B.Boldbaatar retweeted
Шүүхийн журмаар Зөрчлийн тухай хуульд заасан хариуцлага оногдуулахтай холбоотой маргаан үүсгэлээ: shorturl.at/cmRz7
B.Boldbaatar retweeted
Монгол Улсын Үндсэн хуулийн цэцийн дунд суудлын хуралдаан боллоо: shorturl.at/5HYMU
B.Boldbaatar retweeted
Г.Наранбаатар: Нисэх онгоцны буудал дээр гадаадад суралцахаар явж байгаа олон хүүхэд, тэднийг гаргаж өгч байгаа аав ээжүүд байна. 10 жилийн сургуулийн ширээнээс босоод оюутан болж байгаа бүх дүү нартаа энэ хэдэн үгийг зориулъя
📌Одооноос амьдрал чамд өөрөөр хандаж эхэлнэ.
1. Уурлаад, гомдоод, утсаа авахгүй байлаа гээд асуудал шийдэгддэг үе өнгөрсөн. Одооноос чи өөрийнхөө төлөө өөрөө байхгүй бол хэн ч яг чам шиг чиний төлөө байж чадахгүй.
2. Хийхийг хүссэнээ биш хийх ёстойгоо эхэнд хий. Чамайг бусдаас өөр түвшинд хүргэх зүйл бол авъяас биш, сахилга бат.
3. Сэтгэл хөдлөлөөр шийдвэр бүү гарга.
Ялангуяа уурласан, хэт баярласан, тэвдсэн, түгшсэн, ганцаардсан үедээ том шийдвэр гаргах хэрэггүй. Тайвширсны дараа шийд.
4. Сонссон бүхэндээ бүү итгэ. Давхар шалга.
Бусдын үг, үйлдлийг анхааралтай ажиглаж, сонсож сур. Мэдээлэл ихтэй байна гэдэг үнэн ихтэй гэсэн үг биш.
5. Зөв шийдвэр гаргахыг хүсвэл зөв хүнээс зөвлөгөө ав.
Бүгдээс асуувал бүгд өөр өөрийнхөөрөө хариулна. Харин тухайн асуудлыг мэргэжлийн түвшинд мэддэг хүнээс нь асууж сур.
6. Цаг хугацаа чиний сэтгэл санаа дээрдэхийг хүлээхгүй.
Хэцүү үед өөрийгөө хаяж болохгүй. Шаардлагатай үед өөрийнхөө төлөө босож чаддаг хүн бол.
7. Эрүүл мэнд, хүн чанар хоёроо хэзээ ч бүү алд.
Энэ хоёр дээр амьдралынхаа турш анхаарал тавь. Мөнгө, нэр хүнд, амжилтыг эргүүлж олж болно. Харин зарим зүйлийг буцааж авах хэцүү.
8. Хэнийг ч бүү дорд үз. Өөрийгөө ч мөн адил.
Хүн бүрийн амьдралд дээшлэх, доошлох өдөр бий. Өнөөдөр чи хүчтэй байж болно, маргааш тусламж хэрэгтэй болж болно. Хүн бүртэй хүн ёсоор харьц.
9. Ахмад хүнийг хүндэлж, сонсож сур.
Чи ч гэсэн нэг өдөр тэр ахмад хүн нь болно.
10. Хэрэв 18 нас хүрсэн бол нас биед хүрсэн хүн шиг өөрийгөө авч яв.
Цэвэрхэн, эмх цэгцтэй бай. Хувцаслалт, биеэ авч яваа байдал, өрөө тасалгаа чинь чиний өөртөө тавьж буй хүндэтгэлийн нэг хэсэг.
11. Цэгцтэй, ойлгомжтой ярьж сур.
Юу хэлэх гэж байгаагаа ойлгомжтой илэрхийлэх чадвар чамд хаана ч хэрэг болно. Энэ бол заавал эзэмших ёстой ур чадвар.
12. Хэлж буй үгэндээ анхаар.
Хэлсэн үг уучлагдаж болно. Гэхдээ мартагдахгүй байх нь олонтаа.
13. Хэн нэгнийг хайрлавал түүний орон зайг хүндэл.
Хайр бол өмчлөл биш. Хайрлаж байна гэдэг нөгөө хүнийг өөрийнхөөрөө байлгах эрхийг нь хүндэлнэ гэсэн үг.
