أتحاشى وأستحي منك والله العظيم
وأنت ماتدري وأنا أدري وغيرك مادرى
الهوى غربي من أمس العصر و الجو غيم
سامح الله كل شيٍ على بالي طرى
مدغم
83
ياصاحبي كسر الخواطر من شهاويها حرام
والحب يحييه الوصل والروح يحييها الغذا
كل الجوارح فيك تنطق لي من عيونك كلام
يا حبّذا لو مـن لسانك تنطقه يا حبّذا
ياحبذا لو تتخذ وضعي بعين الاهتمام
من كثر درهامي ورى طرد الهوى حالي جذا
- سعد بن جدلان
1
560
لقينا الزهادي والعنا والشقا والجور
وهذا الزهاب اللي تجيبه ليالينا
واشوفك تبسم دالهٍ خاطرك مسرور
تفوّح قراطيع العقايب وتسقينا
126
ماباح سدي بالليال المخلّه
اللي رداها منْك ، وهمومها منْك
يدري عن غيابك وعن جرحك الله
هو الوحيد اللي تكلمت له عنْك
- محمد الكريدي
1
151
عسى البارق الشعّال والوابل السكاب
على دار ملهوف الحشى تنفطر سحبه
مداهيل غرو في ضميره علي عتاب
اذا ما صلحنا بالمطر ويش نصلح به
1
180
قمرا شهر عشره وبرّاق قبلي
لاشفتهن مالي مع الناس مقعاد
يا كثر ما قالوا لي الناس مَبلي
راعي الولع ما هو عن الناس نشّاد
لا جيت قيعانٍ عقب رش وبلي
ولقيت جرّة من له القلب منقاد
بـ اطراف روضٍ ما توطّاه قبلي
حيٍ من اللي تارسٍ راسه عناد
326
ماهي بدايم ريف ياحادي العيس
احسب حساب مفرقات الجموعي
بيض الليالي مقتفيهن معابيس
وماراح لاترجي وراه الرجوعي
1
100
اغني لك العصما واغني لك البيتين
بوادر محبه سقتها لـ وجهك البدري
تبعني بعد حبك شريحه من الغاوين
من سلوبك الهادي طغى سلوبي الشعري
الله الله عليك يابطل 👏🏻👏🏻
ياروتيني إللي جمل فـ عيني ( الروتين )
ماكنت ادري التكرار مع حضرتك مغري
لاصرتي عليّ مثل النسانيس في تشرين
تطول السنين الغبر .. ماضيقت صدري
فداك العمر .. والمال يفداك لو بتجين
احب المصاري صح بس ماني بـ مصري !
عطيني من الاحساس ( مايقدره قلبين )
انا وضعي العادي : مثل وضعي المزري
يهب الهوا منا .. وافكر تجين منين ؟
هذا اكثر سؤال البارحه شاغلٍ فكري
لو إنك ماهميتيني ( تجين و تروحين )
ماتاخذني اللهفه .. على شارعك بدري
تطلين .. و تعم ( السكينه ) من تطلين
على قلبي العيّ وعلى احساسي الثوري
يهب النسيم العذب .. ويزيد لينك لين
ونغني انا ، والليل ، والغصن ، والقمري
قبل عودك المبري ماعرف المبره زين
وعرفت المبره زين من عودك المبري !
امسيّ على الحلوين .. واسامر الحلوين
هم إللي بعد ربي يزيدون !.. من عمري
ماحب الضياع الا ضياعي معك تدرين
ليا ضعت بين ثنين .. عنابي و نمري !
تشوفين نفسك .. لامشيتي على الباقين
مثل عفريٍ مذعور واجمل من العفري
على خبرك اشوفك جميله مامنك ثنين
وجمالك طموح الاغلبيه .. على خبري !
دعت عينك وشفتي من عيوني الـ امين
تقولين وش دراك ؟ اقول المُحب يدري
انا فاهمك من طاحت العين وسط العين
لو تكلميني . . بـ الفرنسي وبـ العبري
اغني لك ( العصما ) واغني لك البيتين
بوادر محبه .. سقتها لـ وجهك البدري
تبعني بعد حبك شريحه من ( الغاوين )
من سلوبك الهادي طغى سلوبي الشعري
- عتيم
الله اللي عوض الحسرتين بفرحتين
تبرد الايام ذي بـ حرة الايام ذيك
يا عصاة الخيزرانه وريح الياسمين
لو يجي بين الهوى والدريك احيا الدريك
انت فاتنّي بجسم ٍ وساحرني بعين
مستحل ٍ مهجتي مامعك فيها شريك
لو يجيبك جاه جيتك بـ جاه الطيبين
ولو يجيبك مال ببيع بيتي واشتريك
مطلق الطايعي
268
رفيقنا اللي فعول الطيب منهاجه
قدام لا نمدحه . . يمناه مادحته
يفداه من فـ اللوازم يعقد حجاجه
تقول شمس العصر فـ الخط ناطحته
174
نامت عين ابو قلبٍ من الهاجوس خالي
والسماء معاد فيه من النجوم إلا وحيده
اقبل الضيف القديم اللي يزل ولا يمالي
في طرف صدرٍ غدى من لوعة الدنيا وقيده
لين ضاق الخاطر الي قد له ايام وليالي
ينزعج حتى من الورقا على غصن الجريده
1
203
