والله انك عـزيز ، وغـالي ، ومحـشوم
ان قطعت الوصل ولا قطعت السلام
لو يموت التواصل بين ليلة ويوم
ماتموت الضماير في صدور الكرام
على كل ماقد فات جعل العوض بعدين
يسوق الله الغيث اللي يعدل أوضاعي
هذي عادة الأيام .. و أنا أعرفها زين
ماتحلا لي إلا عقب ماتغسل شراعي
يالله بصبح تستحي منه الاحزان
ويالله بيوم يطرد الضيق عنّا
و رزق مقدّر منك من دون حسبان
ومن دون لا قوّه ولا حول منّا
وبشرى يهلّ لكبرها دمع الاعيان
ونسجد لها سجدة شكر ونتهنّا
يا والي الدنيا ويا عالي الشأن
ويا عالم اللي بالضمير ، استكنّا
