01

لا إله إلا أنت سبحانك إني كنت من الظالمين مصابة بمتلازمة حذف التغريدات ونزعة محو الأثر

ترى هو آخر العنقود واعتقد آخر العنقود عنده سطوه على القلب، كذا تحصلك تحبه بدون سبب رغم أخطائه ورغم نقدك على امك وابوك ليش يفضلونه

صار عندي فوبيا خفيفة وانا اقطع المسار مره قطعته وشطفني واحد شطفه على رجلي اليسار، المشكله رجلي اليسار فيها ألم شبه مستمر لفيت عليه وعطيته نظرة😠 لف علي وسوا كذا🙏🏻🙏🏻🙏🏻 -ثلاث مرات- وانا مشكلتي طيبة قلبي سامحته رجعت البيت علمت ابوي وامي كسالفه عرضية قال اشوف رجلك اشوفها قلت مافيها شيء قال وريني وريته.. قال اشوى على بالي فيها كدمات عاد انا بهرت السالفة واشتغلت على النبرة عشان احسسهم انه السالفه خطيرة.. بعدين علمتهم الصدق إن شاء الله مايعتبر عقوق🙏🏻

صباح الخير اليوم يقال إني نمت بدري لأني نمت على 1:30، اتذكر نومتي مدري ليش حتى قبل النوم فكرت بكل شيء حلو ابيه عشان يزورني بالحلم ههههه، ولكن صارت نومتي بدون حلم وعشان اكون صادقه هذي الحركة احيانًا تعطي احلام عكسية، اتذكر مره من حبي لشيء معين حلمت فيه بطريقة مؤذية والله اتذكر اني صحيت خايفه على الشيء.. رغم انب ما كنت اتمنى احلم فيه عاد انا ترى ما اصدق بتحقيق الأحلام، صحيح احطها بعين الأعتبار ولكني ما اصدقها. وغير انه ما احرص على تتبع الحلم وفهم معناه والخ.. هذا الباب مقفلته تمامًا واي احد يقول حلمت فيك اقوله اوصصص🤫 وعلى الطاري اتذكر مره فيه صديقه انقطعت علاقتي فيها ولكن ارقامنا محفوظه عند بعض، المهم بيوم عشوائي جدًا احصل منها رساله معنى محتواها: "السلام عليكم فلانه كيفك؟ قبل فترة حلمت فيك -ووصفت الحلم بالتفصيل- وفسرت الحلم وطلع لي إنك بشارة خير🥹" أنا وقتها قلت بقلبي: والله البلشة ماعندي مشكلة إنها حلمت فيني رغم عدم تفضيلي -لكن محد يقدر يتحكم بأحلامه- ولكن مشكلتي تكمن في قول حلمها على العموم رديت عليها وعلى الحلم ودعيت لها بتيسير حاجتها نسيت اقول حركتي في استذكار كل شيء حلو صراحه نابعه من رغبه عادية، يعني صحيح ابي حصولهم ولكن مو لدرجة ابي احلم فيه.. رغبتي في انه يزورني بالحلم هو فقظ مثل يوم تبي نومتك حلوة بدل ماتكون سادة، رغم ان النومة السادة احلى لأنه حصل مره حلمت بحاجه ابيها ويوم قربت لها بالحلم اختفت وصحيت.. عاد وقتها صحيت بخيبة أمل ورجع تكرر الحلم بنفس الخيبة المهم اليوم فيه نسيم هواء بارد احس فيه الآن من شباك السيارة

صراحة اتمنى احلم حلم معين اسمه حلم الوصول حلم اكون مرتاحه فيه رايقه واصله لمبتغاي بكل رضا ويسر وعافية بيكون حلم لطيف، جميل، رائع.. أخاذ الأكيد اعرف اني ماراح اتمنى ينتهي الحلم اعرف هذا الشيء.. جدًا انا متفائلة بالله حاسه كذا إنه بيكرمني وبيلطف فيني

الله يديم علينا الأمن والأمان ويرد كيد كل حاقد بنحره

جدة اهخ من جدة اسأل الله اني استقر فيها ان كانت الخيرة فيها اجواء امس الماطرة جدًا واليوم هواء بارد وغيم واحس حلقي يعورني:) احس فيه سمكه 🐟 يارب ما ازكم🤲🏼

فيه شخص استلطف ضربة للأمثله رغم ان الأمثلة اللي يختارها فيها الكثير من الهطافة ولكني استلطفها

بشوف نفسي عليكم تدرون بيني وبين الأمير محمد بن سلمان شخصين فقط؟ فقط شخصين؟ عقبال ما اقابله واصور معاه

زيتونيات احلى شيء ان هذا الون يناسب بشرتي مره وانا احبه

50 مليون بستثمر بجزء وبشتري عقارات بجزء واسوي مشروع وبشتري قصر واحد بجدة وواحد بالرياض وبيت بالمدينة وبشتري مرسيدس لوحتها *** 4 -ماراح اقولها- وبسوي جامع فلانه وعائلتها وبشتري مزرعة خاصه فيني وش بعد؟

سويت تمرين وجاني ألم فضيع جلست اتلوى وانا منسدحه يمه والله ألم وقتها افكر كيف بقوم واصرخ على خفيف اهخخخخخخخخ ألم يوجع يوجع مررره للآن احس فيه جتني وحدة تقول خليك منسدحه لاتقومين قلت ألم ألم قوي قالت لاتتلوين اثبتي يخف😭😭😭 قلت اهخخخ مقدرررر وبنص الألم ذبحني الضحك من الموقف وقلت لها اسكتي.. بدون وعي بس ضحكتني ردة فعلها وهي واضح يوم شافتني اتلوى خافت الوضع كان يشبه كذا اللهم انها انسدحت جنبي مدري ليش اشكرها على شسمه هذا انها صارت مثلي اقصد انسدحت بجنبي نسيت وش يسمون هذا النوع من المواساة اظنه مشاركه وجدانيه

انا عندي رأي قريب منه انا صراحة في حاجة نفسي اسوي لها اجراء تجميلي ولكن افكر ان هذا الشيء هو اللي يليق علي، يعني عقلي بطريقة ما اقتنع ان خلقت الله هي الأجمل واللي تليق لي فلو سويت هذا الاجراء وضبط ما احس اني بكون جميلة ولا احس بكون انا احسني بكون شخص آخر وكأني اتخلى عن نفسي اذا سويت هذا الاجراء وغير انه التجميل مافيه خط رجعة فمخيف هذا الشيء، وغير انه اطفالك بيصيرون على الاصدار القديم الا في حال ابوهم صار يحتاج نفس الاجراء فتلصقينه فيه وتقولين جينات ابوكم ولكن اللي يردني فعلًا هو انه حرام واني مقتنعه ان الله خلقني بطريقة تناسبني.. وهذا ماينافي ان احيانًا تصكني رغبة مؤقته بعمل هذا النوع من الاجراءات