َ

بجميع مراحلي العمرية، من الطفولة إلى المراهقة إلى عز الشباب الآن وإن شاء الله إلى سن الهرم. كان الشِعر الدهشة الوحيدة اللي ما غيرتها الظروف ولا الأيام بالعكس كل ما أكبر كل ما تزيد. وأنّ دل هذا على شيء يدل على أني فعلاً أحبّ الشِعر حب جنوني

"تمرجح فالضلوع سيوف هجرك والغلا جبّار غرابيبه بحورٍ من قبل لا اجيه غارقها تعال وقدّم الطارف وأنا يا معذّبي عذّار تعال أعذارك الخضرا غصونٍ مال وأرقها قضيت الثلث من عمري أحبّك والعمر مشوار دروبك ما تملّ وضحكتك من نَيِف غارقها" ❤️

"تذكّرتك و أنا لا زال في قلبي حنين و خوف تصاغرت السنين وماتجيب ولا تصاغرتْك تعوّدت أنّي أكون الغريب اللي عليه ظْروف لأنّك أرض و ظروفي تخون الأرض غادرتك على كثر الوجيه اللي تمر، ولا تزِلّ الشوَف إليا مرّوا تذكّرتك و إليا غابوا تذكّرتك"

لي شخصٍ من زود غلاه أشوف إن أجمل ما مرّ بعمري هو كل وقتٍ جمعني فيه وينطبق عليه هالبيت: « تراك الفارق اللي مايجي مثلك ولا شرواك انا وياك عشت اغلى سنين العمر و أجملها »

«صير القلب لو طوّل ظلامه يلتقي صبحه وشمسه ماتبقّي من ظلام البارحه طاري»

"بكيتك وأنا اللي مابكى غير من فرقاك وببكيك لين ان المخاليق تبكيني كسرني رحيلك جعل جنة عدن مثواك تلاشت عزومي وذبلت زهرة سنيني "اقبّل ثرى قبرٍ سكن جوفه محياك وانادي وارد الصوت يافلان توحيني؟ عسى الله يغفرلك كثر ماعطت يمناك وعسى الله يصبرني كثر مابكت عيني" 😢

"مشيت أعزل على رمضا الحياة أتل صبري تَل/ من بيلقى عقب طول التجافي ضحكة أيامه؟"

"كيف ابيع الذكريات اللي وانا جالس لحالي؟ جاتني كنها ترد الصوت و الاخبار عنه ㅤ حملها قيمة غلاه وداري ان الحمل غالي والغلا بـ اموت ما بعته ولا سجيت منه"

«يتنفس الصبح لعيونك بـ الأربع جهات/الليل كان يتحرّا ضحكتك و أنجلا» محمد الكريدي

"أتحاشى ذكرياتك بالتناسي والنزوح وأتوارى عن حقيقة قيدت لي معصمي مشكله عقلي نبيه ومشكله قلبي سروح وبين هذا وبين ذاك أتوه وأجن وأعتمي"

"عشان الفجر وأيّام الحنين وضحكة المقفين عشان السُّهد والذكرى الحنونه وخاطري الباقي"

"تجي مثل الربيع الّي تبسّم والديار قفار تسوق البرق وسيوف الضحى تطعن لياليها أرق من الخشوع الّي تسلل في ضلوع البار ليا فاضت دموعه للفجر من خوف واليها"

"كم بكيته و انتظرته و إلتوى قلبي ووريده / و كم حضِنته في سجودي بين أذان و إقامة" 😢

أحبّك وأشوف إن العمر في مداك يدور حنيني على لقياك ما يسعفه صبري عسى الليلة اللي تفرش أحلامنا بالدور سماها يتوه الفجر عنها ولا تسري" ❤️

"الغرام اللي كبر بين الضلوع وصار غاية // لا وصل في مرحلة مسّ الكرامة؟ طاح كلّه"

"أحبّك والشتاء موْغِل، وأحنّك والسّنين يْبَاس أنا عينك أعَرْف إحساسها وأعشَق مطالعها عسى ما لك ديارٍ في هواها يتعب العسّاس يا وجهٍ في تفاصيله لقت روحي مرابعها" ❤️

"تجيني ضحكتك مثل البشاير في عيون الضيق وأنام وفي عيوني ضحكتك والقلب في راحه بخوض من الحروب وبنتصر واظمى وأبلّ الريق من اللي يخسر بحرب الحياة ووجهك سلاحه ؟" ❤️

"لين متى و المدى يسرق من النور ضيّ كل ما لاح برقٍ قلت ليل و سرى غرّني البارق اللي يكوي العين كي ليت ليل التعاسة عن عذابي درى" 😢

"ليت عيني من سهر ليلي بدونك مستريحة كل فجرٍ ما يشعشع به سناك الغض باير وكلَّ ليلٍ ما يجيبك ?¿ يدفن بصدر الجريحة شوق حار و دمعتين و ضيق صدر و حزن غاير ووالله أنَّ الأرض عقبك ضيَّقة لو هي فسيحة ولو أعد العمر دونك ?¿ راحت أيَّاااامه خساير" 😢

"أمانه لا تغرّك مرحباي وضحكة محيّاي ترى حزني مثل رمشك طويل وضيعتي ضيعه تركت وجيه خلاني وراي وجيتك من أقصاي وأنا بعض الوجيه إليا شريته ماقدر أبيعه أخشّ اسمك عن أطراف الحديث وتفضحه دعواي وتهتف له عروق القلب وتجدّد له البيعة" ❤️