Muhammed Bakry (@mubakry) header
Muhammed Bakry (@mubakry) profile picture

فساد الجماعة لا يبرر فساد الفرد وفساد الفرد لا يسيء للجماعة ... محمد بكري

Egypt
Joined February 2011
Photo by Muhammed Bakry (@mubakry)Photo by Muhammed Bakry (@mubakry)Photo by Muhammed Bakry (@mubakry)Photo by Muhammed Bakry (@mubakry)Photo by Muhammed Bakry (@mubakry)
للأسف مبقاش فيه حد بيبص للتفاصيل دي
صحيح جدا... بس للأسف مبقاش فيه حد بيبص للتفاصيل دي ...
6
سر المعادلة في كل العظمة دي كان دايمًا الإنسان المصري نفسه. وعظمة المصريين عمرها ما وقفت عند الحضارة القديمة. وعشان كل ده هم مش هيسيبونا في حالنا ولا يسيبونا نشم نفسنا، لأن لو ده اللي ولادها بيعملوه وسط كل الصعوبات والتحديات دي، أمال لو الظروف متظبطه شوية هيعملوا ايه؟ ✨💛🇪🇬
🔴المصريين فعلا لو اتسابوا في حالهم، هيغزوا العالم.☺️🇪🇬 شوفوا ولاد مصر عملوا إيه في ٢٠٢٦: 👈كرة القدم: منتخب الناشئين دخل كأس الخليج لأول مرة بدعوة، كسب الست ماتشات، وخد الكأس بعد ما فاز على الإمارات ٣–١ في النهائي. 👈تنس الطاولة: مصر خدت بطولة أفريقيا للفرق رجالة وستات، وهنا جودة ويوسف عبد العزيز خدوا دهب الفردي. 👈الووشو كونغ فو: سندس سنبل خدت الدهب في أول ظهور للعبة في أولمبياد الشباب بداكار. الووشو لعبة صينية قديمة، وكان طبيعي إن أول حد يكسبها اما تدخل الأوليمبياد يبقي حد صيني بس اللي عملتها كانت بنت مصر. 👈السباحة: زين هشام خد دهبيتين في الـ٥٠ والـ١٠٠ متر فراشة في أولمبياد الشباب بداكار. 👈الجودو: عبد الله عبد الله خد دهب الجائزة الكبرى للشباب في طاجيكستان، في وزن فوق ١٠٠ كيلو. 👈رفع الأثقال: عبد الرحمن يونس خد دهب بطولة العالم في وزن ٨٥ كيلو، وكسر الرقم العالمي بمجموع ٣٩٠ كيلو. 👈الإسكواش: أمينة عرفي ومصطفى عسل خدوا لقبي بطولة العالم في نهائيين مصريين بالكامل، وأمينة بقت أصغر بطلة عالم في تاريخ فردي السيدات وهي عندها ١٨ سنة. 👈القراءة: ميار عثمان كسبت تحدي القراءة العربي في دورة شارك في تصفياتها أكتر من ٤٠ مليون طالب وطالبة من ٦٠ دولة. 👈الروبوتات : سجى محمد شعبان جابت المركز الأول عالميًا في الصين بمشروع «الدكتور الذكي». 👈تلاوة القرآن: الشيخ بلال سيف كسب جائزة الجمهور في مسابقة موسكو الدولية للقرآن الكريم. 👈اكتشاف الأدوية: الدكتور ماجد أبو غربية اتكرّم في فيلادلفيا بجائزة «جون سكوت» لعام ٢٠٢٦، واحدة من أقدم الجوائز العلمية في أمريكا. عنده أكتر من ١٤٥ براءة اختراع أمريكية، وشارك في تطوير حوالي ١٢ دواء، منها أدوية للاكتئاب والسرطان وتخفيف الألم. ✨دي مجرد أمثلة من سنة واحدة في مجالات محدودة، فيه مجالات كاملة ما اتكلمناش عنها. لو هنذكر كل مصري رفع اسم بلده السنة دي بس، بوست واحد مش هيكفّي. المصريين قبل الاحتلالات، لما كانوا متسابين في حالهم، بنوا أعظم حضارة في تاريخ الإنسانية، وعملوا معجزات في العلوم والطب والهندسة والعمارة. عظمة مصر قامت على علم أهلها وشغل إيديهم، وقوتها كانت في عدم دمويتها أو طموحات توسعية علي حساب شعوب تانية، كل الحملات العسكرية بره الحدود كانت لحماية مصالح مصر من الأعتداءات الخارجية وتأمين حدودها وليس لزيادة رقعتها لان المصري القديم كان شايف ان مصر هي جنة الله في الأرض وهي الجائزة الكبري. وسر المعادلة في كل العظمة دي كان دايمًا الإنسان المصري نفسه. وعظمة المصريين عمرها ما وقفت عند الحضارة القديمة، فعلي الرغم إن مصر عدّت عليها احتلالات نهبت ثرواتها وعطّلت تقدّمها قرون، ولسه بتواجه ضغوط ومؤامرات ومحاولات لتعطيلها كل ما تبدأ تقف على رجليها، إلا إن مصر لسه عطّاءة، وكل جيل من ولادها بيكتب صفحة جديدة في تاريخها بإنجازاته. وعشان كل ده هم مش هيسيبونا في حالنا ولا يسيبونا نشم نفسنا، لأن لو ده اللي ولادها بيعملوه وسط كل الصعوبات والتحديات دي، أمال لو الظروف متظبطه شوية هيعملوا ايه؟ ✨💛🇪🇬 #منة_متولي #مصر #المصريين #الهوية_المصرية
17
أكثر ما يعجبني في تجربة صلاح الملهمة هو أنه كان يمكنه أن يجد الكثير من الشماعات لتبرير الفشل، لكنه بحث عن أسباب النجاح.
