عليها يشبهون أغلا الذهب واللول والمرجان
وهي ماتشبه إلا ماتشوفه في مرايتها
أنا لو شفتها مهره لها فوق السحاب عنان
متى ماهب ذعذاع النسيم تفل غرتها
ماشافوا المترفات أحلى وصوف شافها ضيدان
من الغيره عيون غمضت وعيون شافتها
10
830
خمر الكلام وحديث الكحل والميل
واللهفه اللي على ثقل .. ونعومه
يجودك الغيث ، ياذيك المداهيل
والمترف اللي على “ حرفي وسومه
سلبت من شفّته ، بسمه وتبجيل
وسلبت من خدّره كحله ، ونومه
8
807
مرحبا يا اللي ما بين الغيد وحدك دُرّه
عند غيرك ما يجي للزين ذكر و طاري
والله ان البال محدٍ غير زولك مرّه
تسرحين بقلبي اللي يعشقك و افكاري
من عرفتك و الغلا فـ الصدر لله دره
يا اجمل ارزاق الحياة و مكسبي واقداري
كيف جيتي ما توقعت تجمعنا الظروف
كيف ردتك المقادير ينصر دينها
يا إلهي كم لبثتي بظلمات الكهوف
من نشدني قلت غابت ولا أدري وينها
مرحبا وأهلا هلا فيك ياعين الهنوف
اصبري نفرش لك الأرض لا تمشينها
اقبلي يعزف لك العود وتدق الدفوف
والقصايد كل وحدة على تلحينها
الكواكب والمجرة تصفق لك وقوف
كل منهم قال رد السلام لعينها
المطر بشر بك الأرض فرحان وشغوف
كيف ينسى طفلة الماء وينسى زينها
اجلسي لك نصف ساعة تسوين معروف
ودي أغني بك أبيات لو تبغينها؟
داخلي فرحة، محبة، حياء، تقدير، خوف
كل وحدة تأخذ الثانية بيدينها
6
584
"عرفت إنْ القدر فرصة سعيدة و الحياة أعراف
لو إن الشوق من كثر البعاد المرّ .. صالينا
أنا ما كنت في عُمري إلى هالمنتهى شفاف
لقيتك و الزمان حالف يخون أطهر أمانينا
أزورك حلم من خلف الحقيقة و الشعور لحاف
ما دام إن الوله واقف على سكة هقاوينا
دروب التيه تاخذنا بعيد ومارضينا نخاف
نقول إن التعب يكفي شقاه بكل مافينا
أبيّن ضحكة الدنيا الرحيبة والجروح ضعاف
يمر العمر وأحلامي معك نشبك أيادِينـا
عسى لاغبت عن عينك أوادع والقلوب نظاف
و أبشكر نجمة تسهر وتشوف أجمل ليالينا"
5
516
"شد صوتي يا أوَل أيامي.. وعلِقني فداوي
لين أعس الفارِق المنتوق وأشرب مِن ورِيده
ساعةٍ فيها القصِيد؛ يحز فالصَدر السناوي
وش عليه إن سيَر أحلامه لـ غيمتك البعِيدة
اِيتهادى لين ما يسرِي خلاف الجِفن غاوي
وِيتودَد كل ما شحت مسارِيك العنِيدة
خاطرك يوم اِستلذ الفِقد، قلي: ويش ناوي؟
تَعرِف إني ما قدرت أستعذب إحساسه، وقيده
يا قديمي والله إنه «قام يَطوَى الحال طاوي»
كم لي أدوِر على تبرِيرك... وساعي برِيده؟
اِذكر... إني ما تركتك يوم عاد الحزن ضاوي
ولا نسيتك في جديدات الشعور، ولا عَتِيده
زل طيرِك يوم عوَد [غصني] من الشح ذاوِي
كيف تأخذ رِقَة ظلاله... وتترك لي شَدِيده؟
عِل، واِستدرك دوَاي إن غرَب الروح المَداوي
واِترك شعورِي يداعب وجنَة الأرض الرغِيدة
قبلك يزِل القصِيد، وبعدك تضيع الحكاوِي
وأنت لو بيتك ركيك؟ أسيَل إحساسي وأزِيده
أتمنى [بيرِ ضحكاتك] وأعرف إنه رهاوِي
لو يذكِرني وعَده؟ شلون أبى أسلَا عن وعِيده
جوِد يديني أنا ما طحت فيك إلَا متساوِي
واِنسني بين الكلام، وبين سلسالك، وجِيده
لين أمد الأرض وأسرِي لك مع الأمر السماوِي
وأتشدَد فيك لابة.. وأهتدي عينك عَقيدة!
