ముచ్చట్లు | Stories • Voices • Views

🚨 పవన్ కల్యాణ్ – అన్నా కొణిదెల విడాకులు.. పరస్పర అంగీకారంతో కీలక ప్రకటన 🔹 జనసేన అధినేత, ఏపీ డిప్యూటీ సీఎం పవన్ కల్యాణ్, ఆయన భార్య అన్నా కొణిదెల విడిపోతున్నట్లు ఉమ్మడి ప్రకటన విడుదల చేశారు. 🔹 తమ వైవాహిక బంధానికి ముగింపు పలకాలని పరస్పర అంగీకారంతో నిర్ణయం తీసుకున్నామని స్పష్టం చేశారు. 🔹 విడిపోయినప్పటికీ మంచి స్నేహితులుగా కొనసాగుతామని, పిల్లల తల్లిదండ్రులుగా తమ బాధ్యతలను కలిసి నిర్వర్తిస్తామని వెల్లడించారు. #PawanKalyan #AnnaKonidala #AndhraPradesh #Divorce

🚨 జిల్లా వైద్య ఆరోగ్యశాఖలో 260 పోస్టులు ఖాళీ.. ఇన్‌చార్జిల పాలనలో వైద్య సేవలు 🔹 మేడ్చల్ - మల్కాజ్‌గిరి జిల్లా వైద్య ఆరోగ్యశాఖలో మొత్తం 568 పోస్టులు మంజూరు కాగా, ప్రస్తుతం 308 మంది మాత్రమే విధుల్లో ఉన్నారు. మరో 260 పోస్టులు ఖాళీగా ఉన్నాయి. 🔹 పీహెచ్‌సీల్లో వైద్యులు మినహా ఇతర సిబ్బంది కొరత తీవ్రంగా ఉంది. ముఖ్యంగా మల్టీపర్పస్ హెల్త్ అసిస్టెంట్లు (పురుషులు) 74 పోస్టులకు 24 మంది మాత్రమే ఉండగా, 50 ఖాళీలు ఉన్నాయి. మహిళా విభాగంలో 125 పోస్టులకు 80 మంది విధుల్లో ఉండగా, 45 పోస్టులు ఖాళీగా ఉన్నాయి. 🔹 స్టాఫ్ నర్సుల 39 పోస్టులకు 25 మంది మాత్రమే పనిచేస్తున్నారు. ఫార్మసిస్ట్ గ్రేడ్‌-2 పోస్టులు 21కి 8 మంది, సివిల్ అసిస్టెంట్ సర్జన్ పోస్టులు 44కి 32 మంది మాత్రమే ఉన్నారు. రేడియోగ్రాఫర్ పోస్టులు 3, అసిస్టెంట్ పారామెడికల్ ఆఫీసర్ పోస్టులు 9, పారామెడికల్ ఆఫీసర్ పోస్టులు 6 పూర్తిగా ఖాళీగా ఉన్నాయి. 🔹 ప్రభుత్వ వైద్య కళాశాలలోనూ ఖాళీల ప్రభావం కనిపిస్తోంది. 139 అసిస్టెంట్ ప్రొఫెసర్ పోస్టులకు 49 మంది, 51 అసోసియేట్ ప్రొఫెసర్ పోస్టులకు 8 మంది, 41 ప్రొఫెసర్ పోస్టులకు 14 మంది మాత్రమే విధుల్లో ఉన్నారు. ఇక జిల్లా డీఎంఅండ్‌హెచ్‌వో పోస్టు ఏడాది కాలంగా ఖాళీగా ఉండటంతో ఇన్‌చార్జిలతోనే పాలన కొనసాగుతోంది. #TelanganaHealth #MedicalVacancies #GovernmentHospitals #Healthcare

పశ్చిమ బెంగాల్‌లో భక్తి జ్వాలలు...బామా కాళీ నిమజ్జన ఊరేగింపులో కాగడాలతో భక్తుల ప్రదర్శన #KaliPuja #WestBengal #BamaKali #Santipur

రేపటి నుంచి శ్రీశైలంలో కార్తిక మాసోత్సవాలు ప్రారంభం నెలరోజుల పాటు గర్భాలయ, సామూహిక అభిషేకాలు రద్దు చేసిన ఆలయ అధికారులు. శని, ఆది, సోమవారాల్లో స్వామివారి అలంకార దర్శనానికి ఏర్పాట్లు. మంగళవారం నుంచి శుక్రవారం వరకు భక్తులకు స్పర్శ దర్శనం కల్పించనున్నారు. #Srisailam #KarthikaMasam #TempleFestivals #Devotional

