(..٩٦…) العمر جواهر العقد الفريد
خيط الصباح العقد و نجوم المجرة لولها
#اليوم_الوطني_السعودي_٩٦
#اليوم_الوطني_٩٦
مطلق نايف الضميّان retweeted
.
.
.
لاصرت ابا اتكلم عن (أقواس الرماة)
و (الساعة الرملية) أوّل عصرها
و(الحرب والتضييق من كل اتجاه)
لا جت (خسارتها) وغيّب نصرها
و(الخاتم الدبلة) و(فضفاض العباة)
وبنت الملك (والجوع ) داخل قصرها
و(مضيق باب المندب) و(جسر المشاة)
و(الكيد) في خطة عزيزة مصرها
و(المد والجزر) انحصر ماه ومداه
(غاض البحر) والسفن يسهل حصرها
والإبرة اللي (خرمها) درب النجاة
تجرح مرور السلك لكن بصرها
و(بطن الذلول) و(جرّة الداب) وحصاه
و(الدلة) ، و(جمع الصلاة وقصرها)
و(مرواس عود) و(عود) محنيٍ قفاه
و(الكاس) قدم اهلالها مع نصرها
و(النزلة من المروة ورقي الصفاه)
والمختصر زبد العلوم وقصرها
لاصرت ابا اتكلم عن (أسرار الحياة)
يكفيني اتكلم فقط عن " خصرها " !
عبدالهادي الضميّان ..
#شعر #بوح_آخر_الليل #شيلات
بين : القوافي و القريحة و الهواجس و اللحون
يهجرس المبدع / و يكتب ما على باله طرا
و انا ليا طارت حمامة من على خضر الغصون
ما ارد ضيقة خاطري لو اني ارد البرا
ما بين (ضرس الواقع ) و (ناب الهقاوي و الظنون)
تجارب الوقت المريرة . . . جات ماسكةً سرا
مكابد الدنيا يبيّن فالملامح و العيون
و الطيّب اللي ما يخلي للعدو ضحكة زرا
لو الليالي غيبها من كل شكل و كل لون
اكافح بعزمً يحط طويق في فيّة كرا
✍🏻
شعاني غرام المترف الفارع المملوح
ولا ادري معه درب الهوى ويش تاليته
لو ان السنين المقبلة في هواه تروح
ما عرضت عمري معه (علّه و ياليته)
مثل ما يطيح الصقر في قبضة الطاروح
طرحني غرامه ولا انا ما تمنيته
قبل لا اعرفه ما قد جذبني حمام الدوح
و هالحين لا غنا على الغصن لاحيته
عليه السلام الفارق اللي من اقصى الروح
عدد كل بيتً فيه لليوم غنيّته
✍🏻