14. Аав ээж рүүгээ залгаж бай.
Тэд чамайг амжилттай үед чинь ч, бүтэлгүй үед чинь ч дэмжих хүмүүс. “Зүгээр ээ” гээд ганц минут ч болов ярьж бай. Тэдэнд тэр нэг минут чинь маш үнэ цэнтэй.
15. Шинэ зүйл сур. Шинэ мэдрэмж, шинэ орчин, шинэ хүмүүсийг эрэлхийл.
Тархи цаг хугацааг шинэ зүйлээр хэмждэг. Нэг хэвийн амьдрал хурдан өнгөрдөг, шинэ зүйлтэй амьдрал илүү урт санагддаг.
16. Амбицтай бай. Гэхдээ амьдралаа зөвхөн амбиц болгож болохгүй.
Ихийг хүс. Өндөрт хүрэхийг зорь. Гэхдээ эрүүл мэнд, харилцаа, хүн чанар, дотоод амар тайвнаа амжилтынхаа төлөө бүү золиосол.
17. Суугаагаараа хүнтэй битгий гар барь. Бос, залуу дүү минь.
Хүндлэл гэдэг том зүйлээс биш, ийм жижиг үйлдлүүдээс харагддаг.
18. Өөрийнхөө төлөө амьдар.
Бусдад харагдахын төлөө биш. Бусдад таалагдахын төлөө биш. Өөртөө үнэн байж, өөрийн хүссэн амьдралаа бүтээхийн төлөө зүтгэ.
19. Эцэст нь хамгийн чухал нь хүссэн амьдралдаа хүр.
Бусдын хүссэнээр биш.
Бусдын харцаар биш.
Бусадтай өөрийгөө харьцуулж биш.
Өөрийнхөө хүссэн, өөртөө үнэн, өөрийгөө аз жаргалтай байлгах амьдралынхаа төлөө зүтгэ.
Дүү минь, чи одоо гэрээсээ хол явж байгаа ч ганцаараа явж байгаа биш.
Чамайг эндээс үдэж байгаа аав ээжийнхээ итгэл, хайр, хүлээлтийг хамт авч явж байгаа.
Дуустал нь уншсанд баярлалаа.
Харин одоо хэрэгжүүлэх л үлдлээ дээ.
B.Boldbaatar retweeted
Нийслэл болон орон нутгийн ерөнхий боловсролын сургуулийн багш нарын төлөөлөл өнөөдөр (2026.11.05) Монгол Улсын Үндсэн хуулийн цэцийн ордон, үйл ажиллагаатай танилцлаа. shorturl.at/x7WR4
B.Boldbaatar retweeted
МОНГОЛ УЛСЫН ҮНДСЭН ХУУЛИЙН ЦЭЦИЙН ДУНД СУУДЛЫН ХУРАЛДААН БОЛЛОО shorturl.at/ajaDb
B.Boldbaatar retweeted
Монгол Улсын Үндсэн хуулийн цэцийн гишүүн, хууль зүйн доктор, дэд профессор О.Мөнхсайханы “Үндсэн эрхийн хязгаарлалтад тавигдах шаардлага: тохирсон байх болон бусад зарчим” сэдэвт өгүүллийг дараах холбоосоор унших боломжтой. shorturl.at/umKqP
B.Boldbaatar retweeted
Монгол Улсын Үндсэн хуулийн цэцийн Тамгын газраас албан хаагчдад зориулан “Хиймэл оюуны суурь хэрэглээ” сэдэвт сургалтыг “Тус солюшн” ХХК-тай хамтран зохион байгууллаа. shorturl.at/ghxd2
B.Boldbaatar retweeted
Хамтын бүтээл ашиглах онцгой эрхийн өв залгамжлалын талаарх Цэцийн дүгнэлт (2026, №05)-ийн тойм нийтлэгдлээ. Уг дүгнэлтийн тоймыг бүрэн эхээр нь дараах холбоосоор үзнэ үү: constitutionalcourt.mn/?p=12…
B.Boldbaatar retweeted
Чингис хааны Чан Чунь бомбо хэмээх Цю Чу Зид хүргүүлсэн заллага бичигийг эртний хятад хэлнээс чадан ядан орчуулснаа анх удаа олон түмний мэлмий сонорт хүргэж байгаадаа баяртай байна. Өчигдөр нүүр номын нэг анд нөхөр маань энэ чухал заллага бичгийн тухай дурьдсан нь түүнийг үндсэн эхээс нь орчуулах санаа сэдлийг төрүүлсэн болно. Таалан болгоож унших ажаам уу.