🏏 టెస్టు క్రికెట్‌లో జింబాబ్వే సంచలన రికార్డు 🔹 ఒకే టెస్టు మ్యాచ్‌లో రెండు ఇన్నింగ్స్‌ల్లోనూ 500కు పైగా పరుగులు చేసిన మొదటి జట్టుగా జింబాబ్వే నిలిచింది. 🔹 ఆఫ్ఘనిస్థాన్‌తో జరుగుతున్న టెస్టులో ఈ ఘనత సాధించింది. #Zimbabwe #AFGvZIM

యూత్ ఒలింపిక్స్‌లో శౌర్య అంబురే సత్తా 100 మీటర్ల హర్డిల్స్‌లో కాంస్యం

కొడంగల్‌కు రూ.9,053 కోట్ల అభివృద్ధి పనులు.. 13 ప్రాజెక్టులకు సీఎం @revanth_anumula శంకుస్థాపన 🔹 రూ.5,060 కోట్లతో రేడియల్ రోడ్–2 నిర్మాణం. 🔹 రూ.2,100 కోట్లతో MNKLIS రెండో దశ పనులు. 🔹 రూ.1,410 కోట్లతో 223 బీటీ రహదారుల పనులు. 🔹 రూ.118.80 కోట్లతో 10 తెలంగాణ పబ్లిక్ స్కూళ్లు. 🔹 రూ.123 కోట్లతో కొడంగల్‌లో వ్యవసాయ కళాశాల. 🔹 రూ.41.83 కోట్లతో 3 ఆధునిక బస్‌స్టాండ్లు. 🔹 రూ.20 కోట్లతో NAC స్కిల్ డెవలప్‌మెంట్ సెంటర్. 🔹 రూ.20 కోట్లతో సమీకృత డివిజనల్ కార్యాలయ సముదాయం. 🔹 రూ.59.30 కోట్లతో రహదారుల నిర్మాణం. 🔹 రూ.81 కోట్లతో ఎకోపామ్ పామాయిల్ ఫ్యాక్టరీ. 🔹 రూ.10 కోట్లతో లగచర్లలో పర్యాటక హోటల్. 🔹 రూ.5.10 కోట్లతో నిరంజన్ మఠం అభివృద్ధి. 🔹 రూ.4.45 కోట్లతో గురులోక మసంద్ ప్రభు మందిరం అభివృద్ధి. #RevanthReddy #Kodangal #Telangana #Development

🔥 సిలిండర్‌ తో నిప్పంటుకుంటే.. ఒక్క దుప్పటితో మంటలకు చెక్!! ▪️ గ్యాస్ సిలిండర్ సేఫ్టీపై సోషల్ మీడియాలో ఈ వీడియో వైరల్ అవుతోంది, అందులో ఓ బృందం సిలిండర్ మంటలను ఎలా ఆర్పాలో చేసి చూపించింది. #GasCylinder #SafetyTips

ప్రియురాలి ఇంట్లో యువకుడి ఆత్మహత్య....వనస్థలిపురంలో కలకలం 🔸 రంగారెడ్డి జిల్లా కొత్తపేటలోని గ్రీన్‌హిల్స్ కాలనీకి చెందిన కేతాల శివకుమార్ (25), ఈ నెల 8వ తేదీ రాత్రి 8.30 గంటలకు వనస్థలిపురంలోని శారదానగర్‌లో ఉన్న తన ప్రియురాలి ఇంటికి వెళ్లాడు. 🔸 అక్కడ శివకుమార్ న్యూసెన్స్ చేస్తుండటంతో ఇంటికి వెళ్లిపోవాలని యువతి పలుమార్లు సూచించినట్లు పోలీసుల విచారణలో వెల్లడైంది. 🔸 అయినప్పటికీ అతడు అక్కడి నుంచి వెళ్లకపోవడంతో, ఇంటికి పంపించేందుకు యువతి ఓలా క్యాబ్ యాప్ ద్వారా ఆటో బుక్ చేసింది. 🔸 ఆటో కోసం యువతి ఇంటి బయట వేచి ఉండగా.. శివకుమార్ బెడ్‌రూమ్‌లోకి వెళ్లి తలుపు వేసుకున్నాడు. 🔸 అనంతరం బెడ్‌రూమ్‌లోని ఫ్యాన్‌కు చీరతో ఉరివేసుకుని ఆత్మహత్యకు పాల్పడ్డాడు. ఈ విషయాన్ని గుర్తించిన యువతి పోలీసులకు సమాచారం అందించింది. 🔸 ఘటనా స్థలానికి చేరుకున్న వనస్థలిపురం పోలీసులు కేసు నమోదు చేశారు. యువకుడి ఆత్మహత్యకు దారితీసిన పరిస్థితులపై అన్ని కోణాల్లో దర్యాప్తు చేస్తున్నారు. #Vanasthalipuram #Hyderabad #SuicideCase #Rangareddy

