قابلت المدرس حقي ايام الثانوي
وزمان اذا دخل علينا كنا نقول
يليل ما يغيب هذا
المهم جلسنا نسولف
وقال لي خدمته بالتدريس 30 سنه
وما عمره غاب الا مرتين
وكانت بسبب وفاة امه ووفاة ولده الله يرحمهم
ويقول كنت حتى لو مريض اداوم واسوي عملي
ما اقصر فيه لأن الله يشوفني
- حزنت وحبيت راسه
فيه واحد اعرفه كنت انصحه عن شي يسويه
واقوله ترا والله بتندم على اللي تسويه الحين
وكان يسلك لي ولا همه
وسحبت عليه يوم شفت انه مافيه فايده
واليوم انصدمت من خبر عنه
وكنت متوقع هالشي اصلاً
وحرفياً حياته انتهت وحزنت اكثر يوم عرفت ان ابوه يقفل على نفسه بالمجلس ويجلس يصيح بسبب ولده
امي تسولف وتقول ان فيه حريم تهاوشوا
بسبب ان وحده ملكعه دعت للثانيه
وقالت جعل الفار ما يدخل بيتك
وقلت انا طيب وين المشكله؟ مين يبي الفار يدخل بيته
وبعد ما علمتني امي عرفت ليش الثانيه زعلت
وبعض الناس بيقول آمين من حسن نيه
وهو مو داري عن المعنى العميق
- يا خبث بعض الناس الى اين
كل يوم اتهاوش مع اخوي على نفس السالفه
حمامنا مشترك وهو كل ما يدخل ويتروش
يحط سدر ويحوس الحمام كله
ويجي على الجدران والمغسله ويصير كأنه زاق بكل جهه
وانظف الحمام من بعده
واليوم الثاني نفس السالفه
- طبعاً انا من النوع اللي يتشتت اذا المكان مو نظيف وما احب العشوائيه والاهمال عكسه هو











