Assistant Professor of political Science | PhD in Political Methodologies | MSc in Social Innovation & Entrepreneurship | Amateur tennis player on weekends 🎾
Egypt🇪🇬/UK🇬🇧/Edinburgh..
Joined August 2024
- Tweets1.8K
- Following109
- Followers985
- Likes3.3K
الحرية مش معناها إن الناس يكون لها الحق تعبر عن نفسها بدون إزعاج من غيرها..خالص, مش ده مفهوم الحرية..عمر الإنسان ما هيقدر يبقى حُر بجد غير لما يكون عندة القدرة أنه يقول لكل الناس الكلام اللي هما مش حابين يسمعوه..ساعتها بس هيبقى حُر, غير كده كلها شكليات.
بمناسبة أننا في نوفمبر..إفتكرت من سنة أنا أول دكتوراه..ومش دي النهاية أكيد, مكمل, بس بهدى شوية عشان مفيش وقت..هيجي وقت يكون مناسب لدكتوراه تانيه في نفس الجامعة اللي أحتضنتني وبقت سيرتي الأكاديمية جزء من سيرتها, وهفضل ممتن لكلية لندن للإقتصاد والعلوم السياسية
قصة الست بتاع بيت الأحلام دي بتخليني أتأكد قد ايه أنا بكره دايماً أنصاص الحكايات.. المواضيع اللي من طرف واحد اللي فيها ملاك وشيطان, ضعيف ومتجبر وهكذا..بس اللي بيصعب عليا أكتر هو المُتلقي, الطرف التالت في الحكايات لو محاولش يفهم وينقذ روحه من فخ الإستغفال.
شعور فقدان الأب اللي بعيشه مع كل حد أعرفه بيفقد أبو, شعور حزين أوي ومفهومه عندي شبه الكابوس اللي بيبقى وقت النوم, وببقى فاهم كويس بدون ما أكون بعبر حتى عن ده, حجم الآسى اللي في الحياة وهى بتمحى من قاموسهم أحن وأرق أربع حروف عاشوا كتير ينطقوا بها
سبحان الله مفيش طريق وصفه ربنا للبشر ومكنش فيه نجاتهم وفرحهم..حتى في الرزق وصراعات الناس بين الحلال والحرام وأختيارهم لطريق الحلال حتى لو كله مصاعب..و لو أنهم كملوا في طريق ربنا ومرجعوش من نص السكة, حتماً هيلاقوا السر في فرحهم المتوقع دايماً في أنهم بس كملوا
كان عندي شغل النهاردة في سفارة النرويج..واتعزمت على زيارة عشان أشوف الشفق القطبي في نوفمبر وألوان السما الحلوة..أنا زرت النرويج مرة واحدة في حياتي..وكانوا أجمل أيام شوفت فيهم شكل الكهوف اللي بالزجاج وسط الجبال الثلجية بليل في ترومسو وجزر لوفوتين وسفالبارد
ممكن الوقوع في الحب يبقى في ديسمبر عادي وعلفكرة بيبقى ألطف كتير مع المطر والسقعة..ودايماً أجمل خروجات بتبقى في عز الشتا والدنيا تلج وعن تجربة, بتحس نفسك بتقول أحلى كلام وبتتصرف برقه كده لدرجة بتخليك بعدين تقول لروحك أنت إزاي كنت كده ! 😄
هل الناس محتاجة أصحاب مقامات وكرامات ياخدوا بإيديهم لتحسين معيشتهم وعلاج مرضاهم ونجاح عيالهم ؟! أكيد أنا فاهم ده ليه بيحصل..عشان الناس مش لاقيه حد يلبي إحتياجاتهم..عشان الفقر والجهل بيكتف الناس..الناس بس ياربي محتاجين اللي يشتغل عشانهم ويشغلهم معاه لمصلحتهم
غداء عمل في سفارة الدنمارك..بصراحة أكل الأوروبيين ده ميشبعش حد هههه..كده كده طالع على المنوفية أتغدى محشي وبط ورقاق عند جدتي😄♥️
🤖 Made with AI
أمي حولت فكرة جواز الصالونات لجواز الكافيهات..كل فترة أرجع من الشغل تقولي تعالى معايا مشوار..الميزة في الخروجة دي إنها بتوديني البيروتي في أركان بلازا اتعشى مع ناس أول مرة أشوفها..بس أنا بقى مش بضيع الفرصة وبأكل عرايس الكفتة وشيش الطاووق والفتوش اللي بحبهم
بعد إختبارات عن أسلوب التدريس ومدى تقبل الطلاب ليا..تم تعييني كمدرس مساعد في الجامعة البريطانية المفتوحة بمليتون كينيز للتدريس عن بُعد, بالإضافة لشغلي في الجامعة البريطانية في مصر..أنا حقيقي فرحان ومُمتن أوي لربنا على كل خطوة ساعدني أمشيها وفي كل الأحوال
التدريس للبنات في أولى جامعة ده تاني أصعب حاجة بتواجهني في حياتي بعد السكرتارية المكونة من بنات صوتها عالي..وفي الحالتين مش ببقى حابب التواصل معاهم غير عن طريق الواتساب ومش ڤويس..محدش عارف قد ايه أنا معنديش طولة بال أسمع ڤويس لرسالة أكتر من ٥ ثواني
بحس إن فرنسا دي دولة عبيطة ديمقراطياً..وإذا كانت بتسمح بحرق الأديان السماوية مستغربين ليه بقى لما يحرقوا المباني الأثرية ؟! عمري ما حبيت العقل الفرنسي في تصدير الحُرية..بس بموت في الكرواسون اللي بالزبدة وغرقان شيكولاته و فانيليا والقهوة السودة بلبن خفيف كده
تعليم الناس والإهتمام بصحتهم وفتح أبواب رزق لهم هو اللي بيخلي لأي حاكم شرعية..أي كلام تاني عاطفي ومؤثر لحد العياط مش بقف عنده..والناس لازم يكون لها دور في ده..إنها تبطل تستنى من الحكام يقرروا لهم شكل حياتهم..وتبقى حريتهم فرض عليهم والسعي لها يبقى غريزة