Muna Al Mulla

الذهب نازل واكثر نصايح تسمعيننا اشتري ذهب بدون مصنعيه وخلي السبايك ، او اشترو السبايك وخلو الذهب والامور مختبصه في الحالتين الوضع يعتمد على ميزانيتج، يعني عندج مثلا 5 الاف وما اتيب لج الا حيل واحد يتيم شامل المصنعيه والذهب ، بس نفس المبلغ بييب لج سبيكه ذهب هني انتي كاستثمار افضل لج واذا مصره ع قطعه ذهب خذي حيول صب بدون فصوص وابتعدي تماما عن تقليد البراندات لان هذي من داخلها سيام حديد محسوب وزنها عليج عندج مثلا 15 الف ما بتيب لج طقم كبير يديد او ذهب عربي نقع بس بتييب لج طقم مستعمل نظيف بدون مصنعيه عيار 18 ، هذا بعد يعتبر استثمار ممتاز اذا ميزانيتج محدوده وماتبين سبايك تبين شي تلبسينه ، هني عليج بالمحلات اللي اصحابها يمنين لعبتهم هالذهب عندج فائض فوق ال20 الف لا تشترين طقم ذهب ابيض ابدا او طقم كله فصوص وحجر ولولو لان محلاتنا هني يحسبون وزن هالامور بوزن الذهب ، انتي فعليا تدفعين قيمة الكرستال على انه ذهب ، تبين تعرفين كم كميه صافي الذهب في القطعه بتشوفين الوزن مكتوب على التاق اللي لازق فالذهب، هني ترومين تعرفين اذا خسرانه في الطقم او لا ابتعدو عن الذهب الابيض هذا مافيه فايده كاستثمار، والطقم اللي كله فصوص كذلك، كيف تحسبين قسمه القطعه؟! وزن القطعه (او صافي الذهب فيها) X سعر الصرف والباقي بيكون مصنعيه تقدرين تفاصلينه فيه ، واللي بياخذون سبايك لا يقصون عليكم يقولون بدون البلاستيك ارخص ، البلاستيك اصلا هي شهاده السبيكه ورقمها التسلسلي ضروريه عند البيع وهي اللي تقدرون تفاصلونهم فيها و كل الشركات نفس الشي الفرق بس كل جاليه تفضل شركه معينه .. وانت يا التمساح ،خذل لك سبيكه ذهب اذا عندك فلوس ولا تنسى تزكي عنه لانه ذهب مش ملبوس، ولا تستوي ذكي تقول بتستثمر ببيزاتك وبتشتري ذهب لزوجتك ، لان هذي تعتبر شرعا هبه وما يحق لك تاخذها او تتصرف فيها وتبيعها بدون علمها لان صارت مملوكه لها بالنهايه الذهب يبقى ذهب وامان شو ماكان شكله وعياره ، لا يقصون عليج وتشترين اكسسوار او ذهب تقليد للبراندات من داخل سبرنقات حديد او حتى ذهب ابيض ، او يقنعونج ان شنطه ايرميز او ساعه رولكس استثمار👌🏻👌🏻 وسوق الذهب متذبذب عادي اليوم تشترين وينزل باجر اكثر والعكس فالحالتين فلا تتحسفون هذا رزق البايع ونصيبج اللي ربنا كتبه، الحسافه لو ارتفع فجاه وانتي ما استفدتي من هالنزول