سبحان الله حقك بيرجعلك بعد سنين ونفس العالم والصحافه اللى كانو بيقولو وبيخترعو أسباب عدم فوزك بالكرة الذهبية هما هما نفس العالم اللى بيتكلمو عن المؤمرة اللى حصلت معاك من بعد إعلان فوز هارى كين بالجائزة والصحف الأوروبية مابتتكلمش غير عن صلاح و المؤامرة اللي حصلت عليه في 2025 عشان مايكسبش جايزة الكرة الذهبية ! فوز هاري كين بالجايزة أثبت إن اللي حصل مع صلاح من سنتين في حفل الكرة الذهبية كانت بسبب إنه عربي والشركات الراعية السبب من بعد فوز هاري كين بالجائزة الكرة ومفاجأة الكل لإنه لاعب لم يفز بكأس عالم مع منتخب إنجلترا و لا فاز بدوري أبطال أوروبا مع بايرن ميونيخ و بالتالي ده خلى الصحفيين الموجودين في حفل الكرة الذهبية يسألوا هو هاري كين فاز بالجايزة دي بناءاً على إيه ارقام فرديه صلاح كان أقوى وقتها واتقال مكسبش بطولة قوية مع فريقه.. المسئولين عن حفل الكرة الذهبية أكدوا إن السبب الرئيسي في كين بالجائزة هو إنه سجل 73 هدف في الموسم مع بايرن ميونيخ و منتخب إنجلترا و إنه كان أكتر لاعب مسجل أهداف في أوروبا و بالتالي فهو كان يستحق الجايزة بعد كل اللي عمله ده ! الكلام ده خلى معظم الصحف الأوروبية النهارده تسأل طب ليه صلاح لم يفز بالكرة الذهبية في 2025 بالرغم من إنه في موسم 2024-2025 سجل 29 هدف و كان هداف الدوري الإنجليزي و صنع 18 هدف يعني ساهم في 47 هدف و كان أكتر لاعب سجل أهداف في أوروبا و فاز مع ليفربول بالدوري الإنجليزي كمان... صلاح في الموسم ده حقق نفس الإنجازات اللي حققها هاري كين في الموسم الحالي و مع ذلك صلاح كان في المركز الرابع في ترتيب اللاعبين في حفل الكرة الذهبية ساعتها إنت متخيل مع لو قارنت المنافسه فى الدورى الانجليزى هتلاقيها قد المنافسة فى الدورى الألمانى 10 مرات ولما هارى كين كان مع صلاح كان بيخليه بحتفل بعيد ميلاده وبس... معظم الصحف الأوروبية أكدت إن صلاح كان يستحق الفوز بالكرة الذهبية 2025 و إن لو كان لاعب في منتخب أوربي او الأرجنتيني أو البرازيلي حقق نفس إنجازاته في الموسم ده كان فاز بالجايزة دي ساعتها لكن لما المسئولين في حفل الكرة الذهبية لقوا إن لاعب من منتخب مصر ممكن يفوز بالجائزة لأول مرة في التاريخ قرروا يخلوه في المركز الرابع في ترتيب اللاعبين و قرروا إن عثمان ديمبلي هو اللي هيفوز بالجائزة.. علشان بعد سنتين حقك يرجعلك وقدام العالم كله اللى كان بيخلق مبررات بعدم فوزك بيها 👏🇪🇬👌
10
يا ريت نقرأ الـ thread كامل
#الدكتور_الغنام_كبس_النائب_عبدالمنعم_كبسة_الزير قلعه بلبوصه وكشف جهله أمام المصريين عاجبني جدًا كلام الدكتور بهاء الغنام،رئيس جهاز مستقبل مصر، في منتدى مصر؛ لأنه ناقش ملف الزراعة بالأرقام، وشرح حجم التحدي بعيدًا عن شعارات:«عايزين الأرض تبقى خضرا»و«ازرعوا كام مليون فدان وخلاص»👇
1
1
42
وَمَنْ يَتَّقِ اللَّهُ يَجْعَلْ لَهُ مَخْرَجًا وَيَزِزُقْهُ مِنْ حَيْثُ لَا يَحْتَسِبُ
⛔️ طبعآ كلنا شوفنا اليومين الي فاتوا المهزلة والفضيحة بتاعت البنتين البرازيلين او الولدين الي عاملين بنات وهما بيفعلوا افعال فاضحة ومنافية للأداب والدين والي للأسف كانت مع "بعض" الشباب والرجاله المصرية في الشوارع والمواصلات.. وطبعآ حاجه رخيصة زي كدا لقت انتشار واسع جدآ.. والي للإسف برضو ساعد فيه المصريين نفسهم وميعرفوش أنهم بالي بيعملوه ده بيسيئوا لبلدنا ودينا وصورتنا قدام العالم كله.. طيب أنت أو أنتي قبل ما تتكلموا عن فضيحه مشينة زي دي.. عرفتوا هما حاولوا مع كام شاب أو راجل قبل دول وتم