العراقي ما يحب السياسي النزيه والحُر لأن يشوفه ضعيف ومو «نچر». يشوف السياسي الملتزم بالنظام والقانون واللي يحترم نفسه ويحترم الشعب وملتزم بأخلاقيات العمل على أنه ضعيف وما يعرف يتصرف، فبالتالي ما يحترمه ولا ينتخبه. بالمقابل يروح ينتخب واحد مهايطي وحرامي يسلب وينهب بيه، بس لأن يعرف يحچي ويهدد ويتجاوز على غيره ويستعرض قوته لأن هو هذا الأسلوب اللي يشتغل وياه. المشكلة أن قسم الأكبر من العراقيين صار يقيس قوة السياسي بمدى وقاحته وقدرته على فرض نفسه، مو بنزاهته وكفاءته واحترامه للقانون. يريد السياسي اللي يخلصله معاملة أو يعيّنله واحد من جماعته، حتى لو كان فاسد وسارق مليارات من أموال الشعب. بينما السياسي اللي يريد يبني دولة ومؤسسات ويخلي القانون يمشي على الكل بدون استثناء، ينظروله على أنه ضعيف لأن ما يجامل وما يتجاوز القانون حتى يرضي هذا أو ذاك. #Iraqipolitics

كلية طب ميسان تعرض حلقة لليوتيوبر العراقي (علي شاكر) تتناول حياة فاطمة الزهراء ورواية كسر الضلع. منذ سنوات والجامعات العراقية تتحول تدريجياً من مؤسسات أكاديمية يُفترض أن تخرّج كفاءات علمية تقود البلد إلى مؤسسات للأدلجة الدينية. من مهرجانات العباية والحجاب والتمييز بين الطالبات المحجبات وغير المحجبات إلى الفعاليات الدينية المستمرة، وآخرها الوقفة الاحتجاجية ضد قرارات داخلية أذربيجانية. بدلاً من أن تكون الجامعات منابر للعلم والتفكير النقدي والانفتاح، أصبحت تُستغل لفرض الخطاب الديني والتدخل في خيارات الطلبة الشخصية.

دعشنة المجتمع السوري مستمر وسوريا الجديدة ستكون قِبلة الإرهاب في العالم. تغير المناهج في سوريا لتتناسب مع الشريعة السلفية👇🏻👇🏻

هالمرة التعوسي ما يكدر يكول الموقع ويست اسيا. فعلا شعب مسعور بكل معنى الكلمة.

لحسن الحظ، 90% من اللي مبلكيني من أدخل لصفحاتهم اشوفهم لو ولائية لو سلفية🤣

#ضد_قانون_الاحوال٢٧ #انصاف_المرأة_العراقية

"أغلب الظن ان محمد كان نبيا" -سراج الحياني

عودة سيراج الحياني الى الإلحاد. هيثومي يشعر بطعنة🤣

طبعاً اني أعرف هاي تكون تاليها، لا مظاهرات ولا ثورة ولا ولا مطالب حقيقة ولا شي. وبالمناسبةبتاريخ العراق ما صارت ثورة حقيقية وأعتقد بالمستقبل القريب هم ما راح تصير. حتى احتجاجات 2019 ما جانت ثورة، وكذلك إنتفاضة العشرين هم ما تستحق تسمية ثورة، وإنما مجرد شغب قادته مجموعة من شيوخ القبائل المتخلفين اللي لا عندهم فهم ولا علم.

شركاء السكن 👇🏻👇🏻

العراق من أكثر الدول اللي تعاني من البطالة والحكومة اللي تكول ما عدنا سيولة لدعم الشعب وتوفير فرص عمل تصرف مليارات الدولارات على معدات وأدوات قمع المتظاهرين! واليوم قبل لا تبدي المظاهرات مجهزين نفسهم لقمع الشعب بدل ما يجهزون حلول لمعاناته. افهم يا عراقي هاي الحكومة مو جاي تحكم حتى تخدمك وإنما تتعامل وياك وكأنك حشرة ما إلها قيمة. من تطالب بحقوقك يجهزون لك أدوات القمع ومن تطالب بفرصة عمل وحياة كريمة يكولون ما عدنا فلوس! #تشرين_راجعة #تشرين_لا_تنسى_قتلتها #ثورة_تشرين #ساحة_التحرير

الرواية الولائية الجديدة.. "شوف هذا من الغربية"؛"هذا السني شنو يكول".. اولا هو مواطن عراقي ومن حقه ينطي رأيه ويرفض نفوذ الدول الأجنبية ببلده ثانيا غالبية العظمى من الشيعة يرفضون التدخل الإيراني في بلدهم. رواياتكم ساذجة وغبية ولم يوقف الثورة.. #ساحة_التحرير_الآن #ساحة_التحرير #مظاهرات_أكتوبر

بص كدة حضرتك 🤣🤣✌🏻🇮🇶 الولائي يشعر بالإهانة #ساحة_التحرير_الآن #ساحة_التحرير #مظاهرات_أكتوبر

بكل دول العالم، السياسيين يعيشون بين الشعب ويواجهون الناس ومشاكلهم، إلا بالعراق، طبقة السياسية عايشة خلف أسوار المنطقة الخضراء، معزولة عن واقع المواطنين وكأن البلد ملك خاص إلهم! منظومة تتقاسم المناصب والثروات، وتترك الشعب يواجه البطالة والفقر وانعدام الخدمات والفساد والمواطن اللي يطالب بحقوقه يواجه القمع والتخوين، وأهالي الضحايا ينتظرون العدالة ومحاسبة المسؤولين عن دماء أبنائهم.. ثورة تشرين مثالا المنطقة الخضراء صارت رمز لهالفجوة الطبقية، حيث امتيازات المسؤولين وأبنائهم والمقرّبين منهم وحتى البلوكرات والفاشنستات بينما ملايين العراقيين محرومين من أبسط مقومات الحياة. العراق مو ملك للأحزاب ومؤسسات الدولة مو إقطاعيات سياسية،وثروات البلد مو غنيمة تتقاسمها السلطة. من حق العراقيين يطالبون بالكشف عن الفساد، ومحاسبة المتورطين بالانتهاكات وإنهاء الامتيازات غير المبررة واستعادة دولة تخدم شعبها مو تستعلي عليه. والشعب مو ضيف ببلده حتى يحتاج إذن من الأحزاب حتى يوصل لدولته! #ساحة_التحرير_الآن #ساحة_تحرير #تشرين_راجعة #تشرين25