محمد الريّس

الواحد شيبي اكثر من انه يطلع من الدنيا والناس كلها تذكره بالخير ..

قبل كان تويتر مهرب من ضغط الحياة… الحين الحياة أهون من اللي تشوفه هني ..!

محد ترك اثر في حياتنا هالفترة اكثر من البعوض ..

صباح الخير .. والباء ياء .،

علمتني الحياة أن صاحب المبادئ لا يقف في صف مجرم نكاية بمجرم آخر ..

لما كل فترة تييب العيد في منصة من منصات السوشل الميديا معناتها المكان مو مكانك .. لا تصر تطلع روحك بمنظر يفشل، مو لازم تشارك في كل مكان وتكتب رأيك في كل موضوع .. شوف المكان اللي يناسبك والموضوع اللي تفهم فيه .. ليست نصيحة مالية ..

صج الغيم يعدل النفسية ..

خبر إغلاق المكتبة الوطنية فرع المدينة يضايق .. بالذات وانا احمل معاه ذكريات ما تنسى ..

وصلنا لمرحلة حتى لو تفتح الثلاجة يطلع لك ما يؤذيك ..

الحمدلله إن الله يعلم ما في القلوب، ويجازي على النوايا… مو على ظنون الناس ..

من حقك تدخل السوشل ميديا بحساب مستعار وصورة رمزية… هذا خيارك .. بس لا تلبس ثوب الوطنية وانت مشغل VPN ولا تتفلسف عن الشجاعة وحسابك Fake ولا تتدخل بشؤون الدول وانت موقعك West Asia باختصار: لا تدّعي شي ما يعكسك.

في الوقت اللي احنا ننتظر الحرب تخلص والأمور ترجع نفس قبل واحلى . بعض الناس إذا سمع بتخلص الحرب :

هذي يسب ويغلط اللي ما يستحي .. ملاحظة : ساكن في ليفربول

وقت الشدّة يبان المعدن… أبناء الكويتيات أثبتوا إنهم نتاج تربية كويتية أصيلة 🇰🇼، وردودهم راقية رغم صعوبة وثقل الموقف… وفي المقابل، جماعة الشماتة ما كشفوا إلا عن تربيتهم وأخلاقهم… أخلاق ما كانت خافية، لكنهم أظهروها للعلن. فرق التربية، والأخلاق، والوطنية واضح… والفرق شاسع ..

في بعض المواقف تتحسف ان أهلك ربوك صح وما تقدر ترد بالرد اللي يناسب الموقف ..

الحمدلله الذي يُبدّل الأحوال… من صوت القصف إلى صوت الرعد، ومن المسيرات إلى المطر والمسرّات ..

رعد .. والله صوت رعد ..