Pinned Tweet
നെഞ്ചിനുള്ളിലെ കൊടുങ്കാറ്റിനെ കുറിച്ചോ, കുഴിച്ചു മൂടിയ സ്വപ്നങ്ങളെക്കുറിച്ചോ, പൊളിച്ചെഴുതിയ നിമിഷങ്ങളെക്കുറിച്ചോ, ഇന്നും ജീവനോടെ പിടിച്ചു നിർത്തുന്ന പ്രത്യാശകളെക്കുറിച്ചോ ഒന്നും ഞാനിവിടെ പറയില്ല. മണ്ടത്തരം മാത്രം. നിങ്ങൾ ക്ഷമിക്കണം.
ലോകസമാധാനത്തിന് ഭീഷണിയാകുന്ന
ഒരു പ്രവർത്തനത്തിലും ഞാൻ ഏർപ്പെട്ടിട്ടില്ല. അതുകൊണ്ട് തന്നെ ഞാൻ ദീപാവലിയും ആഘോഷിക്കാറില്ല.
ഒരാൾ മിണ്ടാതിരിക്കുമ്പോൾ എന്താണ് ഉദ്ദേശിക്കുന്നതെന്ന് മനസ്സിലാക്കാൻ ഇപ്പോഴും കഴിയുന്നില്ല. ആശയവിനിമയരംഗം ഇനിയും വളരേണ്ടതുണ്ട്.
ഭൂമിയിലെ എല്ലാ മനുഷ്യരും ഒരേസമയം മുകളിലേക്ക് നോക്കിയാൽ ഓരോരുത്തരും വ്യത്യസ്ത ദിശകളിലേക്കായിരിക്കും നോക്കുന്നത്. മനുഷ്യർക്കിടയിലെ അഭിപ്രായവ്യത്യാസങ്ങളുടെ അടിസ്ഥാനം തന്നെ ഇതായിരിക്കാം.
മനുഷ്യൻ ജനിക്കുന്നതിന് മുമ്പും ലോകം ഉണ്ടായിരുന്നു. മരിച്ചതിനുശേഷവും ഉണ്ടാകുമെന്നാണ് കരുതുന്നത്. വ്യക്തികളെ ആശ്രയിക്കാത്ത ഒരു സംവിധാനമാണിതെങ്കിൽ മനുഷ്യൻ ഇവിടെ ജനിച്ച് വളർന്ന് കറന്റ് ബില്ലും വാട്ടർ ബില്ലും അടയ്ക്കേണ്ടിവരുന്നതിന്റെ യുക്തി എനിക്ക് മനസ്സിലാകുന്നില്ല.
കോടിക്കണക്കിന് നക്ഷത്രങ്ങളും ഗാലക്സികളുമുണ്ടായിട്ടും അവക്കിടയിൽ ഒരു പൊതുഗതാഗത സംവിധാനമില്ല. അടിസ്ഥാന സൗകര്യ വികസനത്തിൽ ഈ പ്രപഞ്ചം വളരെ പിന്നിലാണ്.
ഒരു മനുഷ്യന് ഒരേസമയം രണ്ട് സ്ഥലങ്ങളിൽ നിൽക്കാൻ കഴിയില്ലെന്നും എന്നാൽ രണ്ട് സ്ഥലങ്ങളിലും നിൽക്കാതിരിക്കാൻ കഴിയും എന്ന നിഷ്പക്ഷതയുടെ മഹാസിദ്ധാന്തങ്ങൾ ഞാൻ ലാലേട്ടനിൽ നിന്നുമാണ് പഠിച്ചിട്ടുള്ളത്.
പ്രപഞ്ചത്തിൽ എവിടെയെങ്കിലും നമ്മളെപ്പോലെയുള്ള മനുഷ്യരുണ്ടെങ്കിൽ അവർക്കും പ്രപഞ്ചത്തിൽ എവിടെയെങ്കിലും നമ്മളെപ്പോലെയുള്ള മനുഷ്യരുണ്ടോ എന്ന സംശയമുണ്ടാവില്ലേ?
ഭൂമി സ്വന്തം അച്ചുതണ്ടിൽ കറങ്ങുകയും സൂര്യനെ ചുറ്റി സഞ്ചരിക്കുകയും ചെയ്യുന്നുണ്ട്. ഇത്രയും യാത്ര ചെയ്തിട്ടും ഭൂമി എവിടെയും എത്തുന്നില്ല. നമുക്കിതിനെ ലക്ഷ്യബോധമില്ലാത്ത ഒരു സഞ്ചാരത്തിന്റെ ഉദാഹരണമായി വേണം കണക്കാക്കാൻ.
രാവിലെ പുറത്തിറങ്ങിയപ്പോൾ ആകാശം പതിവുപോലെ മുകളിൽ തന്നെ. നിലവിൽ അസ്വാഭാവികമായി ഒന്നും ശ്രദ്ധയിൽപ്പെട്ടിട്ടില്ല. സുപ്രഭാതമായിരിക്കും.
ഇന്നലെ രാത്രി ഉറങ്ങാൻ കിടക്കുമ്പോൾ ഇന്ത്യയിൽ രാത്രിയായിരുന്നു. രാവിലെ എഴുന്നേറ്റപ്പോൾ പകലും. ഈ മാറ്റത്തിന് പിന്നിൽ ആരാണെന്നോ എന്താണ് കാരണമെന്നോ ഇതുവരെ ഔദ്യോഗിക വിശദീകരണമൊന്നും ലഭിച്ചിട്ടില്ല.
രാവണനും ജഡായുവും തമ്മിൽ പൊരിഞ്ഞ തല്ല് നടക്കുമ്പോൾ പുഷ്പക വിമാനത്തിൽ നിന്നും ഒരു പാരച്യൂട്ടുമിട്ട് താഴോട്ട് ചാടിയിരുന്നെങ്കിൽ ഈ യുദ്ധം തന്നെ ഒഴിവായേനെ.. സീതയുടെ സമയോചിതമായ ബുദ്ധിയില്ലായ്മയാണ് പിന്നീടുണ്ടായ പ്രശ്നങ്ങൾക്കെല്ലാം കാരണം എന്നേ ഞാൻ പറയൂ.
ദൈവത്തിലൊന്നും വിശ്വാസമില്ലച്ചോ.. വഴിതെറ്റാതിരിക്കാൻ ഒരു ഉപഗ്രഹം അയച്ചുതരുന്ന ദിശയിൽ വിശ്വസിക്കുന്നു.
