Pinned Tweet
يارب وأنت الملاذ لوحدة المهتدي
يوم إن فؤادي وحيد .. إهده أنا مُتعبه!
خلصني من الشعور اللي يهد جهدي
و متعني بشيء كل الناس تستغربه
وارزقني الحلم والصبر وجميل سعدي
في راسي أحلام والأحلام، مترتبه
تحتاج عفوك وأنا اللي حسن ظني مدي
فيك أنت؛ ولا الأوادم ظنهم ما أقربه
صاحبي لا كثْرت الشرهات صوبي لا تشرّه
ويش اسوّي لا اقبلت شرهاتكم وانا لحالي ؟
اكثر اللي يثّر بتفكيري اصوات آل مرّة
واكثر اللي يكسبون الطايله عمّي وخالي
البلا في غيبة اللي غيبته فيها مضرّه
يا وجودي لا ذكرت اعذاره اللي قالها لي
لي شهور ادوّره في الارض مدري في المجرّه
كنّي ادور على جرّة ظبي في ربع خالي
ديرتك ماجادها الغيث يابنت الغمام
جادها الله يوم سخر نصيب أمك لابوك
السماء قدام ، ما تعطي الأرض إهتمام
لين عمّت رحمة الله تعالى وأنجبوك
الجمال آختار مدهلك من بدّ الآنام
وأستقر بوجهك الطاهر السمح الضحوك
مثل يوم الطيب والمجد و علو السنام
ورث جدانك لابوك و تشوفينه فـ اخوك

