لا تقع عينك على مسلم إلا وغلب ظنك أنه عند الله تعالى خير منك، ثم لاحظ ما ظهر من خيره وقل لعل باطن خيره أكثر، ولاحظ ظاهر شره ومعصيته وقل: لعله يتوب عن قريب ويختم الله له بخير، وكن عظيم الخوف أن يختم الله أمرك بسوء بشؤم نظرة احتقار إلى مسلم يحبط بها عملك ويحل بها محقك والعياذ بالله

معلومة كثير ما يعرفونها عادي تختلف بالرأي مع شخص بدون ما تغلط عليه او تطقطق عليه

ارسلت لشات جبت محاضرات المادة وخليته يسوي لي اختبارات خيارات وصح وخطأ واكتشفت اني ما كنت فاهم شي، بس الحين افضل وقدرت افهم

فيه واحد مسوي ماين كرافت في السناب كفلتر حقين التقنية رهيبين

هل تعلمون يا أصدقاء ان اول من بدأ العنصرية هو ابليس، يوم قال لله سبحانه وتعالى ( أَنَا خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ ) انا ابيض وهو اسود انا اذكى منه انا غني وهو فقير وغيرها الكثير، فلا تصير وارث ابليسي وتشوف نفسك احسن من احد

صبااح الخير يا اصدقاء اليوم ان شاء الله اروح احلق

يسسس صار عندي الايموجي ذا 🫪🫪 الحمدلله 🫩🫩

من سرعة الوقت صرت اشوف ان مدة يومين قليلة مرة

يا اصدقاء نصيحة اذا جيتوا تسوقون خلوا نظرتكم واسعة وركزوا على محيطكم شلون؟ الحين انت تشوف تغريدتي، حاول تشوف اللي حولك بدون ما تشيل عينك عن الجوال سوي زي كذا وانت تسوق، وبإذن الله تنجو من حوادث كثير، ايضًا توقع وش ممكن يسوون السائقين من أخطاء غبية

مين زيي يوم الجمعة نفسيته تزين ويحب الجميع ويشعر بالسعادة تحبكم يا اصدقاء

صباح الخير يا اصدقااء وجمعة مباركة عليكم فيه موضوع بسييط ودي اتكلم عنه، يا اخواني حنا نعبد الله لأنه الله، فيوم تشوف شي حرام لا تسويه لأنه حرام، مب لأنه ممكن يضرك مستقبلًا، ولا تبرر لنفسك ❤️ كلنا خطائين وانا اولكم بس لازم نتوب، الله يغفرلنا ويرحمنا جميعًا

اليوم كثرت عليكم تغريدات وقت النووم اذا قمت بكمل، حفظت كم موضوع تغريدة لبكرة

احب الشخصيات السبيشل لهم أسلوب مميز، شكلهم مميز، لهم اهتمامات متنوعة، تفكيرهم متفتح ويفكرون بالفكرة وما يتبنون اي افكار، تحسها افكارهم الشخصية مب نسخ لصق رهيبين والله

يوم يكون صوت افكارك اعلى من اللي تسمعه وانت تسوق فتطفي اللي تسمعه عشان تسمع لأفكارك يحصل الان

اليوم لأول مرة شفت يدي تمتلئ بشعري عادةً كم شعرة القاها رلكن توصل ان يدي تصير كلها شعر؟ لا ذي اول مرة لازم افحص

اغنية في منزل انثى السنجاب تذكرني بكبل ببجي مدري ليه

وانا اسوق تجي ببالي تغريدات كثير اكتبها اول ما اخلص سواقة انساها قهر

اكتشفت شيء بالغلط في شات جي بي تي اذا طلبت منه صورة وضغطت على الصورة قبل تكتمل يمديك تلعب لعبة الثعبان جربوها رهيبة

وانا اسوق شفت اعلان لمتجر معروف كاتب فيه انهم مسوين خصومات قوية الحق ولا بتروح لغيرك تخسي، والله ما الحق ورا منتجاتك هي اللي تلحقني