فيه موضوع ودي اتكلم فيه من زمان الصدق واتوقع راح ينفهم بشكل خاطئ او بيعتبر انه اثارة جدل 😅 واللي هو ان مجتمع فيفا هو احد اسباب مشاكل اللعبة او خلني اقول يتشارك سوء كل جزء ينزل في اللعبة مع الشركة طبعاً ليه قلت هالكلام؟ انا ما ابغى اطول بالكلام ابغى اختصره و احصره على الجزء الجديد فقط الشركة نزلت الجزء الجديد وعلى الرغم انه فيه سلبيات لكن بشكل عام الجزء قابل للعب و تقدر تستمتع فيه عكس اخر جزئين و حطت فيه اكثر من اسلوب لعب تقدر تلعب فيه وراح تستمتع وخلني اذكرها لكم: 1- لعبك مباشر وسريع تقدر تلعب وعندك خطط مثل 4321 و 41212 و 4312. 2- تحب تلعب اطراف و تدرقن تقدر تلعب وعندك كذا خطة ممتازة منها 442 و 4213. 3- تحب اللعب الطويل تقدر تحط وسطك عندهم بلاي ستايلز كرة طويلة و التمريرات الطويلة +80 وعيش ياكبير. 4- تحب تسجل رأسيات ضبطوها لك هالجزء سواء بالركنيات او بالعرضيات العادية. 5- تحب تسوي مهارات و تحسحس تقدر تجيب لاعبين عندهم نجوم مهاراة و رشاقة و توازن عالية وتستمتع. 6- عندك خلايا عصبية زايدة -ماشاءالله- تقدر تفعل البلاير لوك كثير وتلعب. ملاحظين كمية تنوع اساليب اللعب؟ انا بنفسي استخدمها كلها بكل مباراة الا الاخيرة 😂 المهم النقطة اللي ابي اوصل لها ان بسبب المجتمع راح نشوف اللعبة تتحول لاسلوب لعب واحد زي كل سنة لان بالسوشل ميديا الكل يقول سوو الشيء الفلاني لانه ميتا وبعدها يستخدمه الاغلب وتتحول المباريات كلها لتكرار نفس الشيء، بالجزء الماضي 90٪ من الخصوم كانوا يلعبون 451 و اجنحة لنقثي و اللعب كله تركيض بـL1 و مثلثات لين يفرجها الله وين التنوع و المتعة؟؟ الجزء الجديد قاعد اشوف كثير بدأ يتثبت على طريقة لعب وحده وهي L1 مثلث و عمق 95 و خطة مثل 4312 ولو يطلع محترف او حساب ينشر ميتا جديدة حولوا عليها على طول! هذا موضوعي بكل اختصار و خلاصة كلامي ان مجتمع اللعبة في الغالب هم السبب او احد اهم الاسباب في سوء اللعبة بسبب الاستخدام الخاطئ لأسلوب اللعبة. #EAFC27