صدهم و رفض هذا الفعل الحيواني قلبًا وقالبًا وان دي مجرد افعال فرديه شا ذة متمثلش مجتمع كامل! وده دليل.. واللي كان في فيديو علي صفحة البرازيلين نفسهم.. قبل ما أجهزة الداخلية تقبض عليهم وتتقفل.. لشاب من الي بتكلم عنهم وطبعآ لم يلقي اي انتباه او أنتشار يطلعه تريند.. عشان هو شئ ايجابي ومألوف.. والي حصل لما السائحتين كانوا نازلين في مكان زي فندق أو قرية وقاعدين بيسجلوا فلوج ع الانستجرام وبيهزروا هزارهم المايع ده.. وشافوا موظف شغال ويتر فالمكان، شاب مصري وسيم ،أسمراني، عريض المنكبين وعمره حوالي 25 سنة فا ندهوا عليه وهو راحلهم فاكر أنهم عاوزين طلب.. ● بس أول ما راح لهم.. السائحه البرازيلية الي عامله فيها بنت قالتله: ايه رأيك في صاحبتي؟ - الشاب في الأنجليش شكله مش قوي.. فا مردش! ● فا قالتله بوقاحة: مالك؟ شكلك عاوز تنام معاها؟ - الشاب مستنكرًا للي سمعه: نعم!!! ● كررت كلامها: هي معجبه بيك.. ايه رأيك تنام معاها دلوقتي؟ -فالشاب بعد أستيعاب الي بيحصل وفي أقل جزء من الثانية: (( لا طبعآ.. أنا مسلم!♥️ )) فالبجحين دول أتصدموا وصعقوا أنها أترفضت فحين أنهم شايفين الرجاله مقطعين نفسهم عليهم إزاي!! وقالتلها ازاي يرفضك!! ده بيقول أنه مسلم وان الفعل دا حرام وممنوع في دينه وعلوا صوتهم عليه ويقولوله Hey! Hey!.. والشاب بدون ولا حرف ولا كلمة زيادة.. مشي وسابهم من غير حتي ما يبص وراه وهما بينبحوا زي الكـ ـلاب! - وَمَنْ يَتَّقِ اللَّهُ يَجْعَلْ لَهُ مَخْرَجًا وَيَزِزُقْهُ مِنْ حَيْثُ لَا يَحْتَسِبُ - تحياتي للشاب الجميل ده الي بيمثل فعلا الشاب المصري الحقيقي اللي بيتقي الله في أقواله قبل أفعاله.. هو مصري زي الباقي بس الي زيه عمر مالسوشيال ميديا هتتكلم عنه منقول Karim Ahmed ✍️🏻 صفحة بداية
9
أبطال عاشوا في الظل… عشان مصر تفضل في النور 🇪🇬 لما القذافي افتكر إن مصر ممكن تسكت… للشباب واللي مايفتكروش ليه السادات دخل ليبيا بقوات عسكرية سنة ١٩٧٧… لازم يعرفوا الأول القذافي كان بيعمل إيه في مصر والمصريين وقتها. القذافي كان بيضغط على مصر بكل الطرق… استفزازات.. عمليات إرهابية ومحاولات لقلب نظام الحكم.. لحد ما قبض على مجموعة ضباط مصريين كانوا بيدربوا وحدات في ليبيا. والسادات رغم كل ده كان لسه بيضبط النفس ومش عايز يفتح جبهة جديدة... الحكاية اللي هحكيها دي مجرد واقعة من سلسلة طويلة من الاستفزازات… لكنها كانت واحدة من القشات الأخيرة. تم إرسال بطل مصري والتحق بالسفارة بهدف تهريب الضباط… وعرف يتفق مع مأمور السجن، ونجح فعلا يخرجهم بهدوء. لكن للأسف… بعدها بيوم حصل تفتيش مفاجئ للسجن، أو يمكن حد بلغ… الله أعلم. اتقبض على المأمور واعترف… واتقبض على البطل المصري. تم تعذيبه… وقبضوا على زوجته وأولاده وعذبوهم كمان… وفي الآخر أعدموه قدام أسرته... وأجبروهم يشوفوا الإعدام. مع استمرار استفزازات القذافي وتراكمها… السادات في النهاية قال.... كفاية. وفي يوليو ١٩٧٧ تحركت القوات المصرية ودخلت الأراضي الليبية... في مواجهة عسكرية سريعة انتهت بوقف إطلاق النار بعد أربعة أيام. أنا اتشرفت إني أعرف ابن البطل ده شخصيا… كان زميلي في الأكاديمية البحرية أوائل الثمانينات... وكنا إحنا الاتنين الوحيدين في الدفعة أولاد شهداء. الأكاديمية وسكن الطلبة وقتها كانوا في ميامي.. وكل دفعة ساكنة في عمارة ومجموعة طلبة في كل شقة… وأنا وهو كنا في نفس الشقة.. فاكر في عز الشتا… كل ما يدخل يستحمى كان يطلب مني أطلع أنبوبة البوتاجاز من الحمام... وهو نفسه مرعوب يقرب منها. عملت كده يوم واتنين… وبقيت مستغرب: هو مرعوب من الأنبوبة كده ليه؟ لحد ما حكالي…كل الحكاية.. وان: أنبوبة البوتاجاز كانت من أدوات تعذيبهم… كانوا بيعرضوهم للغاز عشان يحسسوهم إنهم بيموتوا. ساعتها فهمت إن في خوف مهما عدي علية الوقت… عمره ما بيطلع من صاحبه. فاكر اسمه الرباعي لغايه النهاردة...رغم إني أصلا صعب أفتكر أسماء: أ. ع. أ. ف. ابن الإسكندرية… وابن بطل دفع حياته عشان مصر. تعيش يا صاحبي… بعض الزمالة عمرها ما بتخلص. دي حكاية أبطال كتير … أبطال مالهمش صور ومحدش يعرف أسماءهم… اسمهم يمكن موجود على حائط مايدخلهوش غير قليلين… لكن أثرهم موجود في وطن كامل. وتعيش يا صاحبي… أينما كنت... اسمك ماكتبتهوش.. لكن حكايتك عمرها ما اتنسيت. 🇪🇬
12
82
3
365
12,142
ألا لعنة الله على الظالمين
لو مش مصدق موضوع السباك اللي أنقذ الطائرة ... عندك حق ماهو الخبر معمول علشان متصدقهوش أصلاً. ساعات احسن قصة إعلامية مش هي القصة اللي الناس كلها تصدقها… لكن القصة اللي الناس تتخانق عليها. واحد يقول مستحيل، والتاني يقول معجزة، والثالث يبدأ يشرح لك هل ممكن واحد اتفرج على Air Disasters يمسك طيارة ولا لأ. وفي النهاية الجميع يتحدث عن السباك والطائرة. سواء القصة اتصنعت بالشكل ده عمدًا أو الأحداث الحقيقية اتوظفت بعد وقوعها، النتيجة الإعلامية واحدة تقريبًا، بدل ما تناقش الحدث، بقيت بتناقش الرواية. انا مش جاي اتناقش معاك هل الحادثة حقيقية ولا لأ لان المصادر كلها بتقول كحادثة حصلت طبعا، وانا لا خبير طيران ولا سباكه علشان ادخل في التفاصيل ده، لكن انا عايزك تاخد بالك من التوقيت لان استخدام الموضوع ده بالشكل الي حصل نجح انه خلال ساعات يخطف انتباه العالم كله في وقت كان أصلا بيتم اعداده علشان انتباه العالم يروح في حته تانيه. ايه الحته التانيه الي انا اقصدها؟؟ غزة ودعت رفات 105 فلسطينيين استخرجوا من تحت أنقاض منطقة التاج بعد 17 يومًا من البحث. وبحسب تقرير الجزيرة، بينهم 47 طفلًا و32 امرأة. الصور كانت قاسية جدا، عشرات الأكفان مصطفة، عائلات مستنية بعد ثلاث سنين أنها تدفن أولادها. لكن المهم هنا إن مشهد الـ105 ما حصلش بدون ترتيب فاجأة بعد حادثة الطائرة. موعد الوداع والتشييع كان معلن بالفعل من يوم 28 سبتمبر، وداع مساء 30 سبتمبر، وتشييع جماعي صباح 1 أكتوبر. يعني كان معروف أن خلال 48 ساعة هيبقى فيه مشهد إعلامي ضخم لعشرات الأكفان الفلسطينية. ودي مش صورة مريحة للكيان في لحظة أصبحت فيها صورتها الدولية أصلًا في وضع صعب، استطلاع Pew في 36 دولة خلال 2026 نتيجته صادمة للبعدا 67% كانت نظرتهم سلبية للكيان مقابل 25% إيجابية الكلام ده ماكانش بيحصل بالشكل ده زمان، ده غير انخفاض الثقة في نتنياهو في عدد من الدول مقارنة بالعام السابق. يعني معركتهم النهارده مش عسكرية فقط... فيه معركة رواية وصورة وشرعية أمام الرأي العام العالمي. فالموضوع مش ناقص تركيز اعلامي في العالم على اكتر من 100 شهيد بيندفنوا مع بعض في مشهد مهيب. فنقلب الموضوع من صورة 47 طفلًا بين 105 جثامين فلسطينية، الى صورة إسرائيليين كانوا على وشك الموت، ولو الصورة مش جذابة قوي للاعلام .... خلاص ندخل عامل مثير للاهتمام وعدم التصديق وممكن سخرية كمان ونقول في سباك انقذ الموضوع. وبكده الكيان الضحية التي تواجه الإرهاب، والمواطن بتاعهم العادي هو البطل الذي ينقذ الأرواح ... من الاخر انا مش عايزك تصدق قصتي ... انا عايزك تفضل تتكلم عليها وماتخدش بالك من الي انا بعمله الناحيه التانيه.
