महाराष्ट्रातील युवकांच्या उज्ज्वल भविष्यासाठी कटिबद्ध, महायुती सरकार! मंत्रालयातील दालनात महाराष्ट्र राज्य कौशल्य विद्यापीठाचे विविध उद्योगसमूहाशी सामंजस्य करार पार पडले. त्यात एकूण 12 उद्योग समूहांचा समावेश आहे. उद्योजकता आणि नाविन्यता विद्यार्थ्यांमध्ये रुजवावी, या मुळ उद्देशाने महाराष्ट्र राज्य कौशल्य विद्यापीठाची स्थापना केली असून, या विद्यापीठाने वेगात प्रगती सुरू केली आहे. पाच कौशल्य प्रशाला, 21 नवीन अभ्यासक्रम सुरू केले आहेत. या विद्यापीठात शिकणाऱ्या विद्यार्थ्यांना जागतिक दर्जाच्या रोजगाराच्या संधी निर्माण होण्यासाठी शासन अनेक नावीन्यपूर्ण उपक्रम राबवत आहे. विविध संस्थांशी प्रत्यक्ष बोलणी करून शैक्षणिक वर्ष 2023-24 पासून विद्यार्थ्यांना उत्तम दर्जाचे शिक्षण, ऑन जॉब ट्रेनिंग आणि इंटर्नशिप सुविधा उपलब्ध करून देण्यासाठी @MahaSdeed च्या माध्यमातून मोठ्या प्रमाणावर प्रयत्न सुरू आहेत.