.

" معلقها على الله و يترقب ل الزمان الجاي و دار الحول ما خفْفْ عناه ولا ومن خوفه "

الكذب قام يتناما و الصحيح انقرض و الناس ما سالمٍ من شرها الا الحضيض ان عشت في عالم المرضى يجيك المرض و ان عشت بلحالك و صديت قالوا مريض - صنهات بن حشر | @S_h5111

لا تبرر جعل تفداك المناصب والممالك انت من سيطر على مشاعري من صغر سني الاجابه قبل لا تطرح على الصفحه سؤالك الكلام اللي يجيني .. منك قابل للتبنّي كل غلطه ماضيه لا عاد تطريها فـ بالك الاماني مع وجودك صايره مثل التمني يوم اشوفك تلعب بعودك ويغريني دلالك صرت اعيش الدهشه اللي وقتها كني وكني من جمالك مالقيت اللي يقلل من جمالك تتفق فيك اختلافات البشر شيعي وسنّي اتماثل للشفاء.. وارتاح لا شفت اتصالك وارجع لنفس الشعور الاولي لا ابطيت عني نبرتك ماهيب معزوله مع يوم اعتزالك ماينافسها طرب مبدع .. وموسيقار فني ودي اخسر كل حاجه غاليه واكسب وصالك فيك لا ظنيت ظن القاك دايم فوق ظني لا يجي في بالك اني بتركك تجلس لحالك مستحيل افرط .. بقطعه جعلها الله مني - ناصر بن مفلح | @nassre_

ياليتني ماخذت من نفسي الشور النفس بعض احيان فيها انهزاعه طاوعتها يالين مرت بي الدور اللي عليها الوقت طاون شراعه بيت مضى له خمسة اعوام مهجور متساوين من قلة الوطي قاعه وقفت فيه شوي مع فجة النور قبل ارتفاع الشمس تقريب ساعه في مجلسً بابه مصدي ومكسور و يفتح على حوشٍ محيلٍ دعاعه فيه الورق كنه على الارض منثور وغصونه اللي تقل موتا مجاعه ومعودً زله تقل جلد مسعور بايد و واطيه الزمان بشناعه وطي الحميس اللي مهشمته الخور اليا شواه القيض عقب ارتفاعه لا راح زملوقً تقل راس باكور بالدبدبه ولا حتيف اللعاعه العام يدهل فيّته كل منعور واليوم فردٍ فاقدٍ له جماعة قلت العلوم و قال مانيب مسرور قلت الحياه و قال ماهي طماعه مطيّة تمشي ودورٍ ورى دور كم واحدٍ طشّت وراها متاعه تشكي عليّ الهجر يا عالي السور شكوى تخلّي الكبد مثل المياعة جيتك سليم وعندي إحساس وشعور ورحت بكسر خاطر وحزن وقناعة واللّي وطاك من الغرابيل والجور ما هي قضيّة وصل وإلاّ قطاعة ما علّموك إن غيب الأيّام مستور اللّي بنوا ساسك وعلّوا رباعه وإنّ المفارق ما لهم فيه مقدور أمرٍ ما فيه محاولة واستطاعه شي ما ينفع به معالج و دكتور و الباس و الصحه وقو المناعة وقتٍ يلف سلوك الأعمار ويدور واللّي وطى ظبيه تْوطّى سباعه والنّاس بالدنيا رصاصٍ بشرشور أحدٍ رحل وأحدٍ قريبٍ وداعه - عبد الكريم البدراني | @Kreem80

عداك الملام وشرهة الولف يانزّاح عن دياري اللي مانت باول خسايرها تبعت السراب الين سلّمك للمرواح ولدّيت وعيونك تزوّر عبايرها. مشاعر غلاك امسح بها دمعة التمساح وخذها وعطها واحد مايقدرها. قنعت وتركتك للزمن والزمن فضاح على مهله اسرار المخاليق يظهرها بقى لك معي ذكرىً ليا غمّض المرتاح. تمشط بقايا كبدي ب روس اظافرها - عبدالله مشهور | @iioee91

