andrawis🇪🇬 𓄿𓈖𓂧𓂋𓄿𓅱𓇋𓋴

الحقيقة اللي هينكرها صناع المحتوى القابضين!! واحد من أصدق الردود على الحملة المسعورة ضد الملك #محمد_صلاح اللاعيبة بعد كاس العالم طلعوا قالوا انهم كانوا بينفذوا تعليمات صلاح جوه الملعب حتى لو كانت عكس تعليمات حسام 1- كريم حافظ حكى عن لقطة ماتش أستراليا ، وقال إن صلاح كان بيقوله : اتقدم ومرر الكورة ، وإن ده كان سبب صناعة الهدف لإمام عاشور وفي نفس الوقت ، كان حسام حسن بيقوله : ارجع ... لكنه اختار يسمع كلام صلاح ، والنتيجة كانت هدف 2- ياسر إبراهيم حكى عن هدفه ان صلاح قاله : ادخل واتقدم ... فدخل وسجل ولما حسام سأله : ليه غيرت التعليمات ودخلت؟ وكان الرد: "صلاح اللي قالي" 3- زيكو كمان قال إن صلاح كان بيقوله : اتقدم ، ملكش دعوة وكلنا شفنا نتيجة تقدمه الكلام ده اللي اتقال من لاعيبة المنتخب بعفوية في وسط الفرحة والزيطة والبرامج والاحتفالات كان خطير وأظن كلنا دلوقتي فهمنا سبب وساخة الاقرع مع صلاح والشناوي واللاعيبة ايه؟ وهو ان اللاعيبة مكانوش بيتكلموا عن حد قد ما كانوا بيتكلموا عن صلاح ودوره معاهم ... جوا الملعب وبرّه الملعب صلاح جاب مدرب احمال وطبيب اغذية من ليفربول والمانيا واشتري علي حسابة ادوات تدريب. بشهادة القائمين علي المنتخب اللعيبة راحت منهم رهبة ميسي وغيرة بعدما شافوا كمية الاحترام لصلاح من كل لعيبة العالم وهنا السؤال ... بعد كل ده ، وبعد ما أصبح لاعيبة المنتخب بيتكلموا عن تأثير صلاح بالشكل ده... هل كان سهل على حسام حسن يتقبل حجم الكريديت اللي أخده صلاح بعد كأس العالم؟ طبعا لأ باختصار .. قصة صلاح الأسطورية زي ما بتدي دروس ازاي تشتغل علشان تنجح كمان بتقولك ان كل ما تنجح اكتر كل ما المرضي النفسيين حوالك هيظهروا تلقائيا وهيحاولوا يحاربوك طول الوقت ويرجعوا يقولوا الجملة السفيهة اللي مش حافظين غيرها… هو صلاح عمل إيه للمنتخب؟؟؟

طيب المصري خسر إيه جنب المكسب؟ 1- مقعد في الكلية الحكومية الممولة من أموال دافعي الضرائب المصريين. الوافد بيدخل بمجموع أقل 75%، بينما المصري محتاج 97% فأعلى. 2- فرصة الطالب المصري المتفوق اللي مجموعه عالي ومش لاقي مكان، بينما المكان بيتاخد لطالب أجنبي بمجموع أقل. 3- أعداد كبيرة أوي في كليات مش قادرة تستوعب كل الطلاب تدريبيا لان المستشفيات التعليمية محدودة. 4- الأولوية المفروض تكون للمصري في الكليات الحكومية، والوافدين يروحوا الخاص والأهلي، ودا موقف نقابة الأطباء. 5- النسب الكلية للوافدين في كل الجامعات المصرية منخفضة (حوالي 3.5-6%)، لكن التركيز الشديد في الطب بيخفي الرقم ده وبيأثر على فرص المصريين في التخصص دا تحديد بيانات جهاز التعبئة العامة والإحصاء نشرة 2025 بتقول إيه؟ في الـ28 كلية طب حكومية، حوالي 25% من الطلاب وافدين: 28 ألف من أصل 112 ألف. النسبة كانت 16% قبل 5 سنين، يعني زادت بحوالي 56% . نقيب الأطباء أسامة عبد الحي قال إن في بعض الدفعات الحكومية النسبة وصلت أو اقتربت من 50%، وإن الرقم الـ30% اللي بيتقال عن قصر العيني غالبا محسوب على الكلية كلها مش على الدفعة الواحدة، لان الدفعات الجديدة تخطت فيها النسب لما فوق 40%. نسبة الوافدين في كليات الطب الحكومية إجمالي الكليات الحكومية (28 كلية - 2025):
25% وافدين, أعلى النسب في كليات معينة: - طب الزقازيق: 58% - طب الإسكندرية: 57% - طب عين شمس: 52% 🔴نسبة الوافدين في كل الجامعات المصرية عموما: حوالي 3.5% – 6% فقط، التركيز الشديد في الطب. اللي دفع تمن الأرقام اللي بتحكي عنها هما طلبة وأهالي فقدوا أماكنهم في جامعات بلدهم الحكومية، مع إنك كنت تقدر تنظم العملية أفضل من كدة بحيث تحافظ للمصري على مكانه في جامعته الحكومية اللي دافع ضرايبها من جيب اهله!!!! #شيرين_هلال