5
بطل الفيديو اسمه الحاج سيد أمين من مركز المراغة في سوهاج.. شاف بنت مريضه عقليا عاريا ما كان منه إلا أنه خلع جلبابه وسترها ❤️❤️ سترك الله دنيا واخره
952
815
68
8,485
606,388
فى بلوجر سوداني شهير اسمه "على جوكى" طلع فى فيديو فضح المخطط القذر لدعاة الفتنة بين مصر والسودان من انصار حميرتى والدعم السريع وعلى رأسهم سياسي يدعى خالد سلكه وقال: - أنتم منافقون تتاجرون بالشعب السوداني.. الأوامر جاءت لكم الآن للنفخ فى طبول الفتنة بين الشعب المصري والسوداني حتى تنفردوا بالسودان وحدها وتتاح لكم الفرصة لإبادة الجيش السوداني بعد ما سيطر على أرض السودان وهزمكم ولكن لن نحقق لكم مرادكم. - مافى زول دكر فيكم قدر يخرج بيان إدانة واحد ضد أبي أحمد أو إثيوبيا اللى بترسل على دماغنا المسيرات والأسلحة يوميا لقتل وتدمير الشعب السوداني، ومافى زول فيكم قدر يخرج بيان واحد ضد اى دولة بتمول عمليات تصفية الشعب السوداني. - وقال: الجنجويد اللى طالعين يتكلمو عن ال٧٠ شاب الدهابة الآن هما نفسهم حسب بيان الأمم المتحدة قتلوا اكثر من 9 الاف سوداني فى أول 3 ايام من الحرب فقط وحتى الآن وصل عدد ضحاياهم من السودانيين لأكثر من 100 الف شهيد ومافى زول فيكم خرج بيان إدانة واحد ضد الدول التى مولت عمليات تصفية السودانيين او بتمول الدعم السريع. - مافي دولة وقفت معنا فى الحرب مثلما وقفت مصر وشعبها وإعلامها وإلى الآن لم يتركونا.. السودان تحتاج إلى مصر ومصر تحتاج إلى السودان ومصالحنا واحده.. وكيف تلونونى على دولة بحجم مصر تدافع عن حدودها ومقدرات شعبها وتصطادون فى الماء العكر وتنفذون أجندات دول أخرى. - أما انتم حطيتوا ايديكم فى ايدين كل الدول التى قتلت الشعب السوداني ومازلتم وهسه جايين تقنعوني ان قلوبكم على الدهابة وتريدون التحريض على مصر ؟! الأوامر جاءت لكم للتحريض بين مصر والسودان الآن - ولكن ابشركم والله لو انفقتم مليارات المليارات على صفحاتكم واعلامكم الممول لم ولن تحدث الفتنة بين مصر والسودان ولن نحقق لكم مرادكم ونحن نعلم جيدا حجم التحديات والمخططات التى تحاك ضد مصر والسودان الآن ونعلم ايضا انكم أحد أداوت هذه المخططات التي يدبرها العدو لتدمير المنطقة. حفظ الله مصر 🇪🇬
17
116
5
515
24,512
القوة مش إنك تدور على الحرب… القوة إنك تبقى قادر عليها ومش محتاجها
القوة مش في الحرب… القوة إنك متحتاجهاش مفتكرش إني قبل كده علقت على كلام للرئيس السيسي... لا بالنقد ولا بالشكر… لأني دايما بافترض إن رئيس الجمهورية عارف تماما وزن كل كلمة بيقولها. لكن التصريح ده بالذات وقفت عنده… لأهميته... ولأن ناس كتير فهمته إنه مجرد: إحنا مش عايزين نحارب… لكن في رأيي الرد أقوى بكتير... لأنه مش بس محسوب في كلماته... ده كمان محسوب على عقلية وشخصية الطرف اللي بيسمعه.... نفسيا: لما قال... مين قالك إننا عايزين نحارب؟ رفض أصلا يدخل في إطار إن مصر خايفة على سيناء... ورمى الهواجس عند الطرف التاني. منطقيا: أرضنا رجعت كاملة بعد حرب... وفي معاهدة سلام... ومفيش عندنا أرض بندور نستردها ولا أجندة توسع… هنحارب ليه؟ عسكريا: الكلام اتقال قدام القوات المسلحة وفي ذكرى نصر أكتوبر ١٩٧٣.... يعني مش محتاج يهدد… التاريخ والقدرة قاعدين في القاعة ومش محتاجين تهديد. يعني: ده مش كلام دولة خايفة من الحرب… ده كلام دولة مش محتاجة حرب علشان تثبت قوتها. أما اللي عاوز يسمع تهديد وصوت عالي علشان يحس بالقوة… فده فاهم الحرب غلط. القوة مش إنك تدور على الحرب… القوة إنك تبقى قادر عليها ومش محتاجها.
