مَعَف .

— سلام عليكم // أما بعد : لكل غياب عودة ولكل عودة ملامح جديدة وها أنا أطل من جديد بالشكل الجديد أنا القديم من البشر مظهر و زِي وطبعي جديد مروّته من قديمة اخذ لي الرمضى ، وأخلي له الفيّ عاد الحبل باقي على شداد ريمه وإن عرّض لـ صلف الهوى جرحي الني والله ما اعرّض كل نارٍ هشيمه

صباح الطبيه / مالذ من فنجال بن على الريق مقندن بالهيل والزعفراني في دلة فنجالها مابعد ذيق فيها على ماقيل خمس المعاني

احبّه واعرف ان سلطة الحب جبّاره تجيه العرب صاحين وتروح منهبله !

في مغنّ النبت والسيل والنقع الجديد والله إني مشتهي شبة النار شهوَه وان سرا لي طاري اللي مجيّه صبح عيد قمت أجرّ الصوت من ضيق ماهوب إلهوَه مغتني عن مدة الشيك من كف الوليد لو علي تمد يمناه فنجال قهوه

عرفتو اللي يقول / " ليت مسباح كفي خصلةٍ من شعرها " أما أنا خصلة شعرها بمفتاحي 😌 .

والله لي ساعة ولا أكثر أدور مفتاحي فالدوام وطلعت ناسيه فالسيارة لا سامح الله البصمه (:

أصعب لحظة في يوم الأنسان هي النهوض من السرير

عبدالله أبوضريس ودخولية الشتاء / على الأبواب ياليل الشتاء خلك على الأبواب ليال الصيف سوت ما يسوي ليلك البارد ياليل إن جيتني ماعاد في جوّك طرب وأصحاب من أكلم ؟ وانا قلبي ملول — وخاطري شارد خسرت أصحاب وأكثر والسنه هذي فقدت أحباب ولو أملك ماردٍ سحري خسرت السحر و المارد أنا مجموعة إنفس كل نفسٍ تستحق أرتاب وأنا المجرود من نفسي وأنا من نفسي الجارد من الإدراك ما يقلب مزاج و وما يحرّق أعصاب أعيش بعزلة أفكارٍ كثيره ما لها سارد بعضها يلبس أثياب القصيد ويسبي الألباب وبعضها لو يقول أصبر خذا من عمري وما رد نذرت الصبر والإلحاح في رجوى الله الوهاب وقلت إن كل شيٍ في حياتي ممكن ووارد ياحلمي لا تعاتبني على الدعوه ورى المحراب إذا ماجابك الـمولى ماجابك سعي و مطارد

أدري إن الميّت المؤمن منعّم عند ربه وأدري إن ما باقي غير الله المعبود باقي بس أنا من الفقد مثل اللي غدا في وسط غبّة إنطفى نجم ونزف جرحٍ عطيب وجف ساقي أذكره وأشتاق وأبكي وأحتضن قبره وأحبّه والله إن ما أعظم منه ياكود فقده وإشتياقي

صورة شاعرية جدًا

" البيت اللي يقول مستحي اشغل المساحه "

عسى الغيث يسقي ديرة الترف لين تفيض و يجرّه مسيل السيل حتى يجي صوبي - مبارك بن وافي

شبة النار مع الهبوب الشمالية علاج للروح والجسد / سعة بال ومعاشر نشامى وشبة نار عسانا نمارسها ولو فالسنه .. مره - عبدالله بن عون

مساء الخير / « توشّحتُ البياض »

أيهما أصدق أثرًا ما وصفه الطبيب أم ما قاله سلطان ؟ معك أتنفس زين و أحس بنعاس أنت آدمي ولّا أنت حبة زيرتك لعل بين العلاج والشعر قواسم لا يفهمها إلا من جربهم ، فهل نثق بالتشخيص أم بالقصيدة ؟

في عيونك رد ثار ومعركة وحروب رِده و صوت خيل وحد سيف وضرب رمي بوارديه وفي نحرك الصلح والهدنة وطيبٍ فاح ندّه و الأمان اللي يجي عقب الحروب العالميه وليلك اللي يقدر يكْفّ الصباح آخر مردّه من تحت ردفك مردّه يا الغزال العسوجيه - هزاع الرخيمي

أدور سبب للسالفه معك مدري كيف لو تقول مدري قلت أبنشدك عن مدري - مطرب بن دحيم معك أدور ما يجر السوالف والقصيد ومع جميع الناس حتى الكلام يكودني - محسن بن مترك ولا جاب له سالفه عندي خبر فيها قلت ابك هذي متى؟ ماني بخابرها ! - حزمي بن سعد

الهروب اللي جمعهم كلهم .

الهروب غالبًا جميل مثل / الهروب من الضغوطات الهروب من الدوام الهروب من ضجيج الحياة الهروب من الدوام الهروب من صخب البشر الهروب من الدوام فبعض الهروب ليس جبنًا بل نجاة

نهاري حر شمسه يستحي منها لسان الشمت وليلي ترقب نجومه ملامة اكثر من لامي على ضو الكلام اللي كشف عنا ستار الصمت عرفت اني تحت برق الأمل في روض الأحلامي

صباحكم الـ my type / تو الرعايا منازاهن سوات الطروش ان روحت رحت واليا جات قلت ارحبي تقول في ارقابهن من هدرليك الونوش تسبيك من نفسك اليا عرضتلك سبي