الشوق ماله عمر يفنى — و ينعاد
له فالضلوع إن عاد وإن غاب رجفه
مع كل فرقا له ورى الجفن ميلاد
وإن ماتت الفرقا لقى الشوق حتفه
جيت اقتل الفرقا من بلاد ل بلاد
مل الطريق يشيلني فوق كتفه
وأنا بعد مليت من كثر ما ارتاد
هالشارع اللي كان لك فيه شرفه
تضمى عيوني شوفك وتشبع سهاد
عيا الزمن يقطع ضماها برشفه
لاوجهك اسقاها ولا ذاقت ارقاد
ماغير طيفك طيفك اللي اعرفه
كنّه ظبي وعيوني ضلال صياد
يجفل قبل يرتد للجفن طرفه
أتعبت طيفك لوم واللوم مافاد
ويوم الأمل في شوفتك مات نصفه
نويت أسافر عنك بجروح جداد
وعمر من أوراق الزمن حان قطفه
نويت لكن جابني الشوق منقاد
وجابك حنينك والزمن سال عطفه
شفتك تبسم لي خجل مدري عناد
وفي نظرتك شوقٍ من الظلم وصفه
حسيت كنّي طفل وعيونك أعياد
ياعيدي اللي له ورى الصدر رجفه
« سمّ اللقا صدفة وأسمّيه ميعاد
أنا أنتظرتك وأنت مريت صدفه »
صباح الخير أمّا بعد :
يا زين الحظوظ اللي رمتني على مرماك
عنودٍ تقود الصيد واليوم // منصاده
لا تستغرب اللهفة على ضحكتك ورضاك
رضاك السحاب وضحكتك صوت رعاده
تماديت في قلبٍ جبره الحنين وجاك
ومعجبني إنه فيك مسلوب — الإرادة
تمادى علي أكثر مادام الغلا ولّاك
لك القلب منقاد ولك النفس منقاده
1
40
1,851
٣:٥٠ ص
ياعديل الروح رد الروح قبل تموت غلّه
رد للعاشق صباه ورد له ماضي سنينه
بالشواهد والثوابت والحقايق والأدلّه
ما بعد بعدك غناه ولا بعد وصلك غبينه
جل منهو فارقك عن كل حزب وكل شلّه
فارقٍ عندي مثل فرق الصغير لوالدينه
التأمل فيك من باب النظر في بدعة الله
كل وصفٍ فيك زين وكل حاجه فيك زينه
القمر لو توقف بجنبه شغلت الكون كلّه
كيف تلقى الناس فارق واحد بينك وبينه