13
سوف يجئ يوم نجلس فيه لا نتفاخر أو نتباهى، وإنما لـ نقص ونروي ماذا فعل كل منا في موقعه وكيف حمل أمانته وأدى دوره.. وكيف استطاع الأبطال من هذا الشعب أن يحملوا مشاعل النور ليضيئوا الطريق أمام الأجيال القادمة وليعبروا بأمتهم الجسر ما بين اليأس والرجاء…❤️ #ذكري_اكتوبر_المجيده💙
خطاب السادات عدى عليه حوالي ٤٧ سنة... والوضع العربي لحد دلوقتي شبهه تقريبا اللي قاله بالخطاب.... اهم ما قاله إن مصر هي اللي دفعت أغلى ثمن دم وثروات على مدار عقود... بينما الباقيين كانوا بيرفضوا الواقعية. النتيجة بعد كل السنين دي؟ حروب أهلية وانهيارات في أكتر من دولة.... واستمرار المشاكل نفسها... ودول كتير بدأت تتجه للواقعية السادات كان بيتكلم عن المستقبل بوضوح.... والزمن أثبت إن كلامه كان أقرب للواقع من كلام كتير من اللي انتقدوه.
31
وربنا يرزق كل إنسان تعبان، ويكفي كل بيت شر الحاجة والهم.
زمان في كليه الطب ، لما كنا بندرس Ischemic Heart Disease أو قصور الشرايين وعوامل الخطورة لمرض الشرايين التاجية، كان الـ Stress دايمًا من الحاجات المهمة اللي الأساتذة بيشرحوهالنا. وكنت فاكر لحد دلوقتي مثال كان بيتقال لنا كتير: “رجل الأعمال اللي عنده ضغط وسترس كبير في شغله هو اللي معرض أكتر للجلطات… لكن العامل البسيط، اللي شغله عادي، مش بيكون عنده نفس القدر من الـ Stress.” لكن مؤخرًا اكتتشفت إن الواقع ممكن يكون مختلف تمامًا… بقيت تقريبًا كل أسبوع فى القسطرة أشوف عامل بسيط جاي بذبحة أو جلطة في القلب ومسدود عنده شريانين تلاته . ولما تسأله عن حياته، تكتشف إن المشكلة مش بس في طبيعة شغله… المشكلة في إيجار البيت. في مصاريف الأولاد. في الديون. في خوفه من بكرة. في إنه لو مرض يوم… ممكن بيته كله يتأثر. إحنا أحيانًا بنبص للـ Stress من زاوية واحدة: ضغط الشغل والمسؤوليات الكبيرة. لكن فيه نوع تاني من الـ Stress يمكن يكون أقسى بكتير… وعشان كده، يمكن يكون محتاجين إحنا كأطباء، وكمان في مناهج كلية الطب، نبص للموضوع من زاوية أوسع. يا ريت وإحنا بنشرح للطلبة عوامل الخطورة للـ Ischemic Heart Disease، ما نكتفيش بالقول إن الـ Stress عامل من عوامل الخطورة… لكن نشرح لهم إن الفقر نفسه ممكن يكون مصدرًا مستمرًا للضغط النفسي والحرمان وعدم الأمان، وإن الظروف الاجتماعية والاقتصادية للمريض جزء مهم من الصورة اللي لازم نفهمها وإحنا بنعالج قلبه. وياريت نغير مثال رجل الأعمال وربنا يرزق كل إنسان تعبان، ويكفي كل بيت شر الحاجة والهم. Cpd
6
* محدش عرف ياخد مننا شبر ارض * و لا حد هيعرف ياخد مننا شبر ارض * نحن قوم نستلذ الموت في سبيل الارض * وكل 6 اكتوبر ومصر في عيد 🇪🇬🇪🇬
هصدمك بحاجة.. لو حد قالك إن في بني آدم شال 130 كيلو على ضهره وطلع يجري بيهم على حيطة رملية ارتفاعها 20 متر بزاوية 80 درجة.. هتقوله انت شارب ايه؟ 😅 ده مش مشهد من فيلم MARVEL.. دي حقيقة حصلت في عز الضهر في رمضان! 🔥 تخيل المشهد ده كويس.. 👇 جندي مصري صايم، بقاله ساعات بيحارب.. فجأة يشوف زمايله هيموتوا، دبابات العدو داخلة عليهم وهتفرمهم. يعمل ايه؟ كان قدامه مدفع مضاد للدبابات.. مدفع وزنه 80 كيلو لوحده ومصمم ان 3 رجالة يشيلوه مع بعض! غير الذخيرة والسلاح الشخصي.. يعني بنتكلم في أكتر من 130 كيلو! 