شغّوف

وين أبهرب منك و أنت العابر إللي صار غالي؟ مرّني معجب و خلاّني من أكبر معجبينه💘 — جمال بندر

تركتك وسامحتك على غلطتك من شان ما اوقف انا ويّاك بعدين عند الله — راشد بن سالم ابسامحك عن ذنبك وبستميحه لنّ ماودي اقابلك يوم القيامة — جمال بندر

يا ملح دنياي لو ماشفت مثلك مليح ماخفت من بِعدك اللي فيه خوفتني أخذّ "الصراحه" بما إنك تحبّ الصريح يانصفي اللي ليا هاللحين ماانصفتني لا تحسبني على وصلك بقوم وبطيح مثل ماقمت وماطحت أول ماصادفتني عانك ماحلفتني ماجاك غير الصحيح والحمدلله صدق . . إنك ماحلفتني :) عبدالرحمن بن جزا

عطني مْن الحب بـ الصاع والاّ بـ الجرام و أعتبر مكسبك مضمون لو قالو خبل الربا فـ الحب ماهوب عيب ولا حرام لا عطيتك حب و إحساس رجعهااااااااااا دبل :) — عناد الشيباني

زلّة اللي يودّ القلب مدموحه دايمًا حبه . . يغطي عذاريبه :) — سعد بن جدلان

يقولون لي حبيت واقول ماحبيت وانا احب حب ،، كلهم مايحبونه لاكني ماعرف اعلم الناس وش سويت الاخبار مخصوصه والاسرار مدفونه انا سر قلبي بين الاضلاع معنى بيت يغنونه الي مايعرفون مضمونه 🤍 — محسن بن مترك

لبيه يا حبٍ من الهقوه و فوق لو مبتداه إنكار // وآخره اعتراف — جابر النشيرا

ما يوجع الصادق الّا قرب كذاب وما يَقنع العاقل الّا بالصراحة — علي ال صبيح

شايلٍ كلمة أحبّك في الطريق إلين جيت قبل تضحك لي عيونك واستحي لا أقولها — ماجد النفيعي & قلت قدام الرياجيل أصعب ما يقال بس يامصعب ( أحبّش ) و أنا قدامها — مبارك الرزحان

من يوم شفته وأنا من ضيعه لـ ضيعه إلين صار الضياع إجراء روتيني (: — بدر بندر

تبيّن حقايق راعي الحب بـ دموعه و تظهر علومٍ بين الأضلاع منخشه — سعد بن جدلان

تقهويت حبّك يوم عاده يجيب الراس وبعد ما برد، خليت باقيّه لغيري (: — صالح النشيرا

ياكثر ما ضاق صدري من حلول المغيب مع إنّي إللّي يغيب .. ولا يحب الظهور ): — جابر النشيرا

ما يطلع الصبح لين يقوم من نومه ومن نور وجهه تنوّر سبع الأراضي الصبح لو ما يجيني غير بعلومه لقيتني رايق ومستانس وراضي🤍 - بندر الدويش

الحرار الشقر و الخيل و البل و البنات من خذٍ قلبه ؟ يسّلم على مستقبله :) — خالد بن مدعث

حالفٍ بالله ما أصوب عليك سلاحي وأنت ما تسوى ضياع الطلقة النارية — لافي الغيداني

مرّت وجيه وأحداث وقصص وشهور ماثبت غيرك أنت وراية بلادي ❤️ — مشاري محمد

على دخول الشتاء وأوّل ليالي البراد حَنّت عيوني لدارٍ كنّها دارها وجاني الشعور الغريب المشتحن للبلاد اللي له سنين ما جاها ولا زارها — عبدالله بن دايس