Manal retweeted
جابك اللّٰه في طريقي ياغزال
بعد مامريت وانتي حايره
اعترضتي لي وانا مالي مجال
واستويتي يالجفول الذايره
زان مضرابك ولا فيها جدال
والتفتي كن مانتي نايره
كنك تقولين ذا كله محال
بالتفاته منك ما هي صايره
بعد مابينتي السحر الحلال
بندقي طاحت بدون معايره
والله اني مرهي لصعب المنال
مير نظراتك رصاصه ثايره
عنقك اللي صايرٍ مضرب مثال
ضاع فيه الشاعر وبصايره
قدك المياس لامنه استمال
راحت عيون البشر مطايره
كنت طامع فيك وعلومي ثقال
يا غزالٍ ما عرفت اسايره
صرت مثل اللي مغامر له بمال
تاجرٍ ما حسب لخسايره
ضاع راس المال ماباقي ريال
وانتهت مع طمعته تجايره
- خزام العتيبي
Manal retweeted
اللهم بلِّغنا المُتسع واليُسر في كُل أمورنا
اللهم سعادة القلب وقُرّة العين وجميل البشائر
