🔥🔥🔥
ЧИНГИС ХААНЫ ЧАН ЧУНЬ БОМБОД ИЛГЭЭСЭН ЗАЛЛАГА БИЧИГ:
Мөнх тэнгэр Дундад орны хэтрэмхий хээнцэр тансаг суртлыг таалдаггүй бол мөхөс би бээр умард зүгийн тал нутагтаа хүслийг тэвчин сэтгэлээ захирсаар өдийг хүрэвэй. Хүн ардадаа ч хээнцэр тансаглалыг цээрлэн хээгүй боргил амьдрахыг сургадаг. Өдөртөө нэг дээлийг өмсөн, өл дарах ганц хоолыг хүртэн явдаг маань үнэндээ адуучин залуу, үхэрчин хөвгүүнээс өөрцгүй шахам болой. Хамаг ардад хайртай ганц үр шигээ хандан, түм буман цэрэг жанжингуудыг төрсөн ах дүүсээс ялгамжаагүй өргөн тэжээсээр өдий хүрэв. Арга бодлогыг тогтоохдоо ая эвийг харгалзан, ачлал энэрлээ хүртээхдээ аль болохуйц өгөөж хүртээмжтэй байх талыг эрхэмлэдэг. Олон цэргүүдийг оройлон удирдаж, харгалдах дайсан лугаа хатгалдан тулалдахдаа халиран няцаж байсан удаа үгүй. Долоон жилийн хугацаанд агуу үйлийг бүтээж, тэнгэрийн дор орших дийлэнх нутаг орныг нэгтгэн захирч чадлаа. Энэ нь мөхөс миний олноос онцгой, түмнээс төгөлдөр эрдэм чадлын хүч гэхээс илүүтэй Алтан улсын засаг төрийн бодлого ашдын ёсонг умартан, уландаа гишгэсний дээр Мөнх тэнгэр аврал таалалдаа багтаасны хүчээр ийнхүү толгойтныг бөхийлгөж тойготныг сөхрүүлж чадсан буюу.
🔥🔥🔥
Өмнө этгээдэд зэрлэг Сүн, умардад Хуйхар, дорно зүгт Тангуд хийгээд өрнөдийн бүдүүлэгүүд бүгд миний сүр хүчийг дагав. Санахуй дор манай Шаньюйгийн улс мянга зуун жилийн өмнө энэ мэт мандал бадралын туйлд хүрч байсан нь лав үгүй буй за. Хэдий тийм боловч алд биенд ахадмаар дэлхий дахиныг засан тохинуулах хүнд хүчир үүрэг оногдсон энэ цаг үед амар төвшин мандсан улс гүрэнд маань алдаа цалгар гарахыг хэн байг гэх билээ. Гол мөрнийг гатлахад завь, сэлбүүр үйлддэг лүгээ адил улсыг засаж төрийг төвхнүүлэхэд ухаант мэргэн сайдуудыг урьж ажиллуулах нь зүйн хэрэг болой. Мөхөс би бээр их суурийг эзлэсэн цагаас хойш алд биеийн алжаалыг умартан аху төрийн төлөө хоёргүй сэтгэлийг барин зүтгэх зуур төрийн баганыг түшилцэн чадах түшигтэй мэргэн сайдыг хараахан олоогүй байсаар өдий хүрэв.
🔥🔥🔥
Эрхэм бомбо та үнэн номын ёсонг чанд сахиж, эрт эдүгээгийн түмэн хэргийг таалалдаа багтаан, тэнгэрийн ёсонг гүнээ ухаад, эрхэм суртал эгэл хүмүүдийн хүрээнээс хальж, зангарга төлөв тань эртний мэргэд лүгээ эн зэрэгцсэний сацуу зан суртхаал тань гэгээн мэргэдийн зэрэгт дэвшсэн болохыг сонсоод олон оныг үджээ. Олон жилийн турш уулын ой, хадан агуйд дияанчлан сууж, сэтгэлийг засаж явдал мөрийг тэгшлэн зассаар ирсэн боловч тэр болгоныг сүр болгон зарладаггүй. Гэгээн багшийн гэтлэхүйн сургаалыг дэлгэрүүлж, газар бүрийн хичнээн олон бомбын суртхаалтан нугуудыг гэгээн ариун зам мөрд залсныг тоочин өгүүлж яахин барах билээ? Дайн дажинтай энэ он жилүүдэд эрхэм бомбо таныг уугуул нутаг Шаньдунгийн газар оронд дияанчлан сууж байгааг дуулаад уулзан золгохыг машид хүсэмжлэн байсан хэдий ч учир завшаан тохиохгүй байсаар өдий хүрснийг яалтай.