البارحه مااادق فالصدر هوجاس ولا تضايق صدري من الطواري لا ناحت الورقا .. ولا هب نسناس ولا نشدت عْن الرفيق المباري ..! ليلة غريبة لا مشاعر ولا احساس ساري ولا ادري ليه بالضبط ساري مغير اجر الصوت .. واجر الانفاس واخذ و ادرج في فجوج الصحاري من شافني يوم ادرج قال : عساس ماكن هذي .. دار جدي وداري …! الارض مثل العرق والعرق دساس ترد راعيها عليها .. اجباري ..! احاول اقراء ما بقا بين الاقواس لو ما بقى لـ حروفه الا مواري من يكتب الذكرى على حمر الاطعاس لا يلحق الشرهه هبوب الذواري وجداه يوم الحرّ .. ماتم قرناس قبل تحطه فـ / الشباك القماري فقد الشغف خلاني افقد معه ناس معاد اعرف اصبر واجامل واداري اضحك مثل ضحك المجامل فالاعراس واعوي لحالي مثل ذيب الغداري واحاول اشب الامل واحرق الياس بيني وبين الذات .. ذات الصواري على رجا حلمٍ لمع مثل الالماس واقفا على غفلة .. وطال انتظاري …! والمارد اللي كان للحلم مقباس عيا لا يطلع مع خشوم الغواري ..! والحمد لـ اللي رحمته تذهب الباس الباري اللي يجعل الجرح باري من شافني .. وانا على حد الافلاس يحسبني املك صك بنكٍ تجاري ماني من اللي لا ابتلش يرخي الراس الشي هذا .. دوره عند غاري ..! ولاني من اللي لـ المعاريف دساس احفظ جميل الناس واحفظ وقاري لـ الطيب شان ولـ الثناء وحدة قياس ويقدره رجلٍ على الطيب ضاري مافيه نعم بدون طاله ونوماس ولا فيه صيت بدون كاتب وقاري وانا بنات افكاااري معربة ساس مهيب سلعة .. بين بايع وشاري واللي بنات افكاره لـ ساير الناس يبيعهن فالسوق مثل الجواري .. ! - عناد الشيباني | @enadm1

مُعلقة للمُبدع : بندر الدويش | @bdweesh ليلة بارده واوجس من الوقت خيفه كيف ابدفا وانا اونس بردها في عظامي وبارقٍ شرق يشعاني مسامر رفيفه جعلْ صبه على قلبٍ عروقة ظوامي شب لي نار في بيت الشعر ياخليفة وسو ثنتين ليلي ليل والشوق حامي وشرّع الباب والضايق يسليه ضيفه في علوم الديار وفي علوم الوسامي ليت الإنسان من يختار عصره بكيفه كان لا اليوم ذا يومي ولا العام عامي ودي اني من اللي بايعوا بالسقيفه وهاجر ومآت لجل الدين موتة عصامي واني بيوم بدر اشاهد ابو حذيفه كان لله ماكان لقبيله واسامي ليت مالي قصيدٍ في وليف ووليفه عقب صاروا هله كَثْر الجراد التهامي الشعر عشق ماهو باب رزق ووظيفة حتى لو ماني بمعطيه جل اهتمامي الشعر شي لك صدقه وللناس زيفه اقري الصدق ولا الكذب عنه تعامي كل ماقلت انا سامح ونفسي معيفه انتكس وارجع احبك ولا ادري علامي انتي القايده لو مارماك ابن ريفه صابتك من قصيدي رميةٍ دون رامي لكن اقفا ربيع الوصل واقبل خريفه وقل وجه الرفيق اللي يوصل سلامي كل ماشفت لي بالخلق قبٍ عسيفه قلت وين الجموح اللي عليها ملامي انشد اللي على خضر الغصون المريفه ورق والورق ماجاوب رشيد الزلامي عيني اللي مهي رمداء ولاهي كفيفه وحزنها حزن بس الدمع يرخص مقامي والله اني ماحملك الحمول الكليفه واني ادرى عليك من القسا في كلامي اضحكي بس واصبح بالرصافة خليفة لي خراج اليمن والسند والشام شامي يصدقون الرجال اللي ذممهم نظيفه ويكذب اللي يقول الحب ماهو بسامي انا منهك وجرحي ماتوقف نزيفه والقصيده ذي اخر طلقةٍ في حزامي

