™دانش_گرد

آج ہونے والے اسرائیل کے انتخابات میں اگر سابق جنرل گادی آئزن کوٹ اور اتحادی جیت جاتے ہیں ' جس کا خاصا امکان ہے' تو یہ اسرائیلی سیاست میں ایک بڑی تبدیلی کا پیش خیمہ ہو گی کیونکہ جب جب آرمی سے متعلقہ لوگ اسرائیلی سربراہ بنے تو دفاعی معاملات کے مسائل سمجھنے کے باعث انہوں نے جنگوں سے بچنے کی کوشش کی ​اس وقت کوئی بھی پارٹی اکیلے اکثریت حاصل کرنے کی پوزیشن میں نہیں ۔ نیتن یاہو کی مقبولیت میں کرپشن کیسز اور جنگی جنون کی وجہ سے نمایاں کمی آئی ہے۔ ان کی لیکوڈ پارٹی کنیسیٹ (اسرائیلی پارلیمنٹ) میں صرف 35/40 سیٹوں تک ہی محدود رہ سکتی ہے۔ ​اس کے برعکس، اسرائیلی فوج کے سابق چیف آف جنرل اسٹاف گادی آئزن کوٹ ایک بڑے سیاسی اتحاد کی قیادت کرتے ہوئے 65 سیٹوں کی واضح اکثریت حاصل کر سکتے ہیں۔ ​اگر سابق جنرل کا یہ دھڑا حکومت کی باگ ڈور سنبھالتا ہے، تو ان کی متوقع حکمتِ عملی میں امریکی صدارتی انتخابات کے نتائج کا انتظار کرنا، ایران کے ساتھ سفارتی بات چیت کو آگے بڑھانا، اور پڑوسی عرب ممالک کے ساتھ زیادہ لچکدار اور مفاہمتی رویہ شامل ہوگا جس سے علاقے میں جاری کشیدگی میں کمی ہو گی

تہران میں سعودی اتحاد اکٹھے ہو کر ایران کس لئے پہنچا تھا ؟ کیونکہ ایران اور سعودی عرب تو آمنے سامنے تھے اور یہ بھی اظہر من الشمس ہے کہ سعودی اتحاد امریکی اتحادی ہے یوں بالواسطہ طور پر اسرائیل کیلئے بھی ایران کے مقابلے میں نرم گوشہ رکھتا ہے یہ سوال اس لئے ضروری ہے کہ یہ ملاقات سعودی اتحاد میں شامل ممالک سعودیہ ' ترکی اور پاکستان کی ایران کے ساتھ اپنے ممالک کے تعلقات کیلئے کوئی انفرادی ملاقات نہیں تھی ۔ بلکہ اس کا مقصد امریکہ ' اسرائیل اور ایران جنگ میں سعودیہ کے متاثر ہونے کا معاملہ تھا ۔ سعودیہ جس کا دفاع بنیادی طور پر امریکی اتحاد سے منسلک ہے اس امریکی رضامندی کے بغیر اس ملاقات میں شامل نہیں ہو سکتا تھا ۔ بلکہ شاید تینوں ممالک میں سے کوئی امریکی رضامندی کے بغیر اس ملاقاتی ٹیبل پر بیٹھنے کی جرات نہیں رکھتا تھا اس سے واضح ہے کہ یہ اتحاد کسی امریکی فرمائش کو پورا کرنے کیلئے وہاں پہنچا تھا جس کا جواب انہیں" نہ" میں ملا ہے . اور ایران کی نہ کا مطلب نہ ہی ہوتا ہے

3 ایم پی او کے تحت قید میں مزید 30 دن کی توسیع ۔ یہ سلسلہ تب تک جاری رہے گا جب تک PTI کی نئی کمپرومائزڈ سیٹنگ اپنا ٹارگٹ مکمل نہیں کر لیتی ۔ یہ ثبوت ہے کہ اسٹیبلشمنٹ کو PTI قیادت سے نہیں صرف تین بہنوں سے خطرہ ہے ۔ جنہیں بال بچے قید کر کے بھی جھکایا نہیں جا سکا ۔

اس وقت پی ٹی آئی قیادت عمران خان کے فیصلوں سے دور ہو کر خود فیصلے کرنے کی کوشش میں ہے۔ آج تک سوشل میڈیا اس میں بہت بڑی رکاوٹ تھا۔ لیکن اب لگتا ہے کہ وہ سوشل میڈیا کو بھی نظر انداز کرنے کا رسک لینے پر تل گئے ہیں۔ انہیں کچھ سنگھا دیا گیا ھے یا دکھا دیا گیا ہے

عمران خان نے دو کام تقسیم کئے تھے 1. احتجاج PTI کے ذمہ تھا 2. بات چیت محمود اچکزئی اور علامہ ناصر عباس پی ٹی آئی اپنے ذمے کام احتجاج کو صحیح مینیج نہ کر کے ناکام ہوئی اور اب محمود اچکزئی اور علامہ ناصر کو ہٹا کر بات چیت بھی خود کرنا چاہتی ہے ۔ دونوں کاموں کیلئے ان میں will ہے نا ویژن

احتجاج ہو یا مذاکرات آپ رہائی کا مطالبہ کریں نہ رسائی کا نہ دوائی کا صرف ایک مطالبہ یا ٹارگٹ رکھیں "عمران خان کا جیل نہیں بلکہ اوپن کورٹ ٹرائل" رسائی بھی ہو جائیگی دوائی بھی۔ اور رہائی کا تو پھر ایشو ہی نہیں رہے گا

لانگ مارچ ناکامی کی وجہ ۔۔ اصل حقائق ابھی تک اس ناکامی کا سارا ملبہ سہیل آفریدی پر ہے لیکن کیا یہی حقیقت ہے؟ یہ مکمل سچ نہیں۔ لانگ مارچ کیلئے سہیل آفریدی کو 1. خیبرپختونخواہ اسمبلی کے صرف 20 % ممبران کی سپورٹ میسر تھی باقی 80% کے چہرے چند دنوں میں سب کو نظر آ جائیں گے 2۔ مرکزی قیادت ' پنجاب ' سندھ اور بلوچستان کی قیادت سے انہیں عملاً صفر سپورٹ ملی 3. آئی ایس ایف ' انصاف لائرز فورم ' شیخ وقاص کی زیر کمان کسان ونگ ' خواتین ونگ وغیرہ سے بھی انہیں خاص سپورٹ نہیں ملی 3. انہیں واضح سپورٹ صرف خالد خورشید خان کی زیر کمان انصاف یوتھ ونگ سے ملی جس کے جوان بلوچستان اور وزیرستان سے آئے اور ڈٹے رہے سہیل آفریدی یہ باتیں قبل از وقت جانتے تھے۔ اس لئے انہیں علم تھا کہ پلان B ' C کچھ نہیں پلان A بھی کہیں نہیں تھا۔ انہوں نے توقع لگا رکھی تھی کہ لوگ خود ہی آ جائیں گے۔ مگر اس کیلئے انہوں نے ٹرانسپورٹ کا کوئی انتظام کیا تھا نہ کیمپوں کا مناسب انتظام تھا ۔ سب سے بڑھ کر یہ کہ ان حالات کو دیکھتے ہوئے انہوں نے لانگ مارچ کو لٹکانا شروع کر دیا اور آخری دن پنجاب سے ممبران اسمبلی اور عہدیداروں کو صوابی پہنچنے کی کال دی جو بہت بعد از وقت تھی ۔ اس بکھری ہوئی صورتحال کو دیکھ کر مارچ کی پہلی تاریخ 27 ستمبر کو شدید گھبراہٹ کا شکار اسٹیبلشمنٹ اب سنبھل چکی تھی اور پر اعتماد تھی۔ ان کے پاس دو آپشن تھے ۔ کہ وہ لانگ مارچ کو اپنی موت آپ مرنے دیں یا انکی کمزوری کا فائدہ اٹھا کر کے پی اسمبلی کا کانٹا ہی نکال دیں۔ اصل چیز یہ ہے کہ آپ نے اپنے قلعے کے شگاف کھلے اور فصیلوں کی کمزوری خود ظاہر کر دی تھی ۔ پھر مارچ یا احتجاج کیا کامیاب ہوتا ۔ دوسری قوتوں کو آرام سے اندر آنے کا موقع مل گیا ۔ اب آپ جتنے مرضی جواز ڈھونڈتے رہیں۔ مگر سچ یہی رہے گا کہ ہر درجے کی قیادت اور عہدیداروں کی بزدلی اور کچھ نہ کرنے سے آپ اس نہج پر پہنچ گئے کہ آپ کو اپنی منزل کیلئے فوری طور پر پیدل چلنے کا راستہ بھی نہیں سوجھ رہا

