𝖺𝗃𝗆𝗂

t.me/ll9aw حياكم 🤍

ضيقه 🧑🏻‍🦯

تمشين بـ الارض ولا فوق كبد الحسود شوفي ضحاياش . . لام الله من لامـها ! تفدا مواطيش نصف مهفهفات القدود والنصف الآخر فدا عينش وسلهامها (:

هدب عينها لاطرقت به على الاوجان شخاتير مزن . . في بياض يطاردها (: مع الزين والقبله عليها حـلاة لسان تسل النفوس . . اللي قوي عقايدها لو إنه من أول يوم لأهل الرمك ميدان ثمنها المهار اللي طوال جلامدها (:

قوامك العذب لو أعيش في ضفّه راضي . . لو أبيع غاية عمري الباقي خصايل الشعر حول العود ملتفّه بـ أعناقك لين تركد . . لهفة عناقي من جيدك لعنقك المنتوق لـ الشفّه متعه و أنا نازل . . ومتعه وأنا راقي (:

يا شاعم نار صدري . . في ذعاذيع نود صالي سعيرك مشب الجوف يحترّ به يسري بي الليل و عيون الدواله رقود والعشق غربه يضمّ قلوب متغرّبه رحلة خيالي تسافر بي . . بـ ليا حدود على مرابي . . طويلة عنق و معرّبه جازية الغيد . . بين الخود ريانة عود كن الهوا يتبعه بـ الغيم . . و يشرّبه عوده مضمر . . و متروي ويرقا سنود و يحق له . . لا تبختر فيه وأغترّ به ! خشف يلوعب تحت رش المطر فالنفود لو هو توطّا ثرى الهملول . . ما خرّبه حورية جابها الله . . من جنان الخلود جتنا زيارة . . تشوف الكون و تجرّبه والعرب قامت ترحب و العجم قود قود شي ما قد شافه . . الطرقي ولا مرّ به أخذوا لها صورة ما دام إنها فـ الوجود لقطة كذا تبعد التصوير . . و تقرّبه لأنها من الحور بكره صوب أهلها تعود وش عند أهل الارض شهب وجيه و مترّبه ظنك تبيها تريّح . . في محطة وقود ! هاذي مع المزن الابيض جات . . متسرّبه (:

صرت أحبه مثل حب العين للقيلوله كل ما غنّيت طاروق . . الغلا غنى لي وكل ذكر في ملفات الغلا . . محموله في ربوع بقيق جعل بقيق ماله والي يا وجودي لا ذكرت الليله المأهوله جيت احث رجلي . . والسعد يبرالي وانطحتني مثل ليل السامري واطبوله جيتها برقها يلوح . . وعودها ميّالي افتقدت الذاكره . . يوم انتثر مجدوله ولا انتبهت لين طاحت غترتي واعقالي ذقت شي من رحيق الشفه المعسوله ليتني ما ذقت منها شي كان اشوالي واستحيت من الامور اللي ماهي معقوله الامور اللي لا اتسـوّى . . ولا تنقالي (:

الليله اللي بدايتها قصيد . . وطرب تكاشف ابروقها . . لاحنّـت ارعودها هيهات هيهات واللي مايطول العنب يشره على شجرته لو طال عنقودها والجادل اللي تفاخر بـ الحسب والنسب وشلون ما تفتخر . . لا عدّت اجدودها كنت احسب الدم ياصل دونها للركب إلين ساقتني الاقدار . . لـ حدودها من صوتها العذب تطعني بليّا سبب وانا اتحمل خناجرها . . وبارودها الا على طاري الطعنات لبى الهدب لبيه لبيه لأمن سلهمت سودها (:

على ابو دليق فوق دمث النحر كاسيه حمار وبياض يشبه . . النو من منشاه اتشعشع اخلوم البدر لا فرقه بـ يديه يشادي الضباب اليا تعدى القمر غطاه على عود موز جاري . . الما مع ساقيه وزود على زمّـة . . نباته قراح مـاه الا وا عيون . . اللي كشف برقعه راعيه يتل السبوق وقام راع الولع يشعاه (:

كلامك يطمّن لو عيونك وراها علم مع انك ما قلته لكن عيونك تقوله (:

عودها رواي وبالصدر المصايب كن برق الصيف يلمع في نحرها كل ماهبت نسانيس الهبايب قام نسانس الهوى ينثر شعرها مهرة صفرا عليها اشقر ذوايب عنقاً ابيضها تخالط مع حمرها خصرها معزول من حد الترايب لو تعرض للهوى يمكن كسرها هايفة خصر وحشا فيها العجايب مابقى الا بطنها يلمس ظهرها (:

عسى ما تجيني فيك يـ الغاوي الفتان علشان روحي بـ الهوى فيك مبليـّه تراني دخيل الله من . . صدرك الفتان ترى الوضع حريه . . ولا هو بـ حريه دخيلك سواة اللي دخل بيت ابو سفيان يجنّـب سبيل الخير . . ويدوّر السيّـه فناجيل صدرك . . كنها تابع الرسلان تعازيل حوريه ولا انتي . . بـ حوريه عطاش الله اجمل شي ما قد عطاه انسان تمناك حكّـام الشعوب . . العربيه علشان خصر ينثني مثل غصن البان وعلشان خواً مثل خوى العمانيّـه (: خذيتي قلوب الناس يا مـدّة الرحمـٰن تتليـنها تل الرشا . . فوق مطويّـه تعب طرفك النعسان وردفك المليان (: جمال الطبيعه والوصوف الحقيقيـّه

مدح الكفو وبـل . . على روض خضر ومدح الردي صبخ ما تنبت لو تسيل (:

يارب هب لي ثقل حجه وجنب متين لاميّل الحظ مثل . . بريهة العسكري ): ولا انت يا مشغل فكري عن العالمين لازلت في سيرتك متطرّف . . وعنصري ! انت اخر اللي لقيت من العرب الاولين من طرفك المستريب لـ زينك الجوهري (:

انت حبّك ما لقيته على جال الطريق ما تجيبه . . غير دعوّة حجيج في منى يا عفيف تجمع الزين والساس العريق جدك اللي يروي السيف الاملح والقنا جيت من بطن السحايب كما الغيث الدفيق تنجّي اللي طول عمره حياته في . . عنا منهو اللي يكسب رضاك يوم انك تضيق ويتجرّع كل لوعات . . حزنك غير انا ؟ ايه احبّك واشهدني وسط حبّك غريق وحالف ما اخون حبّك ليا يوم الفـنا (:

يا جعلني . . فدوة قوام هش . . وعلوّه بدر مع مضحك يطغى به الفوشي على لون الآل عقالي المرعز . . مقاس الخصر لا منه انهصر وماله مجال يطيح تحت الخصر لو فل العقال سرحت مع سود العيون اللي تكحّل بـ السحر والرمش يقنص للخدود وتاق طلعه للهلال وغديت مع زين المحاسن . . تيه والله يغفر آمنت بـ اللي صوّرك بـ الحسن رهبه وابتهال يا غُند يا كل الدلع يا مكس من بدو وحضر يا سيدة كل القلوب . . اللي تلفّت بـ الكمال

يلاعب فوادي رمشك الناعس المصفوف وعين سهـمها يسلب . . الحيّ عافيته وانا يا عذابي . . كل ما ألد فيك الشوف واذا احمّر خدك والحيا منك حسيته تقولين في صدري حرايب وضرب سيوف عذاب ما اشد من اوّله . . غير تاليته تسوين بي في كل لحظه وصل معروف جميل أخاف العمر يمضي ما رديته (:

قبل ينهدم صرح الغلا والنفوس تشين فمان الكريم . . اللي عطاياه ما تحصى اتركني على كف المقادير . . بين اثنين زمان ماهو لقصى . . وحظ ماهو لقصى المشكى على الله لـ افترقنا وحنّ حيين لكن الظروف القشر تامر . . ولا تعصى ظروف الحياة اكبر من الحدس والتخمين تقصى طيب . . بين الرياجيل ما يقصى تطمن تراك اللي بـقا لي . . من الغالين يا منصاي من كل البشر لابغيت انصى (: والله ماتحرر من غرامك . . لـ يوم الدين لو يحررون القدس والمسجد الأقصى !

العنق بين سخاف الأمتان منتوق عليه عقد . . ذيهـبانه مقـمّش ! بشويش لا منّش لبستيه وبرفوق خطر على الجيد الحرير يتخمّش حرام ما كنّش من الطين مخلوق ما به جمال إلا وجنبش يهمّش :)

مما قيل في وصل المحـبوب ): الوصل واجب وأنا ما أقوى على صدك ليتك مثل رمشك اللي يعرف الواجب ينزل على الهون . . ويسلم على خدك ويطلع على الهون ويسلم على الحاجب

لا عاد تنشد ويش وسط الحنايا صدر الشقاوي بـ التشوّق مشقّا شوّقت قلبي من جميع النحايا النبض والاحساس . . واللي تبقّا حتى الريايا ما بقى بي . . ريايا حطيتها لك فرش وامش وتوقّا اخاف من شوقي تحوشك شظايا ماهو بـ شوق وبس شوقي ترقّا ورّدتني لـ اخطر حياض المنايا واثرك على الميراد للموت سقّا الله حسيبك . . يا خبيث النوايا تضحك لي . . ونيّاة قلبك تتقّا ترسل لي سهوم المنايا هدايا ! وعادك من اهداءات روحي تلقّا ما زلت تسأل ويش وسط الحنايا لكن ما زلت اقول . . طبّ وتنقّا (: