من لاحتمى شاربه لاجا نهار اللزوم
ابرك له يروح للحلاق ويحلقه
دناقه الراس،، عنا مثل بعد النجوم
الا لاجات الصلاه نقوم وندنقه
-
تزبر سحاب من مناشيه برقه لاح
اخيله وانا واقف على مفرق دروبه
تجود الاماني بالعطا والسنين شحاح
على من فهقت العذر من دون ماجوبه
نديم الغياب اللي عليه السدود تباح
تجاوب هوا الغربي نسايمه وهبوبه
انا داخلي همن يعادل حصاة إرزاح
واضنه عتب محبوب في حق محبوبه
احسبه بعد ماراح همه خلافه راح
لكن ما اعتقد حرية القلب مسلوبه
عسى جرحك يروح فدا مشرط الجراح
انا لي يقين يقول الاقدار مكتوبه
لو تمر قدامي وعندي وفشق وسلاح
ما والله تبا تنجا من الموت بـ اعجوبه
كم واحدً مالي عيوني بعدك وطاح
ولا بان لا راسه ولا بان عرقوبه
ترى شاعرك خلا طريق الهوى وارتاح
ولا مر ذكرك لحقه سورة التوبه .
—— عالي بن منور العازمي .



