Mohamed Nabil

والله لو أصبحت بلا متابعين والله لو مفيش اي تفاعل خالص والله لو اضطريت اكتب في صفحتي محدش حتي يشوف اي تويتة لافضل علي نهجي وفلسفتي وهعمل جهد المشجع الحقيقي الواعي وهقود فريقي البطل فريقي ولاعيبته الرجالة وادارته الافضل وجمهوره العظيم ما عدا القلة الواهية الي النصر 👌 وحتي لو لم ينتصر الاهلي اليوم فهفضل وراه لحد ما ينتصر بكرة وبعده 🦅🤝 انا مش باقي هنا الا علي الاهلي ومعاه مش هنكر في بعض الأصدقاء يتشالوا علي الراس

ربنا يلطف بالجميع في حادث تصادم قطاري العياط ، خالص تمنياتي بالشفاء العاجل للمصابين، وربنا يحفظ كل الركاب ويطمّن أهاليهم، ويرحمنا من الحوادث دي ونجرب نحاسب مرة المخطئ ويحفظ مصر وأهلها. 🤲

ما علينا تاني 🤝😅

هو بجد والله ومع كامل الاحترام ايه اسباب تعيين كابتن حمادة صدقي مدرب منتخب أولمبي؟ انا اللي افهمه نحط مدرب يكون عنده فكر جديد شاب يقدر يتعامل مع جيل بأفكار متغيرة عن الماضي ليه بجد بنعيش في الماضي اللي اساسا ما طلعش نجاحات تذكر

صباح الجمال ❤️ نسيت بس اكتب حاجة خاصة بماتش امبارح حبيت اسجلها 👇🤝 أنا مبقتش بتابع البرامج التحليلية عمومًا، حتى قناة الأهلي، وبقيت مكتفي بمشاهدة مباريات الأهلي وبس وده من فترة 👌 لكن امبارح بعد ماتش الأهلي والسكة الحديد، خدني الفضول أشوف رد فعل وليد صلاح الدين وحسام غالي في الاستوديو مع مذيع اسمه يحيي 👌 المذيع بدأ كلامه بشكل قاطع: الأهداف حلوة لكن الأداء سيئ. وبعدها الكابتن وليد صلاح الدين اتكلم بشكل طبيعي جدًا، أشاد ببعض الحاجات الإيجابية، وانتقد اللي يستحق النقد، من غير ما يحاول يجمّل حاجة أو يبالغ في الهجوم. لكن فوجئت بحسام غالي بيقوله إن الكابتن وليد بيحب الأهلي زيادة وبيحاول يجمل الأداء، وإن الأداء زي الزفت! وهنا بقى النقطة اللي عايز أتكلم فيها.. لازم يكون فيه وعي عند ممثل الأهلي داخل الاستوديوهات التحليلية. مش كل حاجة محتاجة نبرة صوت عالية، ولا هجوم لمجرد إثبات إنك موضوعي، ولازم نفهم إن النقد مش معناه إننا نقلل من كل حاجة إيجابية. لأن للأسف فيه ناس بتستنى أي جملة من النوع ده عشان تقتطعها وتبدأ تتاجر بيها، وتطلعلك حكاية إن حسام غالي هو العضو اللي بيقول الحقيقة وإن غيره بيجامل الأهلي! وبالأمانة، عشان نبقى منصفين، مش كل نجم سابق بالضرورة عنده القدرة على التحليل الفني أو بيعرف يستخدم أدوات التحليل بشكل جيد، ومجرد إنك كنت لاعب كبير مش معناه بالضرورة إنك هتكون محلل متميز. الموضوعية مش بالصوت العالي، والنقد مش بالمزايدة، والانتماء للأهلي مش تهمة محتاجين نبررها طول الوقت. ❤️🦅

للتاريخ أكرر 👌 سيفوز الاهلي علي بيراميدز إن شاء الله وهنعمل ماتش كبير لان طريقة عموتة مناسبة جدا لهكذا مباريات 🤝

مش هكذب عليكم اه في بعض التغير للأفضل لكن في المقابل في شوية حاجات فنية مستفزة جدا ومقلقة وكمان في حاجات علي مستوي الانضباط في الملعب مستفزاني وده بيوريك ان الانضباط مش بالزعيق ابدا 👌 اللاعيبة بتتكلم مع بعض بشكل مش موجود في اي فريق كبير زي الاهلي بتكلم عن الشكل السلبي بشوف كتير من العشوائية للامانة هجوميا تشعر ان اللعيبة بتروح وتجري واحنا ونصيبنا نتمني تدارك ده يارب

ما علينا 🤝👇

توفيق محمد بروفايل قريب اوي من طارق السيد لاعب الزمالك السابق الظهير الايسر وكان كويس بالمناسبة

