دعيت إن العوض يآتي كبير وما ذخرت آمين
عسى اللّٰه يطفي أوهام الشموع بلحظة احراقي
يمر العمر . . . والحزن يتلاشى والطريق يزين
و اغني كل ما يلمس شعوري —— لهفة اوراقي
أعرف إن العوض دايم يجي لكن يجي بعدين
أنا ما كنت اظن إن العوض يستاهل إرهاقي ❣️
أنا عاشق شْعوري من وَرق وضلوع صدري نَاي
اقول الشّعر - وارزّ عْلمه - وارعی مرابيعه
واقول بكلّ مرّه . . . ماني مغني على لِيـلاااي !!!
أنا اكبر من مشاوير الغرام ومن مواضيعه
واذا قام الحنين يِسوق قلبي قمت اسوق خْطاي
ادوّر من دروبك درب قد جيناه وَ آضيعه
لآ تاخذك الّليالي، والّليالي ؟ ماهي بـ شرواي
تداري خاطرك من كُل / تنهيده و تلويعه
يقولون انْ حبيبك ما تهزّه حشرجات النّاي
واقول بصوت عااشق ما بيدّه غير اصابيعه
عفى الله عن حبيبي، لو حبيبي ماهو بـ وياي
كثر ما آعاند الشّوق بغيابه وارجع آطيعه
لقيتك وأنت غايب في الوجيه العابرة تنساب
يورَّى أن كل جلد يشيل منّك من ورى ثوبه
لقيتك في الدروب وفي الصور والصوت والرحِّاب
ودوبه في مواويل اللحون، وفي الشِعر دوبه
لقيتك في قصيدة لـ "المحيـّا" والعيون غْياب
"تعدّوا ينشدون الصبح عن رمشك وضاعوا به"
معْ انّ الذكريات وناسها ما هم بـ عِتق رْقاب
سجينة بالي اللي ما تملّ يْدينه جْيوبه
أحسْب أن السنين أن طوُّلت تستاذن الغيِّاب
وتبدا تمحي آثار السوالف، نوبه، ونوبه
وعرفت أن الزمن ما يستحي، وأن الأمل كذّاب
إذا ما هان "جرح" الآدمي ما هان "محبوبه"
متى بوصل مع قصة هواك - نهاية المشوار
متى تطريلي العادي مثل؛ ما أنا عليك أطري
متى ما احس لك لهفة متى ما أوله متى ما أغار
متى برضى على القسمة متى بنساك. ما أدري !
أحس إني انا المَجبور . . واحس إني الجبّار
من اللي علم إحساسي يساومني على قدري ؟