سقها على اللي بالمراجل تفوق
كل الرجال اللي بسنه فهقها
كل الدروب الكايدة شقها شق
وجميع بيبان المراجل طرقها
المرجلـة بنت طويلة معـنق
ما كل رجل تاخذه لو عشقها
يا حبيبي لك من اطلال المزون اطلاله
والجمال اللي تناقله الرواه . . ويروى
كان عيني مارتوت بك شوف ماهي حاله
والله ان تشرب من الدمع الغزير وتروى
كل ما يدرك رضاك ادوّره . . واسعى له
مثل سعي المعتمر بين الصفى والمروى
لاترجى رجعتي لك ولاتصنع عذار
جزت من طرادة الحب هي وطروقها
كيف تبغى رجعتي وأنت من قلبي فرار
أنت تلعب بالمشاعر عبث وتبوقها
مات الإحساس وتنازلت وأعلنت القرار
ماتت أشواق المحبين يا معشوقها
أقلعت طيّارة الحب وأخلاها المطار
الكرامه قدمها والعزوم تسوقها .
أستحيت أنادي أسمك بدون مقدمات
وأنت من زود اللطافه لك أكثر من أسم
يوم يا لبى الوصايف ويا لبى الصفات
ويوم يا ليتك بجنبي وليت اللّٰه قسم
ليه أطول بالسوالف وأقصّر بالسكات
" أنا يكفيني لو أموت عندك مبتسم "
كل يوم اصارع لعينك ظروف الحياة
اما آن لهذهِ المعركه أن تنحسم ؟؟
نطحت الزمان بـ عقل شايب وعمر صغير
وبـانت لي المتخـبيه .. بيـن دوراتـه
لكن يا ظروفي خلي السر وسط البير
و على غير ربي .. لا تردين مَشكاته
احن اسمي من العيب والنقص والتقصير
مثل ما يحن الشااايب ، اصغر بنيـاته
رجالً على الشدات تضرب بها الامثال
تعز الرفيق وتنطح الشر وتكفه
وحمول المراجل كايدة والدروب طوال
لـ منهو يقدم شف غيره قبل شفه
تهب العواصف عاتيه والجبال جبال
يدور الفلك وظروف الايام ملتفه
بيوت الشرف للطيب و أهل الكرم مدهال
سوات النهر لا فاض يسقي هل الضفه
اقسم قسم بالله ماعاد ادانيك
واكره منهو جميع الناس خاواك
واكره شبيهك واكره الي يناديك
واكره سميك واكره اخر مسماك
عفت الغرام وعفت حتى طواريك
يشهد علي ماقيل قلبٍ تناساك
بكره .. مع الايام تذكر لياليك
وتندم على الي عز نفسه وخلاك