⚽ الشوط التاني كان على النقيض تمامًا من الشوط الأول! تراخي واضح في كل أرجاء الملعب، وكرات مفقودة بدون أي داعي، وأخطاء في التمرير من معظم اللعيبة، رغم إن كان فيه محاولات من بعض اللاعبين لمساعدة بعض وتحسين شكل اللعب، لكن للأسف التنفيذ كان سيئ جدًا، خصوصًا في اللمسة قبل الأخيرة. ظهرت كمان بعض الثغرات والمساحات بين الخطوط، وبشكل أوضح في الجانب الأيمن، مع تراجع واضح في الترابط بين الخطوط، وده خلّى الفريق يفقد السيطرة على فترات طويلة. هدف عمر الساعي جميل جدًا، لكنه في النهاية جاء بمجهود فردي، مش نتيجة جملة جماعية أو تطور واضح في شكل الفريق. والأهم إن البدلاء، رغم جودة الأسماء والإمكانيات الموجودة، ماقدروش يقدموا الإضافة المنتظرة، بل كان فيه تراجع واضح في جودة الأداء، حتى في التمريرات السهلة اللي المفروض تكون أبسط تفاصيل اللعبة. كنا نتمنى إن الفريق يحافظ على شكل وأداء الشوط الأول طوال المباراة، لأن الاستمرارية هي اللي تقدر تدينا مؤشر حقيقي إن فيه تقدم وتطور، مش مجرد شوط جيد يعقبه تراجع كبير. عمومًا، فوز مهم وثلاث نقاط مهمة 👏❤️ لكن لسه قدامنا شغل كتير، والأهم إن الجهاز الفني يقدر يستثمر إمكانيات المجموعة دي، ويعالج التراجع في التركيز والترابط بين الخطوط، ونوصل لأفضل شكل وتشكيل ممكن للمباريات الجاية. النتيجة مهمة، لكن الأهم هو التطور الحقيقي في الأداء.. وإن شاء الله القادم أفضل. 🦅

لاعب الوسط الهداف المدفعجي انسب لاعب لمركز ٨ في مصر عمر الساعي القابل لتطور اكبر يسجل هدف رائع اخر ليؤكد انه اكتشاف عموتة الأوحد في الاهلي 👌

ممكن تكون انسب دقايق كنا نقدر نشوف بيها بن جديدة وقدراته

عكس التيار 👌 أنا كتبت كتير جدًا عن مساوئ الفترة الأخيرة في إدارة حسام حسن لمنتخب مصر، وانتقدت قرارات ومواقف كتير شايف إنها كانت غلط، وفيها قدر كبير من الهرجلة والعشوائية، بشكل لا يليق أبدًا باسم وقيمة منتخب مصر. لكن بعيدًا عن كل ده، أنا عندي تساؤل حقيقي ومش قادر أفهم إزاي هاني أبو ريدة وصل للمكانة الإدارية دي! بصراحة، الراجل ده بيقدم أسوأ نموذج للإدارة الرياضية، وعصره من أسوأ الفترات اللي مرت على الكرة المصرية. عشوائية مفرطة، قرارات مرتبكة، غياب واضح للرؤية والتخطيط، وهرجلة وبرجلة في إدارة ملفات المفروض إنها تكون من أبجديات العمل الإداري، مش قرارات وأزمات لا تصدر حتى من مبتدئ! حسام حسن، بكل ما له من مميزات وبكل ما عليه من عيوب وأخطاء انتقدناها بوضوح، اتحول في النهاية إلى كبش فداء لمنظومة إدارية فاشلة، ويتحمل وحده فاتورة مرحلة كاملة من التخبط وسوء الإدارة. خصوصًا إننا أخيرًا بدأنا نشوف حالة من الالتفاف الجماهيري حوالين المنتخب الوطني، وبدأ الشعب المصري يستعيد اهتمامه بمنتخبه بعد سنوات طويلة من الفتور والابتعاد. فهل من المنطقي إن النهاية تكون بالشكل ده؟ إننا نهدر حالة الاهتمام دي بقرارات مرتبكة، ونختزل كل أزمات المنظومة في شخص المدير الفني؟ حسام حسن يُحاسب على أخطائه الفنية والإدارية وليست الشخصية وحط تحتها مية خط وده حق أصيل، لكن اللي بيحاسبه لازم هو كمان يتحاسب، واللي بيدير المنظومة لازم يتحمل مسؤوليته. المشكلة أكبر من مدرب، وأزمة الكرة المصرية عمرها ما كانت هتتحل بتغيير اسم على الخط. 🇪🇬