💣 البطل ده معملش حسابات.. شال الجبل ده على كتفه وطلع يجري بيه على ساتر خط بارليف الرملي! عارف يعني ايه ساتر بارليف؟ جبل رمل ناعم ارتفاعه 7 أدوار، مفيش بني آدم يقدر يقف عليه برجليه فاضية، ما بالك وهو شايل بيت كامل على ضهره! جري وطلع وضرب الدبابة الأولى وولعها.. والتانية.. والتالتة! وأنقذ الكتيبة كلها لوحده. 🇪🇬 لحد هنا دي بطولة خارقة.. بس المعجزة الحقيقية لسه.. 👇 بعد الحرب، القيادة مكنتش مصدقة اللي اتكتب في التقرير. جابوا البطل ده وقالوله "اعمل اللي عملته تاني". جابوه وهو فاطر، واكل وشارب ونايم كويس، على أرض مستوية وناشفة.. وقالوله شيل المدفع. عارف حصل ايه؟ 😳 الراجل معرفش يحركه من مكانه سنتي واحد! حاول بكل قوته.. مقدرش حتى يرفعه من على الأرض لوحده! كل القادة اللي واقفين اتسمر مكانهم.. سكوت تام! ساعتها بس فهموا.. اللي شال المدفع يوم 6 أكتوبر مكنتش عضلاته.. ده كان ربنا! 🙏 كان مدد إلهي نزل على قلب راجل خايف على أخوه وعلى بلده.. ودي معجزة أكتوبر اللي عمر ما العلم هيفسرها. والمفاجأة اللي هتصدمك أكتر.. كلنا بنشوف صورته ونكتب "الله يرحم الشهيد البطل".. البطل ده مش شهيد يا جماعة! ❤️ البطل الحاج سيد أبو القمصان لسه عايش وسطنا لحد النهاردة في الدقهلية، بيصلي في الجامع ويمشي في السوق بين أهله.. كأنه جبل من تاريخنا ماشي على رجلين! الراجل ده وثيقة حية إننا ولاد ناس يهدوا جبال بإيمانهم. سلام على أبطالنا الأحياء منهم والأموات.. أنتم الفخر اللي بجد. 🫡 لو القصة دي لمست قلبك متخليهاش تقف عندك. اعمل شير عشان مصر كلها تعرف إن عم سيد لسه عايش وندعيله بطولة العمر والصحة. #سيد_ابو_القمصان #ابطال_اكتوبر #حرب_اكتوبر_1973 #معجزة_اكتوبر #الجيش_المصري #تحيا_مصر #قصص_حقيقية #تاريخ_مصر #6_اكتوبر #بطل_من_بلدي #افتخر_بجيشك
18
* محدش عرف ياخد مننا شبر ارض * و لا حد هيعرف ياخد مننا شبر ارض * نحن قوم نستلذ الموت في سبيل الارض * وكل 6 اكتوبر ومصر في عيد 🇪🇬🇪🇬 youtu.be/IFT5p2_AIWM?si=NQjF…
36
سوف يجئ يوم نجلس فيه لا نتفاخر أو نتباهى، وإنما لـ نقص ونروي ماذا فعل كل منا في موقعه وكيف حمل أمانته وأدى دوره.. وكيف استطاع الأبطال من هذا الشعب أن يحملوا مشاعل النور ليضيئوا الطريق أمام الأجيال القادمة وليعبروا بأمتهم الجسر ما بين اليأس والرجاء…❤️ #ذكري_اكتوبر_المجيده💙
في حرب أكتوبر، لم يكن العبور مجرد شجاعة عسكرية… بل كان مسألة هندسية ضخمة. الساتر الترابي كان يحتاج إلى إزالة نحو 1,500 م³ من الرمال لكل فتحة. وباستخدام مضخات المياه، استطاع المهندسون إزالة هذه الكمية في نحو ساعتين. وبحساب بسيط: 60 فتحة × 1,500 م³ = 90,000 م³ من الرمال تم تجريفها لفتح ممرات لعبور القوات والمعدات. ثم جاءت المرحلة الأصعب: إقامة الكباري والمعديات لنقل الدبابات والمعدات الثقيلة. هنا تظهر قيمة الهندسة العسكرية: تحويل مشكلة تبدو شبه مستحيلة إلى أرقام، أحمال، معدلات ضخ، أزمنة تنفيذ، ومسارات عبور… ثم تنفيذها تحت نيران العدو. أكتوبر 1973 كان درساً في أن الهندسة قد تصنع الطريق إلى النصر قبل أن تعبر أول دبابة.
