مشاري محمد

طرّف الليل يا أصحاب النفوس العميقه من يرتّب مواعيدي ويرسل سلامي كل ما أسمع قصيد وكل ما أسمع موسيقه كنّي أقطع معاليقي وأكسّر عظامي من ضغوط الحياه ومن صداع الشقيقه مابقى الا القصيد اللي يشدّ إهتمامي أتقهوى دلاله وأتقهوى بريقه وأكتبه في مواقف كل حرٍ قطامي وفي بنات الهبوب وفي غرام العشيقه وفي هيام الذلول وفي رقبة الآدامي كم لي أدوّر لنفسي بنفسي طريقه والعرب ماتحنّ من الظمأ كل ظامي دام الأرزاق تكتب عند رب الخليقه ما لحد فضل في رزقي ولا في دوامي كثر ما شفت هم وكثر ما شفت ضيقه مستحيل أرخص دموعي وأنزّل مقامي عادي أتبع سراب اللي خدعني بريقه بس ما أعيش في حكم الظروف إنهزامي يا رفيقي لا شلت اللي ما تقدر تطيقه خل راسك شجاع وخل قلبك عصامي أبشر إن المشاكل كلها في حريقه وأبشر إن الوعد قدام والطق حامي وأبشر اني رفيقٍ ما يخلّي رفيقه لا غدا كل طيّب عن رفيقه يحامي يوم ذلّ الجبان اللي ماكمّل طريقه الشجاعه براسي والسعد في حزامي يأكل الخوف فاللي نشّف الوقت ريقه مثل مايأكل الشعار بيت الزلامي أترك اللي يماري بالجدود العريقه وأعتنز بأسمي اللي من كبار الاسامي العرب هرجهم فالثانيه والدقيقه ولا تسد اللزوم ولا تغيث الظوامي وأنت خبرك عتيق وذكرياتك عتيقه ودي ألوم لكن كيف تفهم ملامي إن بغيت الكلام الواقعي والحقيقه آخذ مني كلامي وأنتبه في كلامي وإعتبرها نصيحه من صديق لصديقه وزلةٍ دون قصد ورميةٍ دون رامي

القابله الله يحييكم جميع

أوبريت الحفل شرفوني فيه أخواني الغالين عبدالعزيز العبلان @azizalablan فهد العيبان @FahadAl3eban مزيد الوسمي @mzed_9 فارس عايض @FaresAyedh متعب البقيلي @muteb_1191 عبدالله السراهيد @Alsraheed اداء خالد المري (العذب) @khalidal3thb الله يبيض وجيههم ويجمّل حالهم 🤍 youtu.be/RYTdfqhOcO4?si=Iprx…

يسعدني ويشرفني دعوتكم لحضور حفل زواجي الله يحييكم تحايا المطر ومرحبا والله ومسهلا بالجميع تشريف بلا تكليف قاعة لفيف نجد في محافظة البدائع يوم الجمعة تاريخ 19 / 5 / 1448هـ الموافق 30 / 10 / 2026م

في حما قايد العنّه بعيد النحاوي وفي ذرا كل شغمومٍ خواله عمامه جيشهم كل ماحان الطلب ما يراوي فوق وسق الذلول وفوق سرج النعامه 🇸🇦

إلى من يعتقد أن ما يشاهده في دفاع السعوديين عن وطنهم هو مجرد أجندة مأجورة أو حسابات مدفوعة تُدار بشكل أو بآخر.. السعوديين عرب أقحاح أحرار يدافعون عن وطنهم بمحض إرادتهم ولا يتنازلون عن مواقفهم ولا مبادئهم مهما كلفهم الأمر وولاءهم لهذه الأرض مُنذ مئات السنين ليس ولاءً حديثًا صنعته الأموال والمصالح "حنّا العرب يامدّعين العروبة" 🇸🇦 صنعاء ستُفتح بمشيئة الله رغمًا عن أنف من لا يُريد ذلك الضرب في الحوثي والألم في طهران ومخلفاتها وإن غدًا لناظره لقريب بإذن الله.. العدو مقتول والشامت مخذول والمحايد مذلول.

قمة المجد ما تاصل لها كل راية الله انه يبارك في تقاليد أهلنا إن قرينا كتاب الله.. أجدنا القراية وإن عملنا بشرع الله.. عليه إتكلنا العرب نصرة الإسلام مُنذ البداية وأنت يالفارسي تدري وش اللي فعلنا إن صنعتوا حدث ولّا صنعتوا دعاية مايشيل الحمولة غير منكب جملنا والله إنّا نشوف إن المعارك هواية يوم جينا على كسرى وصلنا وجلنا توّكم ما تعلّمتوا فنون الرماية وتوّكم ما عرفتوا ويش قيمة زعلنا 🇸🇦

وإن دندنت طبّلة الحرّاب دندنا 🇸🇦 #العقاب_قادم_ياحوثي

"ياشيخ ما تامر عليهم بغاره كود الجروح اللي على القلب يبرنّ" #محمد_بن_سلمان‌

أنا على ركب القلق ولا أنت يا حمود ماشفت وش فرق النجوم من الأهلّه البارحة ما فالمدى نسمة ولا نود ياثقل شرهات النفوس المسفهلّه إن جيت يمّ العود سلّم لي على العود وأخذ القصيدة من محلّي في محلّه اليوم مضمون الرسالة.. جزء مفقود الله يعقل الحق لأهل الحق كلّه أشوف لي نار وعرب وأشمّ بارود وأسمع كلام الناس وأقول الله الله اللي يحسب انه بيلحق كل مطرود يمكن يشوف إن المثاليّة.. جبلّه إسمع قصيد اللي قصيده سيف مجرود وإترك قصيد اللي قصيده حرف علّه وأخذ الكلام اللي ماتلقى فيه منقود من باع مجد أبوه يرضى بالمذلّه عادي تشوف اللي يحك العود فالعود ولا تشوف اللي يزيد الطين بلّه محدٍ يمارينا على الماء وأنت موجود ياسيفنا اللي كل ما أحتجنا نسلّه