغلا ) في داخل ضلوعي و في عيني مقرّه يا الفريد : إللي سطا حبك على عقلي و ذاتي أنت من حبيت خيره .. و أنت من حبيت شره و أنت من يطري علي من وين ما تطري غناتي الجمال إللي طلع فوق الثراء ( مطلاع درّه ) من يلوم إللي ليا شاف الحلا سوا .. سواتي كل يوم .. أصافح ( طيوفك ) غلا مدري مبرّه ووين ما لديت أشوفك وجهتي فـ أربع جهاتي ماقدرت اعيش ( لذات الحياه ) المستمرّه لا بغيت أواكب الحاضر رجعت .. لـ ذكرياتي كل حاجه معك ؟.. ما تسوا لها مثقال ذره كيف لا وانا على شانك زهدت فـ تضحياتي

محطات التفاصيل القديمه تتعب اللماح يكافح عبرته .. والذكريات تقلب آوجاعه يقوله من قضى ثلثين عمره فـ البحر سباح بعد ما قام ربان السفينه يطوي شراعه يا قلبي لا تخلى عن كفاحك والحياه كفاح لو تجور الليالي .. والحنين يهب ذعذاعه لا تغلبك المشاعر بـ السؤال وكثرة الالحاح ترى رجلي مهيب لخطوة المقفين تباعه من يقول القلوب صحاح لاوالله ماهيب صحاح يا ثقل اللي يشيله كل عاشق من ورى اضلاعه يا ذات الطله المتفرده والمبسم الذباح يا وجهٍ كل ما ساد الظلام يكفي إشعاعه من يحسب الخساير في حياته يجني الارباح وانا اعدك من أرباح العمر ما أعدك بضاعه عذابي يوم اشوف الدمع يجرح خدك الوضاح و آماني يوم اقابل مامضى بـ السمع والطاعه على آخر سالفه من بيننا كان الكلام رماح سمعت الكلمه اللي للقلوب الخضر نزاعه ضحكت من انكساري مثل ضحك السارق المزاح تمنيت الكلام اللي سمعته يطلع إشاعه تقولين الامل موجود لا تنشد عن اللي راح و انا اقول العمر لا راح ما نقدر على ارجاعه بعدك الدار واهل الدار صارو فـ العيون اشباح يا شين النظره اللي من وجيه الناس جزاعه بعد ما الارض شالت خطوتي في قاعه الافراح تركت احلامي المستقبليه .. داخل القاعه يبى يبطي من الصدمه وهو يفرك بطون الراح من يحط العوايد والسلوم الغبر شماعه

معك طعم المسا غير ومعك حتى السوالف غير معك ياحلو تقليب المواجع بين كفينك تبختر بين دقات الخفوق ونشوة التفكير ترى كل الحياة اصغر من اللي بيني وبينك أحس انك تجي والعشب ينبت والطيور تطير واحس ان السحاب يلوح برّاقه على يدينك احس بروعة الدنيا واحس ان الزمان بخير واحسك للحياه اعذب ندى ما انت بمثل عينك أشوف الصبح لا شال الشفق هز الظلام عصير واشوف الورد يضحك مابقى الا ينشدك وينك واشوف الريح تقبل مستخفه دمها وتغير تنثر لك شعرك وتنتثر سلة رياحينك ورا ماترقص القمرا بقلبٍ خانه التعبير مثل ماترقص الألوان في مسرح فساتينك دخيل انشودة العشق وذنوبٍ ترفض التفكير دخيل آخر ربيعٍ مرني في حضن عشرينك أنا اللي نزّلك من برجك العاجي وجاك يسير يمدّ لْك اليمين ولا درى عن لهفة يمينك واثرك تشوفني في حلمك اللي في رجا التفسير على ذاك الحصان الأبيض اللي في ميادينك شعرت بطعم سكينك من أول مابدا التقدير تمثنيت العروق وقبل اكبّر جرح سكينك لقيتك قبل ما ابحث عنك في الابراج والتبصير قريتك قبل اموت بلذة قراية فناجيلك أبي للناس اسولف بك واقول اللي يصير يصير واحسك سالفه لو سولفوها شوهوا زينك حشا لو تطري الفرقا ما اعدك راعي التقصير عزاي اني ملكت بوقتها عرش اجمل سنينك يقولون الزمان اغبر وانا اقول الزمان بخير مادام اللي سكن في ناظري ما طاح من عينك - ناصر القحطاني