ABDULLAH HAMAD ALMOUSA

السلام عليكم تذكر نفسك قبل خمس سنين وشف شلون تغيرت وكم شي بحياتك ما كنت تتخيل انه بيصير وصار. ليه مستبعد انك بعد خمس سنين من الحين تكون عايش الحياة اللي ودك فيها؟؟ يمكن لاننا نشوف خمس سنين واجد، بس هالخمس الجاية بتركض سواء بديت اليوم ولا قعدت تاجل... يا جماعة لو كل مرة قلت ببدا اذا ضبطت ظروفي بتلقى نفسك في دوامة تأجيل لاتنتهي وكل يوم بيطلع لك ظرف جديد. خذ من الشي اللي ودك تسويه جزء بسيط يمديك تبدا فيه اليوم وتستمر عليه حتى لو يومك زحمة. مب مطلوب منك تسوي كل شي دفعة وحدة وتحمل نفسك فوق طاقتها اللي خلاني اكتب هالكلام. مريت اليوم على حديث الرسول ﷺ (أحب الأعمال إلى الله تعالى أدومها وإن قل) ووقفت عند «وإن قل» قلت لنفسي لو اني بديت بشي بسيط قبل خمس سنين وداومت عليه وين كنت بوصل الحين؟ اذا فيه شي جا ببالك وانت تقرا سو منه جزء بسيط اليوم. يمكن بعد خمس سنين تتذكر هاليوم وتقول الحمد لله اني بديت وقتها

يشبه هطافتي والله

في كون موازي، جالس اشارك الكونكشنز خبر ولادة معزتي على لنكدن، والمزارع المجاورة تبارك لي

عندي قناعه ان الحياة قبل ٢٠٢٠ كانت ملونه وبعدها صارت السنين باهته بدون الوان.

اليوم بالمسجد الأفغان لبسوا الشال مبروووك دخول الشتاء🥳🥳🥳

بدر ليلة خمسطعش من جمادى الأولى 1448 🌕

يعني انا ابي اعرف اللي اخترع الجريش هذا شلون ابدع هالابداع.. كيف مسكت معه يجرش القمح ويحط معه لبن ويطبخ ويقلب ويذوق وفكر بالمكونات وطلع لنا بالاكتشاف الثوري ذا وكمل حياته بشكل طبيعي يارب لطفك

ياليت لو فيه تطبيق واحد يجمع حسابات الشخص بكل منصات السوشال ميديا في تايم لاين واحد

تشات جي بي تي ضيَّع متعة ويكيبيديا، كنت تبحث عن ثادق وفجأة تلقى نفسك بمقالة عن الثورة الفرنسية. هذي التشعبات لابد أن تعود.

يتعلم الانسان في يومين بلاء ما لا يتعلمه في سنتين عافية

اتفهمه

يوم الاربعاء مثل الإنسان اللي يمتلك قبول الهي، ماتقدر تحاجج فيه، تحبه وماتعرف ليش تحبه لكن خلاص.

هل استطاع الذكاء الاصطناعي يعرف خلطة رفع معدل تركيز الإنسان؟؟ لأن وش دراه ان فيديو باركور ماينكرافت يخليني أتحمس اسمع قصة مأخوذة من ريديت عن انفصال أمريكية عن زوجها بعد زواج دام 67 سنة؟