"التواصل البصري"
بالنسبة لي مهم جدًا، أحب اتأمل اللي أحبه
حتى لو كانت اللحظة صامته
أستمتع لما أشبّع عيوني، لدرجة ودي تتحول جميع حواسي وقتها إلى حاسة البصر
أستلذّ
"أنا يوم أشوفك ودي أصير كلي عيون"
لما تحسب
إنك تخطيت وسجيت وسليت،
لكن يمرك اسم يشابه اسم، أو ريحة عطر، أو أغنية، أو مكان قديم
وترجع على طير ياللي
"ردتني النسمة اللي من شذاك الأخير
مع إني لي سنين.. أحسب إني تجاوزتها"
"تسلّى بـ عمرٍ مايعوِّد على راعيه
إلين الصبا؛ ترجع لياليه للكاهل
أنا الظامي
اللي شاف وجهك سراب التيه
وتبعك السنين الممحلة.. وأنت تستاهل"
❤️
صباح الخير،
غالبًا أحاول أكون شخص إيجابي صباحًا
وغالبًا أفشل
والود إني أحط للعالم ميوت وأكتم أنفاسهم لليل
إلا صوت خلِي طبعًا
إلا ما تعلموني الناس الإيجابية من أين لها هذا؟
عندي قناعة
المعاناة، والتجارب السيئة، والفقد، والظروف
تخرج لك إنسان نبيل
يستشعر النعم، يقرأ التفاصيل، يعيش اللحظة بكل مشاعره، يداري الخواطر، وفوق هذا تلقاه ضحوك
ياخي يجيك عميق..
والدنيا حاكته حك
بينما اللي على كفوف الراحة، ومن رفاهية لرفاهية..يجيك سطحي
مُتذمر ما يعجبه العجب
"وشلون تبكي فوق نعشي وأنت مرديني قتيل
وتقرأ علي السبع المثاني! وأنت دامرني دمر؟"
تجسيد شعري للي يقول
يقتل القتيل ويمشي بجنازته 😁
راضي بحال الحب معك بكل حال
أنا اللي اخترتك قبل تختارني
لا أقفت بي الشيمة ترجّعني تعال
كنك من إيدي اللي تعور .. جارني!
"تاخذني ظروف الحياة .. السريعة
و القاك من عقب البطا مثل ما كنت
أنا أدري إن ضاقت عليّ الوسيعة
ما احدٍ موقف لي على ساق غير أنت"
❤️

