‏ مانع

يابو قلب أطهر من ثيابك ليا صليت يابو ضحكه من تبتسم يبتسم كوني يابو وجه يغار القمر منك لا طليت وش العمر من دونك و دنياك دوني

#حبيت_أقول ماتت احبك من الصدق فـ لسان الكذوب ي جمال احبك اللي نوايها .. نضاف وش تسوي ضحكة السن في حزن القلوب كنها ترنيمة الحزن فـي ( حفلة زفاف )

#حبيت_أقول كل ( دمعة ) وقفت على مشارف رمشي ليه ماطاحت مع اللي طاحوا امن عيوني

#حبيت_أقول جعله يصيبك مثل ماصابني منك وجعله يجيك اللي من الحب جاني حتى تعرف أن الهوى عيشته ضنك وأن الهوى راعيه لازم يعاني عانيت في حبك وسوا بي الفنك لا وحسايف مال حبك أماني

#حبيت_أقول لك مني أحبّك لين يغزا شعر راسي الشيب ولي منك حفظ العهود إلي بيننا و المواثيق حبّك حفظته يسار صدري يعلمه عالم الغيب أداري عليه بقلبي وأخفيه عن كل المخاليق

#حبيت_أقول أتعبت رجلي دون حرش العراقيب والوقت يخلف هقوة اللي تهقوى مره على ددسن ومره على جيب ومره على رجلي وحيل الله أقوى

#حبيت_أقول بيني وبين صويحبي وقفة احوال يامن يديـر الصـلح بيـنه وبيـني واعطيـه ماتمـلك يمينـي من المال واجعل مقـره بين جفـني وعيني

#حبيت_أقول غبت ياللي تدري اني من الفرقا حزين ما تخاف الله من الروح واللي ناشها صار حبك مثل الايام من عمر السجين تنحسب له في حياته .. وهو ما عاشها

#حبيت_أقول على وين مدري لاكن اقفو ولا ادري وين تناحوا وقفّوا عاد لي فيهم اطلابه بغت كبدي من افراقهم تنقسم قسمين وسمها الحزن وضروف الايام غلابه وجودي على ساعة لقاء عادنا حيين وجودي عليه وبري حالي من غيابه اقول اسقني بموت ويقول لي بعدين الين اقفت صدوف الليالي بمشرابه

#حبيت_أقول زين وحسن منطق وذوق وركاده الوجه طلت بدر والنجل انعاس واهدابها ليلٍ يتيه سواده والخصر ملقى الكف بالكف بقياس من شاف زمتها تقطع فواده لا لبست ازهد لبس صار اجمل لباس

#حبيت_أقول والقلب بيتك وحدك وانت في حدك مايسكنه غيرك ولا رخصته إلا لك في روحي وقطعت من روحي اعدك تمون حتى عروق القلب قدها لك والحاجه الي تبي على يدك امر تدلل وسو الي على بالك

#حبيت_أقول كبير يا ذا الليل.. وهمومك كبار يشرفك من يسهرك.. وتشرّفه أنا صديق الليل.. وأطراف النهار إذا سألك الصبح عني.. صرّفه

#حبيت_أقول ابو خدودٍ كنها ورد فيضه الى فتق زملوقها وازهر الروض ومعنقٍ تحته ثنينٍ غضيضه كنه مقرّص روس الاثنين باعوض وجسم تعازيله فياضٍ مريضه من صك خلخاله اليا مفصل الحوض قولو لها مرباع قلبي وقيضه اني بخيت بـ معرفتها ومحظوظ

#حبيت_أقول مرحبا يا اجمل مقادير الحياه والله ان الحال قبلك مايسر قلبي اللي ماحد يبحث خفاه حاولوا كسره وعيا .. ينكسر

#السعوديه_العظمى_خط_احمر دار الزمن واستسبع الكاين أليف والمنهزم قد هو يحارب ويهزم شمس الحقيقة ما هي بشمس الرصيف الفرق واضح والمعاريف تخزم ترى القزم لو يطلع الضلع المنيف والله ما ينسى شعور إنه قزم والمملكة في قبلة الدين الحنيف وقرارها لا ضاعت الآريا جزم في كل شبرٍ من أرضها لا جيت ضيف تلقى لك سنافي يرحب ويعزم والنخلة اللي بين سيف وبين سيف عيّا عليها سيف سلمان الحزم

#حبيت_أقول جابك الله من بياض الفال والحظ الكبيّر وأستبشرت بك ضلوع صدري .. وفزت

#حبيت_أقول بنلتقي واحضن كفوفك في يدي واسولف لعينك كيف كانت لهفتي

#حبيت_أقول طيفه وهو طيفه لا زارني … يلهي اعيش في واقع يصعب علي شرحه

#حبيت_أقول هلابـك عد ما طال انتظّاري يا سمي النور عدد مازاد بي الشوق ولا ادري ويش اسويبهُ

#حبيت_أقول غابت نجوم السما كلها والله درا عن وليف دار عامه ويومه وشهره ياوجودي كل ماطرف الليل وسرا ماحدٍ بشر بشوفه و لاجاب خبره

#حبيت_أقول سلامي على اللي شوف وجهه يرد الروح ليا اقبل بها شين الأوادم على الموته احبه ولا لي من من ورى محبته مصلوح واضيّع زهر عمري وادور على صوته