ياغرام القلب يا شوق مروين السهوم يا حبيبة شاعرٍ " بحر الابداع " افلقه في نسايمك العليله .. وهمال الغيوم وصفة علاجٍ طبيعي ما يكتب فـ ورقه اشهد ان اللي ماحبك من الحب محروم فيك يسلا كل عاشق عن اللي يعشقه يامغن المجد يانجد يا خير القسوم ودي اخذ منك نسمة هوى واعتقه المشاعر جت تزاحم على باب القدوم واصدق الحب اعذبه واعذب الشعر اصدقه شاعرٍ ماهما لحقني من الدنيا هموم ابتسم لـ الهم لو كان مافيه صدقه واتغزل في هوى نجد الانجد كل يوم مستعد اكتب لها .. كل يوم معلقه والغزل مسموح حسب العوايد والسلوم في زعيمة غيد .. والا زعيمة منطقه لا لقيت الزين فالغيد والا فالرسوم ينجذب قلبي مع الزين ويروح مرقه ..! كان هذا ذنب ماني من الذنب معصوم سامح الله قلبي .. وروحي المتعلقه وان لقيت اللي بعد فيه كبر و فيه زوم احقره ماكن ربي على الارض اخلقه ! ما نحب الضعف ونكافح امراض الرخوم والعلاج الطبي .. الكي والا المشنقه - عناد الشيباني | @enadm1

ياليل ما جيت هلمره بشيً جديد ؟ روحت ب الضيقه القشرا و رديتها ! يا ناعم الصوت قلبك ليه صاير بليد؟ ما اسواء من الصده الا سوء توقيتها كنت اصبرك قبل تدفن حبنا من بعيد و اقول ماهو مسويها و سويتها و احلامنا اللي بشوف عيوننا تاتبيد بنعيش في لوها و نموت في ليتها كلً درا بـ ان نهاية وصلنا صار اكيد حتى العناكب بنت في دربنا بيتها وحشة مكان القى تثر فحال الوحيد منادم الدمع ، و الونه ، و تنهيتها كنت احسب ان المحبه لين يوم الوعيد لو داري اعن النهايه كان خليتها كتبت فيها قصايد من خيار القصيد و اوصاف واجد مهي فيها و حطيتها ياما تمنيت اعيش الي بقالي سعيد وصارت لي الحاجه الي ما تمنيتها كنت اونس الضربه الي وارده في الوريد الـي لهـلحـين والله ما تـخطيـتها - سـحـم

بعد زلّ ثلث الليل و انكفوا السمّار تمادى الظلام وعقرب الساعة يحوبي سمرت بظلامٍ يجرح الصمت بالأفكار تخطّى حواجز ظلمته والتفت صوبي رفعت الكفوف اللي تنافض من الأوزار وحارت دموع الخوف من تحت عرقوبي رجيتك وجيتك خاضعٍ لك مع الأسحار إذا أظلم عليّ الليل وازدادت خطوبي انا ويش انا لولاك يالواحد القهار؟ غلبني هوى نفسي وتاهت بي دروبي أنا المقترف وأنت اللطيف البصير البار لجأت لجلالك تمحي الإثم وعيوبي طلبتك بستر الحال والعفو يا ستّار ترى دون سترك مستحيل أستر بثوبي سجدت وتهادت عبرتي والدموع غزار وجلا نور عفوك ظلمتي وانجلا حوبي الا يـ إلهي مالي الا انت يـالغفّار ذنوبي كبار وعفوك اكبر من ذنوبي

خلّوني ابعد واشتري راحة البال بعدين اسمّعكم وش آخر جديدي اليا تعذّر من تعذّر بالاشغال هواين الاعذار ماهيب فيدي شاعر وازيد الشعر هيبة ومنزال حتى لو انّه ماهو اغلا رصيدي لو التفت فمروّج القيل والقال بيصير دلّال المنايا قصيدي - عبدالله الصلاخي | @ab1_dl