సెలవుపై ఇంటికొచ్చిన ఆర్మీ జవాన్.. రోడ్డు ప్రమాదంలో దుర్మరణం యాదాద్రి భువనగిరి జిల్లా కొండాపూర్‌కు చెందిన పల్లపు మహేందర్ (26) ఐదేళ్లుగా ఆర్మీలో జవాన్‌గా సేవలందిస్తున్నాడు. దసరా పండుగ కోసం 25 రోజుల క్రితం సెలవుపై స్వగ్రామానికి వచ్చాడు. సోమవారం వ్యక్తిగత పని ముగించుకుని బుల్లెట్‌పై తిరిగి వెళ్తుండగా, సిద్దిపేట జిల్లా జగదేవపూర్ మండలం పీర్లపల్లి చౌరస్తా వద్ద ఎదురుగా వస్తున్న మరో ద్విచక్ర వాహనాన్ని ఢీకొన్నాడు. ఈ ప్రమాదంలో మహేందర్ అక్కడికక్కడే మృతి చెందాడు. మరో బైక్‌పై ఉన్న మహబూబ్‌నగర్ జిల్లాకు చెందిన రామలింగం (26) కాలు విరిగి తీవ్రంగా గాయపడ్డాడు. స్థానికులు క్షతగాత్రులను ఆసుపత్రికి తరలించగా, రామలింగం చికిత్స పొందుతున్నాడు. మహేందర్ మృతితో కొండాపూర్‌లో విషాదం నెలకొంది. #ArmyJawan #RoadAccident #Siddipet #TelanganaNews

డిప్లొమా ఫలితం.. 19 ఏళ్ల యువకుడి జీవితాన్ని బలిగొన్న మనస్తాపం డిప్లొమాలో ఫెయిల్ కావడంతో చదువు పూర్తి చేయలేకపోయాననే బాధతో బూర్గంపాడుకు చెందిన భవాని గిరీశ్ (19) గత కొద్దిరోజులుగా తీవ్ర మానసిక ఆందోళనకు గురవుతున్నాడు. దీపావళి పండుగ రోజున ఇంట్లో ఎవరూ లేని సమయంలో గిరీశ్ ఆత్మహత్యకు పాల్పడ్డాడు. గమనించిన కుటుంబ సభ్యులు వెంటనే భద్రాచలం ఏరియా ఆసుపత్రికి తరలించగా, అప్పటికే మృతి చెందినట్లు వైద్యులు ధ్రువీకరించారు. చేతికందివచ్చిన కొడుకు మృతితో కుటుంబంలో విషాదం నెలకొంది. తండ్రి రాము ఫిర్యాదు మేరకు కేసు నమోదు చేసి దర్యాప్తు ప్రారంభించినట్లు అదనపు ఎస్సై నాగభిక్షం వెల్లడించారు. #BhadradriKothagudem #Burgampahad #StudentDeath #TelanganaNews

న్యూయార్క్‌లో పోలీసులపై టపాసులతో దాడి.. చోద్యం చూస్తూ నవ్విన కొందరు దీపావళి వేడుకల సమయంలో న్యూయార్క్ రోడ్లపై విధుల్లో ఉన్న NYPD పోలీసు అధికారుల వైపు కొందరు టపాసులు పేల్చినట్లు సమాచారం. పోలీసులపై టపాసులు గురిపెడుతున్న దృశ్యాలు కలకలం రేపుతున్నాయి. అక్కడే ఉన్న కొందరు ఈ ఘటనను అడ్డుకోకుండా నవ్వుతూ చోద్యం చూస్తున్నట్లు వీడియోలో కనిపిస్తోంది. ప్రజల భద్రత కోసం విధులు నిర్వహిస్తున్న పోలీసులనే లక్ష్యంగా చేసుకోవడంపై తీవ్ర విమర్శలు వ్యక్తమవుతున్నాయి. పండుగ సంబరాలు ఇతరుల ప్రాణాలకు, భద్రతకు ముప్పుగా మారకూడదనే అభిప్రాయాలు వ్యక్తమవుతున్నాయి. #NewYork #NYPD #Diwali #Firecrackers

