Night Baron

الي يواجه مشاكل فنية بموقع شبكة كونان يتواصل مع @iSenku0 او يطلب المساعدة من المشرفين في الديسكورد الأمور التقنية مو اختصاصي

الشخصيتين الثالثة والرابعة عشر للفيلم 30: أغاسا هيروشي و كورودا هيوي #فانز_كونان

يوم نزلت هالتغريدة كانت قضية الـ 12 مليون رهينة هي ظهور ماتسودا الوحيد والنادر في كونان :) كان من الشخصيات النادرة الي ظهرت مرة واحدة في فلاشباك واحد فقط وأسرت قلوب الفانز، بريقه المميز تلاشى نوعا ما لما تعمقوا في شخصيته وكثر ظهوره في قصة الاكاديمية

قاعد اشوف وايد كلام وتوقعات عن الفيلم 30 هالايام والظاهر في ناس متأملين شي "مهم" او "قوي"، ولاحظت ردود فعل سلبية تجاه بعض شخصيات الفيلم الي انكشفت في جزيرة غوشو هالفترة… لو نفكر فيها شوي بهدوء، فيلم مثل هالفيلم شنو يفترض نتوقع منه؟ يعني بالنسبة لي على الاقل مبدئيًا، الكتاب واضح من عنوانه، دامه فيلم عن شينتشي وران، ف بديهي انه يتمحور حول حياتهم والناس المقربين لهم بعيدا عن اسرار القصة والمنظمة والمواضيع الثقيلة، ما اظن في شي يزعل اذا الفيلم كان احياء لاجواء كونان الكلاسيكية قبل توسع القصة، يوم كان كونان عبارة عن يوميات كونان وران ومعارفهم، مو شي غريب او عجيب او صادم ابدا، حرفيا اغلب القضايا القديمة والافلام والفلرات وحتى الاوفات ماشية بهالاسلوب… للتوضيح، ما اقصد ان لو ظهر شي مهم متعلق باسرار القصة بيكون شي سلبي او ماله داعي بالفيلم، بالعكس اضافة جميلة مرحب فيها، ولا قاعد اهذر هالهذرة كلها عشان اعلم احد شنو هو "كونان" او شيحب وشيكره، لكن والله وتالله ان التأمل الزايد هذا بيحرم ناس وايد من متعة الفيلم، والتأملات هذي في الاساس غير واقعية ومو معقولة، نصيحتي لكم انسوا المنظمة شوي…