د حسين المجادي

مهما وصلت فيك الفضاوه .. لا تروح لأحد و تقوله انت ليش ما قلت كذا ها؟ .. لا تستنطق الناس و تستفزهم غصب .. الأشخاص العاديين مو جهات رسمية عشان يكون مطلوب منهم يصرحون لك .. و تويتر مو كشف حساب عن مشاعر الناس و افكارهم .. و هم مهما وصلت من سوء الظن .. لا تقول لشخص ليش قلت كذا اكيييد تقصد كذا .. ما لم يظهر عليه كلام او موقف واضح بيّن لا لبس فيه .. و مهما بلغت فيك قلة المروءة .. لا تصير "چلب بوليسي" و تهاجم كل شي و اي شي بس عشان تثبت ولائك " على حساب غيرك " .. مو انت بس الوطني .. ولا انت حارس المجتمع .. ولا انت توزع صكوك الولاء .. الدولة فيها جهات رسمية قايمة بدورها على أكمل وجه .. خلك مستريح نحشم بعض و نحترم بعض .. لان المجتمع المتخلخل اللي كل من فيه يشكك بالاخر اسرع المجتمعات انهياراً وقت الازمات .. الصمود يستلزم تكاتف .. و ثقة و حسن ظن بالاخرين