చెట్ల పెంపకంతో మెడెలిన్‌లో తగ్గిన ఉష్ణోగ్రత.. ప్రపంచానికి ఆదర్శంగా గ్రీన్ కారిడార్స్ కొలంబియాలోని మెడెలిన్ నగరంలో 2016లో ప్రారంభించిన గ్రీన్ కారిడార్స్ కార్యక్రమంలో భాగంగా సుమారు 8.8 లక్షల చెట్లు, 25 లక్షల చిన్న మొక్కలు నాటారు. ఈ కార్యక్రమంతో నగర సగటు ఉష్ణోగ్రత సుమారు 2 డిగ్రీల సెల్సియస్ తగ్గింది. కొన్ని నీడ ఎక్కువగా ఉండే ప్రాంతాల్లో 3 డిగ్రీల వరకు తగ్గుదల నమోదైంది. గాలి నాణ్యత, జీవవైవిధ్యం మెరుగుపడటంతో పాటు పట్టణాల్లో వేడి తీవ్రతను తగ్గించే ఆదర్శ ప్రాజెక్టుగా గుర్తింపు పొందింది. ఈ కార్యక్రమానికి అష్డెన్ అవార్డు కూడా దక్కింది. #Medellin #GreenCorridors #UrbanGreening #ClimateAction

లండన్‌లో దీపావళి వేడుకల్లో బాణాసంచా కలకలం... భారతీయుల అరెస్ట్ దీపావళి సందర్భంగా లండన్‌లో ఇళ్లకు, వాహనాలకు, రోడ్డుపై వెళ్లే ప్రజలకు అత్యంత సమీపంలో కొందరు భారతీయులు స్కైషాట్స్ పేల్చినట్లు సమాచారం. ఈ ఘటనతో స్థానికుల్లో భద్రతపై ఆందోళనలు వ్యక్తమయ్యాయి. స్థానిక నిబంధనలను ఉల్లంఘించి బాణాసంచా కాల్చిన నేపథ్యంలో పోలీసులు పలువురిని అరెస్ట్ చేసినట్లు తెలుస్తోంది. #London #Diwali #Fireworks #IndianCommunity

నల్గొండ గురుకులంలో దారుణం.. బాత్రూమ్‌లోకి తీసుకెళ్లి మైనర్ బాలికలపై వేధింపులు నల్గొండ జిల్లా నిడమనూరులోని సాంఘిక సంక్షేమ గురుకుల పాఠశాలలో దారుణ ఘటన వెలుగులోకి వచ్చింది. పారిశుద్ధ్య కార్మికుడు తమ పట్ల అసభ్యంగా ప్రవర్తిస్తున్నాడని చిన్నారులు ఆవేదన వ్యక్తం చేస్తున్నారు. తమను తాకరాని చోట తాకుతున్నాడని బాలికలు ఆరోపిస్తున్నారు. పాఠశాలలో తమకు రక్షణ లేకుండా పోయిందని ఆవేదన చెందుతున్నారు. బాత్రూమ్‌లోకి తీసుకెళ్లి డోర్ వేస్తున్నాడని చిన్నారులు చెబుతున్నారు. ఈ ఆరోపణలు విద్యార్థినులు, తల్లిదండ్రుల్లో తీవ్ర ఆందోళనకు కారణమవుతున్నాయి. మైనర్ బాలికల భద్రతపై ప్రశ్నలు తలెత్తుతున్నాయి. ఘటనపై అధికారులు తక్షణమే స్పందించి, ఆరోపణలపై సమగ్ర విచారణ జరిపి బాధ్యులపై చర్యలు తీసుకోవాలనే డిమాండ్లు వినిపిస్తున్నాయి. #Nalgonda #Nidamanur #Gurukulam #ChildSafety @TeluguScribe

