lamis helali

كنت شرحت الموضوع ده كتير وهفضل اشرحه تاني وتالت وعاشر، فياريت تركزوا كويس في اللي هقوله. اللي بيدفع الفلوس دي مش ناس والموضوع أكبر مما تتخيلوا بكل بساطة في شركات السوشيال ميديا كتير ومنتشرة جداً بس شغالة في السر بتيجي لمثلاً بنت بيلاحظوا انها بدأت تتشهر، وبتتعاقد معاها على انها تفتح بث مباشر في اوقات معينة، واحياناً بتبقى في جداول مخصصة ليهم. اللي بيحصل أن الشركة بتقولها ان في شخص خليجي او رجل اعمال او واحد مهم "وليكن أسمه بطيخة" هيبعتلك دعم أسد أو حوت أو ايا كان، وحضرتك هتهللي له وأرحب وشكراً وعلى راسي، (وخد بالك انا بتكلم هنا عن بنت مش ولد) الاسد مثلا 22 الف جنيه وبيوصل للداعم بعد ما تيك توك يخصم نسبته بحوالي 16 أو 18ألف، بعديها الشركة بتسترد من التيك توكر مبلغ 15 وتسيبله الباقي، واحيانا بالاتفاق بيزودوا النسبة مابينهم. يعني الداعم ده وهمي هوا شركة سوشيال ميديا، والفلوس نفسها فلوس الشركة وبتعملها غسيل أموال. كأنها 10 جنيه عليها شبهات وتجيبلك صداع وتتسأل عليها من أين لك هذا بتحولها لـ 5 جنيه نضيفة مفيش عليها أي شبهة وتدخل البنك عادي والدنيا حلوة. لكن السؤال الأعمق: مصدر فلوس الشركة نفسها؟ بكل بساطة الإمارات اللي كل شوية تعملهم ايفنتات واعلانات على برج خليفة ومتبنياهم ولا كأنهم علماء فيزياء. الإمارات عندها مليارات من دهب السودان ودول أفريقية كتيرة لازم تعملها غسيل أموال، ومفيش أحلى من الطريقة دي بالنسبة لهم. طيب خرج ليه من السجن؟ هوا نفس السبب اللي خرج هشام طلعت مصطفى من السجن ونفس السبب اللي خرج نخنوخ وغيره وغيره، (مصلحة وبيدورها) لو مش مقتنع بالكلام فخلوني أسأل سؤال مهم. ليه ناس بأسم أبو نواف أو أبو متعب هيبعتوا 20 مليون جنيه خلال ساعة لشاب من بلد تنية غير بلدهم تحت المستوى العادي جداً ليه كنوع من الدعم؟ عشان جمال دقنه؟ مساء الفل😊