الشوط الأول.. آه الماتش سهل جدًا بالنظر لمستوى المنافس، لكن من وجهة نظري ده أفضل شوط للأهلي هذا الموسم على مستوى الأداء الجماعي والفردي. خلق الفرص، الانتشار في الملعب، الضغط، الحماس، التنظيم الدفاعي، والضغط الهجومي.. كل حاجة كانت حاضرة بصورة مختلفة عن اللي شفناه في الفترة الأخيرة. اللافت كمان إن فيه تحرر واضح في أداء بعض اللعيبة، وعلى رأسهم زيزو، المتوهج واللي باين إنه مستمتع بدوره في الملعب، وده انعكس على خطورته تهديفيًا وفي صناعة الفرص، خصوصًا من خلال العرضيات المؤثرة. عجبني اوي وقفة توفيق محمد هييجي منه كتير اوي منصف انشط كتير وبن شرقي خطير وافضل ثنائية في خط الدفاع اللي عجبني أكتر هو شكل الفريق ككتلة واحدة، والتحرك بدون كرة، والقدرة على استعادة الكرة والضغط على المنافس بدل ما نفضل مستنيينه في نص ملعبنا. طبعًا مستوى المنافس لازم يتحط في الاعتبار، ومش معنى شوط كويس إن كل مشاكل الفريق اتحلت، لكن في نفس الوقت مش منطقي نشوف تطور واضح ونتجاهله لمجرد إن عندنا تحفظات سابقة. أنا دايمًا بقول إن غرضنا مش الانتصار لوجهة نظر شخصية على حساب مصلحة الأهلي. لو عموتة نجح في تحويل دفة الأداء، هنكون أول ناس نشيد بيه، ولو احتاج دعم عشان ينجح ويكمل التطور ده، ما عندناش أي غضاضة. إحنا مش بنحارب أشخاص، ولا بندافع عن أسماء.. إحنا عايزين نشوف الأهلي بالشكل اللي يليق بيه. والأهم إن المستوى ده مايبقاش مجرد استثناء قدام منافس أقل، لكن يبقى بداية حقيقية لشكل فني ثابت نقدر نحكم عليه ونبني عليه في المواجهات الأصعب. لما نشوف حاجة حلوة لازم نقولها.. ومصلحة الأهلي فوق أي اعتبار.

بقوا ٣٥ دقيقة وكملها بهدف تاني أروع ❤️🤝

٢٥ دقيقة بعنوان احمد سيد زيزو انتهت بهدف رائع للغاية من الدولي المصري 👌 اتمني زيزو يستمر علي هذا المستوي ويجيب افضل فورمة ليه 👌

في ذكري ميلاد الاسطورة صاحب الرقم ٢٢ ❤️ زمن تريكة الممتع وحشني للامانة 👌❤️🦅

دعاء الرزق رددوه كثيراً: "اللهم وسع علينا في ارزاقنا حتى لا نمد ايدينا إلا اليك ،ولا نتوكل بقلوبنا إلا عليك ،اللهم وصل إلينا ارزاقنا بغير مهانه ،ولا مذله اللهم وسع علينا في رزقنا مع تمام الستر واللطف والعافيه".

الحقيقة إن النادي الأهلي في الفترة الأخيرة شغال بشكل كويس جدًا في إبراز مواهب من قطاع الناشئين، وده واضح من عدد اللاعبين اللي خرجوا للاحتراف الخارجي، واللي وصل تقريبًا لـ4 لاعيبة علي رأسهم حمزة عبد الكريم وبلال عطية ، مع وجود أسماء تانية مرشحة للخروج الفترة الجاية 👌 وده في حد ذاته مؤشر إيجابي جدًا؛ لأن لما لاعيبة من القطاع تتشاف أوروبيًا ويتم اختيارها، فده معناه إن فيه شغل كويس، وإن العين اللي بتختار المواهب عندنا بتقدر تكتشف أسماء عندها إمكانيات حقيقية. لكن السؤال الأهم بالنسبة لي: إحنا بنستفيد قد إيه من المواهب دي في الفريق الأول؟! إحنا بنتكلم عن لاعيبة اتربت جوه النادي، وشربت تفاصيله، وعندها طموح وجوع ورغبة في إثبات نفسها، ودي عناصر ممكن تكون إضافة كبيرة جدًا للفريق الأول. محمد عبد الله، عمر سيد معوض، إياد مدحت، مهند الشامي، رأفت ،محمود صلاح وغيرهم من الأسماء اللي عندها إمكانيات تخلّيها تنافس على مكان أساسي، مش مجرد تكملة عدد. المشكلة في رأيي مش نقص المواهب، لكن في غياب المدرب اللي يقدر يطور العناصر دي، ويديها الثقة والفرص التدريجية، ويحطها على الطريق الصحيح. أتمنى نشوف استفادة حقيقية من الجيل ده، لأن بناء فريق قوي مش دايمًا محتاج صفقات بملايين، أحيانًا محتاج بس إنك تعرف قيمة اللي عندك وتديله الفرصة. ❤️🦅