إبْرَاهيم

عادة السيف تتغير صورتها ولكن تترسخ اكثر، شانكس تحرر من ان يضحي بنفسه كاداة بيد شخص، وهنا التباين مع ميهوك يوصل الى درجة ابعد... - ميهوك خلى السيف محور حياته حتى أنه دائما مسحوب من الغمد - شانكس خلى حياته/ارادته/حضوره نفسه سيف للعالم حتى صار دائما ينتظر الشيء اللي يستحق لسحبه - ميهوك عنده ارادة كاملة لكن الوعاء صار ضيق - شانكس عنده وعاء ضخم لدرجة انه يبدأ يفقد ارادته الكاملة... واحد حمى السيف لين نسي المعنى، والثاني حمى المعنى لين كاد ينسى انه سيفه الخاص على خصره أداة له مب للعالم.

لا هزيمة فرضت عليه الخسارة، ولا خصم كسره، ولا النصل خانه، هو اختار ان شيء خارج السيف يستحق اكثر من استمراره كالسيف بكامل صورته... ميهوك شخص انعزل من البشر لانهم ذوقوه الخيانة، في عالم عاش فيه على معنى القوة وغالبا في خدمة احد اكتشف انه ما دام الموضوع بشري فالخيانة ممكنة، اما التكنيك ما يخون والسيف يتكلم بلغة ثابتة، كلما شحذت السيف كلما حصلت على رفيق اصدق وبذلك ميهوك ضحى بشموليته كانسان لصديق واحد اسمه يورو وبالتالي بعد هيجانه ضد البحرية لما تعرض للخيانة جاء شانكس كنصل حاد ورفيق صادق، وقدم له استقرار نفسي هائل عبر المبارزات، باللحظة اللي شانكس كان سيف العالم ميهوك كان سيف معزول ضد العالم، اللي تمناه ميهوك انه دام ان شانكس قوي بيستمر بكونه سيف يشحذ سيفه الى ان تفاجئ ان طبيعة شانكس اللي حولته سيف للعالم هي نفسها كان مآلها ان تصنع هذي التضحية للوفي

روجر ما كان موجود عشان ايس، ايس كان موجود عشان روجر، النصل ياخذ قيمته من اليد، واليد تاخذ اتجاهها من الانسان، والانسان يتحرك بدافع ورغبة اكبر من المعدن كله...روجر يضحك، يحب، يكره، ينافس، يطارد، يغامر، يجمع ناس حوله، ثم اذا سحب سيفه يدخل كل هذا داخله هاكي الملوك هو التعبير الاوضح عن هذي الفكرة، الارادة تسبق السلاح، وكل ما كان الانسان اكبر كانت الاداة اللي بيده قناة وجزء من معناه يدخل منها هذا الانسان للعالم، السيف ما يقول للملك وش يبي، الملك هو اللي يعطي السيف سبب انه يطلع من الغمد.

وهذا يكشف الموازاة بين ترويج روجر واودا للون بيس، روجر يقول هناك كنز يمثل كل العالم، واودا يعطيك أضخم مانقا يمكن تتخيلها، وعدين يحتوون على كل شيء: القتالات، الغموض، القوة، الشهرة، التاريخ، الاستعراض، الأماكن المستحيلة، الشخصيات العظيمة، الأسرار، والرغبة في ان ما يفوتك اللي يبحث عنه الجميع، لكن بعدما تعيش الرحلة، قد يتغير معنى كل شيء وكذا تصير إنسانية روجر مؤثرة لابعد درجة، هو ما يبي ان يعرف الكل اللي يعرفه من لور فقط، بل يبيهم يعيشون التجربة اللي خلت كل ما يعرفه له هذا المعنى...القارئ العظيم يحب القصة بما يكفي لدرجة انه ما يبي يختصرها، يبي يخلي الناس قادرين على حبها كمان... روجر يقرأ، روجر يضحك، ثم روجر يكتب، هكذا تبقى الإرادة الموروثة حية والمعنى يمتد

وقبل ان ينتهي جريان الارواح وتختفي فواكه الشيطان وينتهي عالم الاحلام بون بيس، بنشوف الحلم لوفي يلفظ انفاسه الاخيرة ويقفل قصة الاحلام اللي قريناها للابد وقتها بنشوف روحه تندمج مع نهر الارواح وينضم لكل من راهنوا عليه بالقرون الماضية، ولكن الحقيقة ان نهر الارواح اللي يفصلها عن عالم الموتى هو استعارة اودا لنهر الستيكس بالاساطير اللي يتم عبوره كما بالاساطير بالسفن! وبالتالي...ينطلق لوفي لرحلة جديدة! الى ارض جديدة! بعالم جديد! اخر الارواح تنضم لبعض، لوفي وتيتش سويا، وبهذا لوفي يصنع حتى من الموت حرية! الالم والامل الجوع والشبع الحياة والموت، قبولها كلها هو ما يصنع الاكثر حرية، هذي هي قصة ون بيس، امل بالحرية ودرس عن معنى الحياة وظروفها.......... ذروة الامل، قصة عن عالم احلام ممكن، قصة عن حرية مطلقة ممكنة، لا توجد صفحة بيضاء بالحقيقة، ولا يوجد فرد يمثل لوفي فهو وزن مهلك، ولكن رسالة اودا هي ان لوفي صورة الكل، وبأخذ كل فرد قطعة منه يقترب العالم من الصفحة البيضاء والعالم الحلم اللي تمناه اودا ل+30 سنة، عالم يحمي افراده من تكوين تيتش. لوفي ينضم لبحر تيتش والبقية.