لانگ مارچ کی ناکامی کے بعد عمران خان کی رہائی اور علاج کا موضوع ترجیحات سے ہٹ سا گیا ہے۔ الیکٹرانک میڈیا اختلافی موضوعات پر پروگرام کر کے توجہ ہٹانے کی کوشش میں ہے، جبکہ سوشل میڈیا پر کسی حد تک تھکن اور سست روی پیدا ہوئی ہے۔ ​یوں عوامی و سیاسی دباؤ کم ہونے سے نہ صرف عمران خان کی رہائی کے لیے اخلاقی اور سیاسی دباؤ کم ہوا ہے، بلکہ جیل میں ان کی صحت کے متعلق شفاف معلومات اور آزادانہ علاج کے مطالبے کی شدت بھی کمزور ہوئی ہے، جس کا اثر عام عوام پر ان کہی مایوسی کی شکل میں نظر آتا ہے۔ ​عالمی میڈیا اور انسانی حقوق کی تنظیمیں بھی مقامی میڈیا کی رپورٹس سے اشارے لیتی ہیں۔ مقامی سطح پر خاموشی سے بین الاقوامی آوازیں بھی مدہم پڑ جاتی ہیں۔ ​اس لیے اسے دوبارہ قومی اور بین الاقوامی میڈیا کی ترجیح بنانے کے لیے سیاسی، قانونی اور ابلاغی سطح پر نئی حکمتِ عملی کے تحت ضروری ہے کہ: ​عمران خان کی صحت اور طبی سہولیات کے معاملے کو صرف سیاسی نعرہ بنانے کے بجائے انسانی حقوق اور بین الاقوامی طبی تنظیموں کے سامنے قانونی و اخلاقی بنیادوں پر اٹھایا جائے۔ ​جذباتی بیانیے کے بجائے حقائق کا سہارا لیا جائے۔ "رہائی" کے عمومی مطالبات کے بجائے ان کی صحت کے مصدقہ میڈیکل چارٹس، ڈاکٹروں کی سفارشات اور جیل کے اندر میسر سہولیات کے حوالے سے حقائق پر مبنی رپورٹنگ جاری رکھی جائے۔ ​پریس کانفرنسوں پر انحصار کم کر کے پوڈکاسٹس، ڈیجیٹل اسپیسز، ریسرچ آرٹیکلز اور معلوماتی اینیمیشنز یا انفوگرافکس کے ذریعے نئے انداز میں بات میڈیا کے سامنے لائی جائے۔ ​اعلیٰ عدالتوں میں خان کے ذاتی معالجین اور آزادانہ میڈیکل بورڈز کی تشکیل کے لیے متواتر درخواستیں دائر کی جائیں تاکہ ہر سماعت میڈیا کے لیے ایک تازہ خبر بنے، جسے میڈیا کے ٹاک شوز میں اور سوشل میڈیا فورمز پر ساتھ ساتھ ہائی لائٹ کیا جائے۔ ​قومی اسمبلی اور سینیٹ میں عمران خان کی صحت اور علاج کو ایجنڈے کا مستقل حصہ بنایا جائے اور ہر موقع پر اسے بنیادی شرط کے طور پر سامنے رکھا جائے۔ ​عمران خان کے مسئلے کو صرف ایک جماعت کا مسئلہ بنانے کے بجائے "آئین، بنیادی انسانی حقوق اور قیدیوں کے حقوق" کے وسیع تر فریم ورک میں پیش کیا جائے تاکہ سول سوسائٹی اور قانونی ماہرین بھی اس کا حصہ بن سکیں۔ ​دراصل پی ٹی آئی لیگل ٹیم اور ڈیجیٹل میڈیا سیل کو مربوط، منظم اور جدید حکمتِ عملی کے تحت کام کرنے کی ضرورت ہے۔ ​قانونی محاذ کا بنیادی مقصد صرف سماعتوں تک محدود رہنا نہیں، بلکہ ایسے قانونی اقدامات اٹھانا ہے جو میڈیا اور عالمی اداروں کے لیے مسلسل خبرساز واقعات پیش کر سکیں۔ ​لیگل ٹیم میڈیا سیل کو ہر پٹیشن کی قانونی باریکیاں اور میڈیکل رپورٹس فراہم کرے تاکہ وہ اسے عام فہم اردو اور انگریزی انفوگرافکس اور پریس ریلیز میں تبدیل کریں۔ ہر اہم سماعت سے ایک دن قبل میڈیا کو بریف کیا جائے، اور سوشل میڈیا پر حقائق پر مبنی ٹرینڈز اور شارٹ ویڈیوز کے ذریعے عوامی بیداری پیدا کی جائے۔ بین الاقوامی انسانی حقوق کے وکلا سے رابطہ کیا جائے اور بین الاقوامی صحافیوں اور اوورسیز کمیونٹی کے ساتھ ڈوزیئر شیئر کیا جائے۔ ​عدالتی احکامات پر عمل نہ ہو رہا ہو تو توہینِ عدالت اور تعمیلِ حکم کی متواتر اور نئی درخواستیں دائر کر کے اس پر میڈیا سیل سے مہم چلائی جائے۔ خان صاحب کی غیر قانونی حراست اور طبی سہولیات کی عدم فراہمی سے متعلق اقوامِ متحدہ کے انسانی حقوق کے نمائندوں کو تمام نئی دستاویزات اور میڈیکل رپورٹس کا باقاعدہ ڈوزیئر بھیجا جائے۔ ​انٹرنیشنل بار ایسوسی ایشن اور کامن ویلتھ ہیومن رائٹس انیشی ایٹو کو پاکستان میں قیدیوں کے حقوق کی خلاف ورزیوں پر قانونی خطوط ارسال کیے جائیں۔ خان صاحب کو جیل سہولیات، صحت کی حقیقی صورتِ حال اور قانونی کیسز کی کمزوریوں پر اردو اور انگریزی میں مختصر اور مستند فیکٹ شیٹس تیار کی جائیں۔ ​اوورسیز میڈیا سیلز کے ذریعے عالمی نشریاتی اداروں اور صحافیوں کو بریفنگز دی جائیں۔ امریکہ، برطانیہ، کینیڈا اور یورپ میں مقیم پاکستانی اپنے مقامی ارکانِ پارلیمنٹ اور انسانی حقوق کے نمائندوں کو انسانی بنیادوں پر خطوط بھیجنے کی مہم شروع کریں۔ ​صرف مقامی ٹرینڈز پر انحصار کرنے کے بجائے ایکس (X) پر بین الاقوامی اہمیت کے ہیش ٹیگز کے تحت ہفتہ وار عالمی اسپیسز اور ویبینار منعقد کیے جائیں جن میں عالمی صحافیوں کو دعوت دی جائے۔ ساٹھ سیکنڈ کی شارٹ ویڈیوز اور ریز سے یہ مواد انگریزی، اردو اور عربی میں مسلسل بنایا جائے اور اسے آفیشل پلیٹ فارمز سے بھی لانچ کیا جائے۔ ​مطلب یہ کہ جب سب جانتے ہیں کہ یہ جنگ طول کھینچ سکتی ہے تو محاذ کو ٹھنڈا ہونے کا موقع دے کر مخالفین کو آرام کرنے کا موقع کیوں دیا جائے؟

اب خیبرپختونخواہ میں پی ٹی آئی کی حکومت نہیں ۔ پھر بھی شیخ وقاص اکرم وہاں محفوظ ہیں کرامات