تعابير الوجيه الصامته تستنطق اللمّاح عيونك صارحتني في كلامٍ قد تحقّقته ما تحملْه المشاعر في الخفا تشعر به الارواح وانا احساسي ماهوب يخونني لا قال صدّقته تغانمني ترى ما عاد باقي لي كثر ما راح ذبل غصنٍ رطيب وجف ماه وحتّت اورقته على كيفك تبي تشقى معي والا تبي ترتاح انا حلمٍ لغيرك ما تحقق في ملاحَقته ترى وجيه الليالي وانت داري شاحبه وشحاح كم اغتالت لها ضحكه ويا كم شمل فرّقته هقيتك تعتذر .. ولا تراضيني .. وانا دمّاح يا زين العذر لا من جاء من الغالين في وقته ولا أكبر من ضياع الهقوه وقدر الكبير ان طاح سوى اللي ما هقيت آفارقه يا لين فارقته من يقفّي لا يرجي من وراي استعطفه بـ إلحاح من يقفّي يقفّي والسلامه في مرافقته على ذكرىً تزايفها الهبوب وسافية الارياح سلام السامح اللي معتق جروحه ومعتقته ما عاد يشوقني ضوح المزون وبرقها اللوّاح لو انه باقيٍ في خاطري حلمٍ ما حققته

من نفحة العود الأزرق هبّ ريح الحنين وأنا على الماضي أدور على أدنى سبب والغالية عذرها لو ماتعذر سمين الحب وهبة من الله والله اللي وهب أنا لو أنطح سْهوم الموت عندي يقين إني من المستحيل أنطح سهوم الهدب أن صوبتني على غفلة بسلهام عين بطيح في حضنها قبل يطيح الحطب عناق الأفواه يبدأ من عناق اليدين وعناق الأرواح يبدأ من عناق التعب الثلج وشلون قاوم واهج الجمرتين سبحانه اللي جمع ضدين ثلج و لهب فيها من الأُنس مايقتل شعور الحزين وفيها من الثقل مايخلق شعور الغضب تملك من العلم و الحكمة مئات السنين لكن طوالع نواهدها قليلة أدب رقيقةٍ جيدها مايقبل إلا الثمين معها حساسية إلا من عقود الذهب تسلسلت من مرابط هامة العزوتين أعز وأعرق بنات آدم وحوا نسب تبقى ويبقى غلاها في قرارًا مكين في ركن صدري بعيدًا عن ضجيج الصخب - سعود بن مبارك | @Saud_almshly_

يا معشر اللي على ضو القمر ساهرين ما مـركـم عـود موزٍ في علـوّه ثمـر الحب مثل العباده وانفس المؤمنين اشرّها ما نفر واخيرها ما استمر ياليت روحي على روحك تذوب وتلين وانا أتكوّن سحابه وانهمر وانهمر وأمر جيدك وسلسالك وأمر الثنين اللي يمين الممر واللي يسار الممر قطعة حلاوة على هيئة فناجيل صين امذوبتهن حرارة شوق مدري جمر عشنا من الحزن و الدنيا مئات السنين و الباقي اكثر من اللي راح و أدها و امر بقى من اللي خذيته قلب بين اصبعين
وان قلت هاته من عيوني وتامر امر وان قلت لي موقعي من عالم الحسن وين
بعد الثلاثين كان الله عطاني عمر اقول مزيون وأشباهك ماهيب اربعين
اشباهك اثنين يا اما شمس والا قمر يكفي أنك اول ظبي ياخذ من الصقر عين
ومن الذلول العمانيه هيام وضمر ومعنّقك شبر فوق متونك وقفلتين
و يديك منجم ذهب و شفاك حانة خمر مدري وش اللي خذا الله منك واعطاك زين
ما لا عطا فارعات الطول بيض وسمر ماشفت هالوردتين وشفت هالجمرتين
لهن ثلاثين عام ولا يزالن حمر - سميّ الزعفران

