الراقي

ما دريـت اني بدونـك ما غفيت واني على طول المدى حنـيت لك ما دريت اني اراقبك وما حكيت واني على بـعد الفضا اشتقت لك.

شاري غلاك وقلبي عليك ولهان ما طلبت الكثير ولا فيها مِنّه عشقتك وعشقي تحدى الزمان تحن لك روحي يا كبرها من حَنّه

لبى عــيونك كل مـا شـفت عيــنك و فــديت قلــبك كل مـا قلت لبــيه و لبى حـياتك كل ما قلــت وينــك وفديت روحك كل ماقلت وش فيه

مـن كثـر مـانـي علـى حياتـك اخـاف ودي لو اعطيك من عمري عمر للأخير كثير اشياء ما هي لازم تصيـر وتشـاف إلا ابتسامـة شفاتـك لازم إنـهـا تصيـر خذني معك ارتوي خذني معك للجفاف أنا معـك مستعـد اواجـه اقسـى مصيـر تعيـش في قلبـي الأول من أول طـواف ويا جعلك تعيش به لين الوداع الأخيـر

لا تتعلق في غيمـة مـطـرها لغيرك .. ولا تنتظـر المـقفي ليلتفت لك .. فَ الأنتظـار يسـلب العمـر . " غير وجهتك وعش حياتك "

تدري وش اللي يذبحك عقب الفراق وتحس كنك في حياتك تكفنت اليا أتصلت بصاحبك وأنت مشتاق وتظن كله شوق ويقول من أنت

يا للي ذبحتني بكثر التغلي ليتك تشق الصدر وتدري بغلاتك لا شفت طيفك مرني ونا اصلي طلبت ربي يسعدك في حياتك

تعـال قرب لا يجـي قلبـك الخـوف ارواحـنـا خـل ايتـخـالـط نسمـهـا لا تعتـذر وتقـول انا عنـدي ظـروف بتعيـش كـان الله حياتـك قسمـها الفرصه اللي جابتك وش له تطوف فرصـه وجاتـك يالغضي واغتنمـها

علي صايـر تغار ومنشغل ظنـك وعليك خايف من الغيره وتفكيرك عطني حياتك واتـرك غيرتك عنك وابشر بقلب يموت ومايبي غيرك

خلك مع غيري عسى الله يهنيك يمكن اكون اللي مضايق حياتك دامك لقيت الي يحبك ويـغليك انا لقيت الي مسح ذكرياااااااتك

سلمتني قلبك ۆخليتني ٱعز ٱلآحباب ۆ لو تطلب حبيـبي ٱلـّروح جـآتك يآلبآ قلـبن فيـہ ٱلرجـىٰ ما خـآب تعال ۆ ٱسگن قليبي باقي حياتك

هـلا مرحبـا بالنـادر الغالـي الجـذاب تراحيب قلبـي فيـك من قبل ترحابـي تدري اني شخص ماني سريع اعجاب ولا كل حاجه عابـره تكسـب اعجابـي دخلت فـ حياتي عرض من اوسع الابواب وانـا للحـبـايـب مـانـي مـشـرع ابـوابـي وسخـر لـك الله كـل سبه من الاسبـاب وخـلاك سـيـد قلبـي وسـيـد احبـابـي

انت الحبيـب اللي مبّـدا على الغيـر وكـل الـكـلام اللـي يـجيـبـك مبّـدا دام الخطايـا فـي وجيـه المعاذيـر والله مـا يضـعـف حـبـنـا ويـتـردّا قلبـي عليك آرق من ريشـة الطيـر يا ليتـه إليـا قلـت له " هـّد " هـّدا كانـك هديـه مـن يديـن المقاديـر فــ انـا مـديـنٍ للـمقـاديــر جــداً

معـك قلـبٍ لو يميـل الوقـت كله جايـزٍ لـي اعـرف انـه ما يعـرف من الظنـون إلا النقيّـه جعلنـي مـا انسـى معاريفـه ولا اخليـه للـي ما يـداري رقتـه واحساسـه وشمسـه وفيّـه

تباهـي وغنـي واضحكـي لايهمـك شـي لا مالـت ظروفـك فيك لك من يعدلهـا بتلقيـن لك في جـوف قلبـي براد وفـيّ هنـا منـزلـك والنـاس تعـرف منـازلهـا ما تقـدر تزعلـك الليالـي وراسـي حـيّ لـو تـزعـلـك سـود اللـيـالـي بـزعـلهـا

احـبـك واتحـفـى طـواريـك وذكـراك ويشيـلك قلـبٍ ابيـض فيـك متباهـي تحلويـت السنيـن اللي قضـت ويـاك وتـمـلكـت الشعـور الفـارق الـراهـي ولا فـي عينـي اللـي مـثـلك وشـرواك وعينـك ما لقـت من حولهـا اشباهـي

كل ما جيت اوصف حسنك المستحيل تنـتهـي بـي حروفـي قـبـل مـا ابتديـك من تغـزل بعيونـك صـار شخـصٍ نبيـل مـا هـو إلا تلميـذٍ فـي هـواك ويـديـك يـا مـلامـح مـلاكٍ نـازلٍ مــن سـبـيـل ما لقـى في البشـر مثـلك ولا يلتقيـك ما تعديت وصفـك في حضـور القليـل لين قامت قصيدي تشتكـي من يديـك

عرفتـك ويا جعلني فيك ما أعيّـن بديـل وجعلنـي ويـاك مجمـوع دنـيـا وآخـره من عرفتك مايجي منـك ياكود الجميـل وكان عندك شي بالطيـب منت بذاخـره والله إنـي ثابـتٍ معـك لا طـال الطويـل مثل ما يثبـت على البحـر ثقـل الباخـره

يـا رجـى قلبـي ومطلوبـي وشفـي يـا أمـل دنيـاي في العمر وسنينـه انـت اغلـى انسان في طيّـة ملفـي وكـل غالـي فـرق مـا بينـك وبينـه انـت مكفـي عـن الـكـل ومـوفـي لك بقلبـي قصـر و اسوار ومدينـه مـا يطفـي واهـج اشواقي مطفـي غير من عينـي ترف لـ شوف عينـه

وش هالتواصيف وش هالذوق وش هالجمال كـن السـمـاء كـاسـيـه عـودك مـن لبـاسـها فتانـة العنـق مـا يزهـاك غيـر الـدلال مثل مـا يزهى قلادة عنقـك الماسـها عيونـك المعتقـل وأنا رهن الاعتقـال وايديك تملك سعادة نفس واتعاسها يا شوق روحي لروحي عند كل ارتحال وحديـث نفسي لنفسي بيـن جلاسـها

قليل في حقك ليـا قلت أنا أغليك كلمة غلا ، ماتنصف إنسان غـالي لا الرُبع كافي ، ولا النِصف كافيك أنت الغَـلآ كله ، يابعد حال حالي