HosaM

شريت شاشة OLED ؟ مبروك تحتاج تسوي بعض الخطوات وببسطها لكم بشكل سلس وقبل ماتسوونها بسولف لكم شويات بالبدايه لازم نتخلص من اكثر هبده منتشره بشكل مزعج جدًا وهي ان البكسلات تنحرق !!! وللتوضيح انا سبق وكنت ضد شاشات الاوليد قبل سنتين/ثلاث وكنت أعلق على نقطة الاحتراق وكثيييييير لكن حاليًا الحمدلله شاشتي كملت فوق 7 الاف ساعه، وكملت عندي تقريبًا سنتين والحمدلله مافي اي احتراق وبأذن الله ماراح تحترق، ليه؟ لأن الشاشات الحديثه حاليًا تجي ببانل متقدم، بانل مقاوم للأحتراق يعطيك وظائف تساعد على تنظيف البكسلز بشكل دوري فيه منها اليدوي وفيه منها الأوتو والمزايا زي بكسلز كلين وبكسل شيفت والخ.. خلصنا من هالقصه؟ الإحتراق نادرًا يحصل؟ جميل اذا شريت شاشة أوليد تحتاج تسوي هالخطوات ضروري: اول نقطه تحتاج تتأكد هل فيه Firmware موجود لشاشتك يصلح نقطه معينه او خلل معين؟ كيف تتأكد ببساطه تكتب موديل شاشتك وكلمة Firmware ثم تدخّل براند موقع شاشتك ثم قائمة الفيرمويير وتشوف تحديث شاشتك بالموديل وتقرأ ايش المزايا.. عجبتك المزايا؟ ارجع لكرتون شاشتك بتلقى كيبل USB-A to USB-B طرف الـ B بالشاشه، والـ A بالبي سي ونزل التحديث بشكل طبيعي وخل الشاشه تحدث.. ثانيًا/ نزل برنامج HDR Calibration من مايكروسوفت ستور مجانًا، ببساطه الاتش دي ار احياناً مايكون بالشكل الصحيح في بعض الالعاب او بعض الافلام والمسلسلات، فالاتش دي ار يحتاج معايره انت تسويها بنفسك وتصقل كل نقطه بنفسك، بعد ماتفتح البرنامج بس أتبع التعليمات، سهله.. ثالثًا/ ترفع الالوان لأعلى نطاق من برنامج كرتك تتأكد من كنترول بانل اذا كرتك من نفيديا او من برنامج AMD اذا كرتك من أمدي رابعًا/ اذا شغلت HDR وانت مسوي معايره، لكن اللعبه الي جالس تلعبها الوانها سيئه جدًا، هذا أمر طبيعي بسبب ان مو كل الالعاب تم صقل الـHDR فيها بشكل ممتاز ومو كلهم واحد، فتحتاج حتى داخل اللعبه تروح لخيار HDR وتسوي معايره داخليه خامسًا/ أبتعد تمامًا عن برامج مثل : OSN / Netflix / Disney / Fasel / AmazonPrime ليه؟ لأنها برامج ماتعطيك جوده ممتازه هي برامج مصممه للجوالات، اوبتمايز جوالات على البي سي الجوده تكون 720p - 1080p وبعضهم مايعطيك حتى الوان فعليه .. ايش البديل؟ Stremio او Harbor فكرة البرنامجين بسيطه يجمعون لكم جميع الأعمال بمنصه وحده والبرنامجين كلهم مجانًا واذا جيت تتابع عمل مشهور بتكون السيرفرات زحمه جدًا وبيصير العمل يعلق، يعلق.. بهالحاله تحتاج تشترك في RealDebrid او في Torbox فكرة الاشتراك يعطيك أحقية الوصول في سيرفرات خاصه ماعليها زحمه وماتعلق والاشتراك رخيص جدًا، شهريًا حدود 15 ريال انا شخصيًا استعمل ريلديبرد كشخص واحد اذا كنتوا مجموعه او قروب Torbox أنسب لكم أنتهى..