احمد الملحم

اعمالي في الشعارات النصية.

اجواء السبت

تخيل تعيش مع أبوك عمر كامل، وبعد 35 سنة تكتشف إن فيه جانب كبير من حياته ما تعرف عنه شيء! لفت انتباهي متجر بفكرة غير تقليدية، بدأت قصته من موقف إنساني مؤثر، وتحولت إلى مشروع يحفظ ذكريات العائلات وقصصها للأجيال. القصة بدأت مع أب اشتغل 35 سنة في وظيفته، وكل اللي يعرفونه عياله إنه يطلع من البيت الفجر ويرجع العصر. وفي حفل تقاعده، بدأ زملاؤه يتكلمون عن مواقف وقصص ما قد سمعوا عنها عياله. واحد منهم قال إن أبوهم كان أول شخص وقف معه في المقبرة يوم توفى والده، والثاني كشف إنه دفع إيجار بيته ثلاث سنوات من غير ما يقول لأحد! استغربوا عياله وسألوه: يبه، ليش ما قلت لنا عن هالمواقف؟ وكان رده بكل بساطة: «وش أقول؟ هذي سوالف شغل». هنا استوعبوا إن أبوهم عاش حياة مليانة مواقف وقصص ما يعرفون عنها شيء، وإن جزء كبير من تاريخه ممكن يضيع مع الوقت. قرروا يسوون له موقع إلكتروني خاص يوثق قصة حياته. جمعوا صوره من أول يوم دوام إلى يوم تقاعده، وتواصلوا مع زملائه واحد واحد عشان يسجلون ذكرياتهم ومواقفهم معه، وخلّوا كل فرد من العائلة يقدر يضيف القصص والصور والتسجيلات اللي عنده. وفي يوم العيد، قرروا يفاجئونه بالموقع. فتح الأب الرابط، وشاف اسمه وصوره، وسمع أصوات زملائه وهم يحكون مواقفهم معه. جلس ساعتين يتصفح الذكريات، وكل شوي يضحك ويقول: «هذي نسيتها والله». ومن بعدها، صار يسولف لعياله أكثر من أي وقت مضى، وكل ما تذكر موقف جديد يقول لهم: «اكتبوا هذي بعد». ومن هالتجربة ولدت فكرة المتجر! موقع إلكتروني خاص لكل عائلة، يجمع قصص أفرادها وسيرهم، وشجرة العائلة التفاعلية، والصور، ومقاطع الفيديو، والتسجيلات الصوتية، وقصص الأجداد، وحتى القصائد. والأجمل إن الموقع خاص بالعائلة، وما يقدر أحد يدخل عليه إلا بموافقتها. اللي شدني في المشروع مو الموقع الإلكتروني نفسه، لأن التقنية المستخدمة ما فيها شيء جديد. الابتكار الحقيقي بالنسبة لي إنهم انتبهوا لاحتياج إنساني كثير منا يغفل عنه: إننا نعرف قصص الناس اللي نحبهم وهم بيننا، قبل ما تصير مجرد ذكريات نسمعها من غيرهم. قدروا يحولون هذا الاحتياج إلى تجربة إنسانية لها قيمة عاطفية، ومنها صنعوا منتج له قيمة تجارية. وهذا بالضبط أحد أجمل جوانب الابتكار بالنسبة لي. مو شرط تبتكر تقنية جديدة أو تخترع شيء ما قد شافه أحد. أحيانًا كل اللي تحتاجه إنك تشوف شيء الكل يشوفه، لكن تنتبه فيه لشيء ما انتبه له أحد.

ما أثقل البصيرة حين تنزع عن الأشياء حجابها، وعن الوجوه أقنعتها، فتريك ما تمنّيت لو بقي مستورًا. ما أرفق الغفلة بنا.

- حسبة الاستراحات اللي مافيها ارقام بس افتراضات -

من اول احب العطور لكن مؤخرا صرت استكشف العود و روائعه. عود بروناي اللي يظهر في الفيديو

ثم تسأل نفسك نهاية كل يوم. إلى أين أذهب بكل هذا الشعور؟

مطاردة الانضباط = احباط

اللهم اجعل هذا البلد آمناً مطمئنةً، وسائر بلاد المسلمين. يارب احفظ جنودنا البواسل و قادتنا بحفظك.

رسم الأبنة لطيفة

«الكتابة هي التفكير على الورق.» — ويليام زينسر

ميزة Dots الخاصة بـ Chatgpt لا تظهر عندي @ChatGPT ليه ما عزمتوني؟

الكاس أخضر 💚🇸🇦