لو بينك وبين بعض الناس عشرة عمر ماتسلم من الظنون اللي يظنونها الشجرة الطيّبه لو هي قليلة ثمر اخير من شجرةٍ ماتثمر غصونها يـ اصحابنا كان فيكم من يهمّه لـ امر لاتفتقون ( الجروح ) ولا تخيطونها تجاوزو كل شي الا الخطوط الحمر مهما تكون الميانه لاتعدّونها - جابر النشيرا | @jaber_nshera

وصل الكلام .. آخر حدود الميانة واللي تعثر قام واللي .. قسى حنّ مافيه احد ، يستاهل انّك عشانه تعيش راجي فضل وتموت ممتنّ ودّك ترجّع ، ( كلّ شيّ ) بـ مكانه بسّ المسير لوين والخطوة لمنّ لا خانك اللي كنت خوفه وأمانه بـ يخونك التعبير ويخونك الظنّ - محمد بن ماجد | @imoh656

القصايد على بنت الاكابر تليق شيخة المترفات وفاتنة عصرها . ان بغت تنقذ اللي في هواها غريق بصرها وان بغت ما تنقذه بصرها . ودي ارتاح واخذي لي زفير و شهيق وارفع الراية البيضا على نصرها . يوسفيّة جمال وهرمزيّة مضيق مشكلة هرمز انه فيه من خصرها . ما تشوفون شبّوا فيه حرب وحريق مثل ما سووا الخطّاب في قصرها ؟ - جمال بندر | @JamalBander

عيونك .. آسم الله عليها من العين فيها الكلام يضيع .. لا جيت أقوله فيك أبتدي من وين ولا أنتهي وين حتى حروفك قاسيه !.. و معسوله أي والله إنك زين : و أزين من الزين وجهك : وجيه الناس ماهيب حوله بعد الغياب .. إللي برى حالي سنين جيت و مليت الكون عرضه و طوله قول الكلام !.. إللي تبي تقوله الحين يمكن بعد فتره ؟.. ما تقدر تقوله و إذا عشان الناس .. ماهم بـ دارين خذ راحتك .. و الليل مرخي سدوله سرّك بـ آموت .. و هو بعد بيننا بين أنا ملك !.. و أسرارك " أسرار دوله " - محمد ظافر | @ip1616_

صار قوس الشمس في عيني مثل قوس الربابه يوم غابت في حجى اللي مطلعه مطلع قصيدة أرتفع من وجه الأرض وقرب من وجه السحابه وانهزع مثل الحزين اللِّي هزع مركاه بيده كان مدهال الطيور وكان مدهال الذيابه قبل أجيه أدور الفكره والأبيات الجديده ودي أبعد واتمادى في الخيال وفي الكتابه وأطلق عنان الطموح اللِّي مراويسه بعيده التردد في بعض الأحيان مثل الاستجابة لـ الضغوط اللِّي تضيع قيمة الاريا السديده يفقد الرجال مقداره قبل يفقد صوابه لا أستوى في عينه اللي ينقصه واللِّي يزيده يا رفيقي لو تفرقنا الظروف اللِّي تشابه ما تفرقنا التفاصيل الحزينة والسعيدة يظهر الوجه الحقيقي لـ المروه والذرابه لا نكشف ستر الهقاوي في المواقيف الشديده لا تصدق من يقول السيف عزّه من نصابه علّقه ولا أحذفه في القاع ويعوِّد حديده من جعل حق البعيد أهم من حق القرابة كنّه اللِّي يجعل العادات أهم من العقيدة تجبره ألايام لا دارت على حضرت جنابه لين يرضى بـ الأمور اللِّي بعضها ما تفيده الحياه بزينها وبشينها تبقي مجابه حسب قانون الوجيه البيض والروس العنيدة مدرستها منهجين الواقعية والغرابه وجامعتها تجمع اللِّي قد درست وتستعيده زينتها حاجتينٍ قالها الله في كتابه وشيّنتها دمعة الفرقى على قبر الفقيدة - مبارك بن رادعه | @MBnradah

" معايدك يافاتنه يّقعد الراس " طلّي مادامك في ضلوعي سكنتي لاتذخرين الكلمه اللي على ساس حتى لو انك بالكلام استهنتي خلي الكلام اللي يقولونه الناس [ خير الكلام اللي تقولينه انتي ] - محمد بن عديس | @iissub