🔥🔥🔥
Эртний Жоу улсын Вэнь Ван бээр Вэй нэрт голын сав газар мэргэн сайдын гэрт өөрийн биеэр сурвалжлан очиж байсны сацуу Лю Сюань Дө гурвантаа улалжин овоохойд зочлосон домгийн учир шалтгааныг сануулан өгүүлэхийн хэрэг юун? Газрын холд гацаж, усны уртад уягдаад өөрийн биеэр хүрэлцэн очоод уулзан золгох боломж хомс байгааг ойлгох буй за. Мөхөс би бээр үнэн хүсэл маань үтэр түргэн бүтээсэй гэсэндээ ариун цавыг зооглон рашаан усаар угаал үйлдээд өөрийн шадар дотны сайд Лю Жун Лүг хөнгөн морьт цэргээр хамгаалан бараа болгуулаад, түмэн газрын тэртээд амирлан суугч авгай таныг залж ирүүлэхээр илгээвэй.
🔥🔥🔥
B.Boldbaatar retweeted
БНСУ-ын Сүншил их сургуулийн Хуулийн сургуулийн багш, оюутнуудын төлөөлөл 2026 оны 6 дугаар сарын 23-ны өдөр Монгол Улсын Үндсэн хуулийн цэцийн ордонд хүрэлцэн ирж, Цэцийн үйл ажиллагаатай танилцлаа.
shorturl.at/7kYqR See les
B.Boldbaatar retweeted
Хөнгөрүүлсэн хуулийг буцаан хэрэглэх заалт Үндсэн хууль зөрчөөгүй гэж шийдвэрлэсэн Үндсэн хуулийн цэцийн дунд суудлын хуралдааны дүгнэлт (2026.04.01, №03) нийтлэгдлээ: shorturl.at/NpoWO
B.Boldbaatar retweeted
Үндсэн хуулийн цэцийн их суудлын хуралдаан 2026 оны 04 дүгээр сарын 29-ний өдөр болно. shorturl.at/luXXR
B.Boldbaatar retweeted
Должингийн Дэмбэрэл 1971 онд Английн Йорк хотод болсон Дэлхийн аварга шалгаруулах тэмцээнээс алтан медаль хүртэж, Монгол улсаас төрсөн спортын салбарын анхны дэлхийн аварга, Алдар спорт хорооны тамирчин
B.Boldbaatar retweeted
Үндсэн хуулийн цэцийн 2026.02.27-ны өдрийн дунд суудлын хуралдаанаар Мэргэжлийн нэгдсэн холбооны эрх зүйн байдлын тухай хуулийн зарим зохицуулалт Монгол Улсын Үндсэн хуульд нийцээгүй гэж шийдвэрлэв. shorturl.at/cJP6x
B.Boldbaatar retweeted
Үндсэн хуулийн цэц нь өөрийн үйл ажиллагааны талаарх мэдээ, мэдээллийг олон нийтэд ил тод, нээлттэй хүргэх зорилгоор “Үйл ажиллагааны тойм” товхимлыг онол, арга зүйн болон мэдээллийн агуулгаар баяжуулан жил тутам хэвлэн гаргаж байна. shorturl.at/wyXGm
B.Boldbaatar retweeted
Өмгөөлөгч авахаас татгалзсан яллагдагчид өмгөөлөгч томилж, хэрэг хянан шийдвэрлэх ажиллагаанд оролцуулах заалтаар маргаан үүсгэлээ. shorturl.at/1YDdb
B.Boldbaatar retweeted
China's airborne megawatt class wind power system
teapaw.org/fluxfolio_/status/2020…






















