فيصل التميمي

جمعهم كادر واحد .. وبين رحلتَي ضوئهم ملايين السنين ! هذا «بطن الحوت» وشبحه ؛ نجم يلفت عينك ، ومجره كامله يكاد وهجه يخفيها.

كثير يسألني بشكل يومي وش أشتري تلسكوب ؟ الحين صار الجواب مفصل لكل واحد حسب ميزانيته ووش يبي يصور 👏🏻 . استشارات خاصه ، وورشه لأساسيات التصوير الليلي، وأسعار الإطلاق لين نهاية نوفمبر . faisalastro.com

كل مره أشوف زحل ، تشدني حلقاته .. وأرجع أتأمل هالنقاط الصغيره حوله . أقمار وعوالم كامله ، ما يوصل عيني منها إلا نقطة ضوء . 🪐

وش جاب الحنّا للثريّا ؟ 🌌 العرب تخيلوا للثريّا ذراع تمتد بين النجوم ، وفي آخرها كفّ مخضّبه بالحنّا . وإلى اليوم ، لو فتحت خريطة السما وقريت «Caph»، فأنت تنطق كلمه من هالوصف العربي القديم : كفّ. #ليلة_مع_نجم

بعد قرابة 22 سنه بالفضاء ، مرصد سويفت راجع للغلاف الجوي بكرى 🛰️ ناسا تتوقع دخوله قرابة الساعه 11 ونص صباح الأربعاء بتوقيت السعوديه ، ولكن هامش الخطأ كبير : يعني 11 ساعه قبل أو بعد ! طبعًا سويفت كان يرصد انفجارات أشعة غاما ، ويرسل موقعها بسرعه لمراصد العالم . وبيحترق معظم المرصد ، وممكن إنه تنجو بعض المكونات ، ومكان الدخول للحين غير معروف !

ناسا اعادة نشر اليوم صوره لسحابة أرسيا مونس الطويله على المريخ ، وهي ظاهره جويه تتشكل قرب البركان بفعل تفاعل الرياح مع التضاريس ، وموب دخانًا بركانيًا. الصوره طبعًا تعود إلى عام 2018، والظاهره معروفه منذ عام 1977 ؛ لذلك ماتعتبر اكتشاف جديد 😬.

طول عمرنا نهدد بعض بنجوم القايله 😂✨ ! واللي كثير مايعرفه إن السماء بالفعل مليانه نجوم حتى بعز النهار !

بيض الله وجهك يا صديقي ، وشكرًا لك على جهودك الفلكيه المتميزه دائمًا وابدًا واثراء المحتوى العربي .. وشكرًا لك على دعوتك الكريمه وابشر بإذن الله لي مشاركه بهذي المسابقه ، وعسى نقدر نقدم من سماءنا ما يليق بجمالها 🇸🇦✨ .

أرفع راسي للسماء ، وأفكّر .. كم من الأشياء اللي غابت عنا ، ما زال نورها يوصلنا ! 💫

ظاهرة وهـم القمر .. كم مره حسيتوا ان حجمه يختلف بعينكم 👀؟

اذا تعرفون احد مختص بلغة الإشارة شاركوا معه المقطع من فضلكم 🙏🏻❤️ .

من شاعرٍ يواجه الموت بعيدًا عن دياره ، ويتعلّق قلبه برؤية سهيل !  إلى مركبات فضائيه تستعين بضوء النجم نفسه لتعرف اتجاهها في أعماق الفضاء ! ✨ هنا حكاية سهيل ، في فيديو جديد من سلسلة ( ليله .. مع نجم ) 🌌

حتى الثقوب السوداء صارت ترسم أشكال رهيبه بالفضاء 🎼! نشرت ناسا هذي الصوره المرفقه من مرصد تشاندرا لتشكل كوني يشبه رمز موسيقي كبير ، ويُرجّح العلماء أنه نتج عن نشاط ثقب أسود فائق الكتله ، أعقبه تصادم بين عنقودين من المجرات . والصورة مبنيه على بيانات رصد حقيقيه من عدة تلسكوبات !

من بقايا مذنب هالي .. إلى شهب تضيء سماءنا! ☄️✨ ليلة 21 أكتوبر وحتى فجر 22 أكتوبر ، نترقب ذروة شهب الجباريات ، في مشهد يتكرر كل عام لما تمر الأرض وسط الغبار اللي خلّفه مذنب هالي الشهير . 🌠 أفضل فرصه للرصد من مكان مظلم بعيد عن أضواء المدن ، خصوصاً بعد غروب القمر وقبل الفجر.

عفاريت حمراء تظهر فوق البيوت ! 🔴⚡️ صوره أثارت استغراب الكثير ، والبعض شكك بمصداقيتها ! هذي ظاهره طبيعيه نادره تُعرف باسم « العفاريت الحمراء » . لكن كيف ظهرت كأنها قريبه من الأرض؟ وهل الصوره حقيقيه فعلًا ؟ التفاصيل بالمقطع 🌌

قنديل البحر الفضائي ! 🚀✨ مشهد رهيب ظهر خلال إطلاق صاروخ فالكون 9، بعد ما تمددت غازات محركاته في طبقات الجو العليا، وأضاءتها أشعة الشمس قبل شروقها على الأرض، لترسم في السماء لوحه ساحره ! أحيانًا ياخي أبسط الظواهر الفيزيائيه تصنع أعجب المشاهد! 🌌

موب كل النجوم كرويه مثل ما نتخيل ! ⭐️ قلب الأسد (Regulus) يدور حول نفسه بسرعة هائله ، لدرجة إن دورانه غيّر شكله ، وخلى الحراره تختلف بين قطبيه وخط استوائه ! والأعجب؟ إن العلماء قدروا يكشفون هالتفاصيل وهو يبعد عنا قرابة 79 سنة ضوئيه .