30
الحقيقة إن نصر أكتوبر لم يكن نصر فرد... كان نصر دولة قاتلت... ثم فاوضت...ثم استعادت أرضها كاملة. الاهم... بعد كل الجدل والخلافات... الحقيقة الوحيدة الثابتة إن مصر هي اللي انتصرت في جرب أكتوبر ١٩٧٣ 🇪🇬
أتمنى الأيام الجاية على تويتر نبطل نحول كل الكلام عن حرب أكتوبر ١٩٧٣... لخناقة بين السادات والشاذلي ومين أخد القرار ومين عمل اية.... حرب ١٩٧٣ أكبر من أي شخص وأكبر من أي خلاف. كانت إعجاز مصري حقيقي... شاركت فيه دولة كاملة... للأسف... فيه فصيل واضح مش مهتم بالتاريخ بقدر ما هو مهتم بتصفية حسابات سياسية قديمة... اختاروا الشاذلي رمز لمعسكرهم... فبقى الهدف إثبات إنه صاحب كل الصواب... حتى لو انتهى الأمر باختزال حرب كاملة وإنجاز دولة كاملة في شخص واحد... الحقيقة إن نصر أكتوبر لم يكن نصر فرد... كان نصر دولة قاتلت... ثم فاوضت...ثم استعادت أرضها كاملة. تحويل ذكرى النصر كل سنة لخناقة بين شخصين مش بس ظلم لجيل كامل صنع المستحيل... ده كمان بيلخبط أجيال جديدة بمعلومات ناقصة وروايات انتقائية... لحد ما تبقى المعركة أهم من النصر نفسه. الاهم... بعد كل الجدل والخلافات... الحقيقة الوحيدة الثابتة إن مصر هي اللي انتصرت في جرب أكتوبر ١٩٧٣ 🇪🇬
9
أكثر ما يعجبني في تجربة صلاح الملهمة هو أنه كان يمكنه أن يجد الكثير من الشماعات لتبرير الفشل، لكنه بحث عن أسباب النجاح.
النجم المصري محمد صلاح يسحق غلطة سراي التركي بهاتريك تاريخي مع طرابزون سبور.. ماذا قال الأتراك عنه؟ #شبكات
9
السادات انتصر عليهم بالتاريخ. انتصر عندما عادت سيناء. انتصر عندما توقفت الحرب. وانتصر عندما سار كثيرون بعد ذلك في نفس الطريق الذي اتهموه بالخيانة لأنه اختاره قبلهم. رحل السادات سنة 1981. لكن رؤيته ما زالت حتى اليوم موضوعًا للنقاش. share.google/pqmiZYoEsnguF9H…
21
لأن الأم هي الوحيدة التي تتحمل قرف بعض أبناءها وتغلبها العاطفة والحنية في كثير من المناسبات وخصوصا مع بعض أبناءها ممن لايستحق !!! نعم مصر أم الدنيا وسر من أسرارها وعينك على مصر ؟؟؟
عينك على مصر ؟؟؟ سبحان الله مصر يقولون أم الدنيا طبعا كثير من البشر يقولها لأنه سمعها ولايعرف لماذا قد قيلت وما المناسبة البعض يرى لأنها بلد عربي كبير المساحة والبعض يقولها لأنه يعتقد بأن جيشها قوي والبعض يقولها لأنه سمع بعدها من يشرب ماء النيل سيعود إليها مره أخرى أي يرجع لها ثاني !!!! أسمع عزيزي طالما كنت أحد عشاق المعمورة مصر أم الدنيا سأحدثك عن الأسباب لأنه لاتوجد دولة في العالم فيها كل السوابق التاريخية التي تبنى عليها القواعد كما في مصر ؟؟؟ لأنه لاتوجد دولة في التاريخ لديها هذا المخزون الفني والأدبي والثقافي والرياضي ؟؟ لأنه لاتوجد دولة على وجه الخليقة ذكرت في جميع الأديان كما مصر مصر فيها المسلم والمسيحي واليهودي مصر فيها الجبال والأنهار والبحار مصر فيها كل الفصول في السنة في يوم وليلة ؟؟؟ مصر تتقبل الكل الطيب والحبيب والغبي والأحمق والمريض و كذلك تحتوي الكل وتتحمل الكل ولديها صبر عجيب وعاطفة غريبة مصر سر من أسرار الكون مصر خزنة وخزينة و حجر لم يصل شخص إلى سره وأسراره !!!! مصر البلد الوحيد في العالم التي يخرج أعلامي أرعن يتحدث بأريحية وينتقد ثم يكمل في الساحل الشمالي على يخت يومه عادي تحصل وممكن !!!! هذه مصر عجائب الدنيا واحده من أسرارها طلاسمها مصر عليه نعم أم الدنيا لأن الأم هي الوحيدة التي تتحمل قرف بعض أبناءها وتغلبها العاطفة والحنية في كثير من المناسبات وخصوصا مع بعض أبناءها ممن لايستحق !!! نعم مصر أم الدنيا وسر من أسرارها وعينك على مصر ؟؟؟
29
Muhammed Bakry retweeted
الشاورمة أصلها مصري ببساطة لإن الأكل أصله مصري😉 الشاورمة المصرية موثقة من القرن ال19 في كتاب الطهي المصري "نصيحة الانام ف حسن الطعام" اللي نُشر أول مرة سنة 1893 في مصر (المطبعة العمومية). كان مؤلفه طباخ قصر الخديوي إسماعيل، وأطلق عليه لقب "فيلسوف الطعام" ونشر الوصفات بعد تقاعده. وكانت بتتعمل من الفراخ الرومي كمان مش بس اللحمة. يعنى حتى اللي سوقوا لنجاحهم فيه فضلة خير المصري!
12
101
3
360
5,117