కాన్పూర్‌లో ఘోర రోడ్డు ప్రమాదం...వృద్ధుడి ప్రాణం తీసిన థార్ 📌 ఇటలీలో చదువుకుంటున్న 24 ఏళ్ల గీతా సచన్ దీపావళి సెలవుల కోసం కాన్పూర్‌కు వచ్చింది. నవంబర్ 7న మహీంద్రా థార్ నడుపుతూ 55 ఏళ్ల సంతోష్ సింగ్ చౌహాన్ స్కూటీని బలంగా ఢీకొట్టింది. 📌 ఢీకొన్న వేగానికి స్కూటీ 20–30 మీటర్ల దూరం వరకు ఈడ్చుకెళ్లినట్లు సమాచారం. తీవ్ర గాయాలతో సంతోష్ అక్కడికక్కడే ప్రాణాలు కోల్పోయాడు. ఇంటికి కేవలం 500 మీటర్ల దూరంలోనే ఈ ఘటన జరిగింది. 📌 భార్య కోసం చీర కొనుగోలు చేసి ఇంటికి తిరిగి వస్తుండగా ఈ ప్రమాదం జరిగింది. ప్రమాదం తర్వాత గీతా మరో ఇద్దరు వ్యక్తులతో కలిసి వాహనాన్ని అక్కడే వదిలేసి వెళ్లిపోయినట్లు సమాచారం. 📌 పోలీసులు గీతాను విచారణ కోసం అదుపులోకి తీసుకుని థార్‌ను స్వాధీనం చేసుకున్నారు. అనంతరం ఆమెను విడుదల చేశారు. డబ్బున్న కుటుంబానికి చెందిన యువతి కావడంతో కేసులో చర్యలు ఎలా ఉంటాయన్న అంశంపై చర్చ మొదలైంది. #Kanpur #GeetaSachan #RoadAccident #JusticeForSantosh

బేబీ బంప్‌తో సమంత...ప్రెగ్నెన్సీ గ్లోతో మెరిసిపోతున్న స్టార్ హీరోయిన్.. ఇన్‌స్టాగ్రామ్‌లో వైరల్ అవుతున్న అందమైన ఫొటో

ఉక్రెయిన్ యుద్ధంపై జెలెన్స్కీతో ప్రధాని మోదీ కీలక చర్చలు ఉక్రెయిన్ అధ్యక్షుడు జెలెన్స్కీతో ప్రధాని మోదీ ఫోన్‌లో మాట్లాడారు. కొనసాగుతున్న యుద్ధం, దాని వల్ల ఎదురవుతున్న మానవతా సంక్షోభంపై చర్చించారు. యుద్ధానికి ముగింపు పలికి శాంతిని పునరుద్ధరించే ప్రయత్నాలకు భారత్ కట్టుబడి ఉందని ప్రధాని మోదీ స్పష్టం చేశారు. #PMModi #Ukraine #Zelenskyy #PeaceTalks

నమ్మిన ప్రేమే కడతేర్చింది.. అనుమానంతో ప్రియురాలిని కిరాతకంగా చంపిన ప్రియుడు 🔸 తిరువళ్లూరు జిల్లా ఊత్తుకోట సమీపంలోని రిజర్వ్ ఫారెస్ట్‌లో 24 ఏళ్ల మణిమేఖలై హత్యకు గురైంది. ఆమె ప్రియుడు, ఆంధ్రప్రదేశ్‌లోని సురుట్టపల్లికి చెందిన 28 ఏళ్ల దుర్గాప్రసాద్‌ను పోలీసులు అరెస్ట్ చేశారు. 🔸 ప్రైవేట్ కంపెనీలో పనిచేస్తున్న సూపర్‌వైజర్‌తో మణిమేఖలై మాట్లాడటంపై దుర్గాప్రసాద్ అనుమానం పెంచుకున్నాడు. ఈ క్రమంలో ఇద్దరి మధ్య రెండేళ్లుగా ఉన్న ప్రేమ వ్యవహారంలో విభేదాలు తలెత్తినట్లు పోలీసుల విచారణలో వెల్లడైంది. 🔸 సోమవారం అటవీ ప్రాంతానికి తీసుకెళ్లిన దుర్గాప్రసాద్ అక్కడ వాగ్వాదం జరగడంతో కత్తితో మణిమేఖలై గొంతు కోసి, ముఖంపై పలుమార్లు పొడిచి హత్య చేసినట్లు పోలీసుల ఎదుట అంగీకరించాడు. 🔸 హత్య అనంతరం చేతికి గాయాలతో అటవీ ప్రాంతంలో ఒంటరిగా తిరుగుతున్న దుర్గాప్రసాద్‌ను గుర్తించిన పోలీసులు అదుపులోకి తీసుకున్నారు. తొలుత తనతో వచ్చిన మహిళ కనిపించడం లేదని చెప్పడంతో అనుమానం వచ్చి విచారించగా అసలు విషయం బయటపడింది. 🔸 నిందితుడిని అరెస్ట్ చేసిన పోలీసులు ఊత్తుకోట కోర్టులో హాజరుపరిచారు. కోర్టు ఆదేశాలతో న్యాయ రిమాండ్‌కు తరలించి పుజల్ జైలులో ఉంచారు. #Tiruvallur #MurderCase #DurgaPrasad #TamilNaduCrime