الظمأ خلفك ركابه، والهوى منك أنت راوي
رد لي صوتك وأبى أنسج لك من الغيمة قصيدة
جعلني لا اشتد عزمي في هواك وجيت غاوي
ما تذكَر -يا حبيبي- غير الأيَام السعيدة"
7
568
مهوب يخاف من عثرات خطواته .. يخاف يملّ
ويفقد رغبته واحساسه وطبعه وتأثيره
تغافل لاجل يسمو بامنياته عن دروب الذلّ
وبعد ماقرب من كسب امنياته .. راحت لغيره
تهاتيه الشعور المنخذل طولي تراك بحلّ
انا اللي غض طرفه عن مداك وفضّها سيره
وفتح لك باب قلبه ياهنوفٍ تتقي وتطلّ
وهو قلبه مضيفٍ مايملونه مساييره
تحت رمشك تفيّت عبرته ماكن غيره ضلّ
عزاه انك ملاذ لهاجسه وآخر مشاويره
4
615
تهاتيه الشعور المنخذل طولي تراك بحلّ
انا اللي غض طرفه عن مداك وفضّها سيره
وفتح لك باب قلبه ياهنوفٍ تتقي وتطلّ
وهو قلبه مضيفٍ مايملونه مساييره
تحت رمشك تفيّت عبرته ماكن غيره ضلّ
عزاه انك ملاذ لهاجسه وآخر مشاويره
أنت وحدك تستفزّ الصمّت وتردّ الطواري
"ما قدرت ألدّ لك تقدير وإلا أصدّ شيمة"
نجمةٍ مرّت تهادى بين شكّي واقتداري
استباحت كلّ شيء وكلّ طقه بتعليمه
جعلني لا ضاعت أحلامي وسيّرتك قراري
ما تخيّب هقوة عيونٍ بعد فقدك يتيمة"
6
501
"ياربّ وأنت القوي واللي معك ما يُضام
ومشاعر اليأس يا ربّي ما هي في يدي
أنهكني الضيق.. وأستنزفني الإنهزام
وأنت أعلم إنّي بذلت ولا ذخرت جهَدي
جنّبني الياس وأزرع وسط روحي سلام
فيه أتجاوز طريق أحلامي الجرهدي"
2
496
ابتسمي الحزن في وجه الحلو ما يليق
مع انك اجمل من يقاوم حزنه وظهر
لا تمنحين الدموع اللي تسابق طريق
على خدودك وانا ميّت عليها قهر
وانا ما اخاف الدموع اللي توايق وتويق
انا اخاف تجري على خدودك وينبت زهر
16
1,068
معي وجه اللّيالي ما تهقويتك تعب وأرهاق
ولا جيتك نهـارٍ في يديـني ضـاع معروفه
تساقيتك ظمأ لو كنت غيم وطارفك شعّاق
ولقيتك في فرح قلبي، وفي حزنه وفي خوفه
سقى الله ليلةٍ فيها مجيك يكسر الأعناق
معازيب المكان تعوّد إن مريتِ ضيوفه
13
993
كل ما هبت على وجهي من ديارك هبايب
استرحت من التعب راحة ما تغني عن مجيّي
لك ميمم وجهي اللي قبل لا أشد الركايب
في طرف عينه حنين وقل كلماته تهيّي
ما عليك إن قِصرت حبال المحبة والحبايب
أنت في وجه يغيض عداي و ينومس خويّي


