Sidra Kuser ( Dimple Mahar)

کنگن پور کی تاریخ کا دل دہلا دینے والا سانحہ! ایک ہی خاندان کے 5 افراد جاں بحق، آخر ان معصوموں کا سہارا کون بنے گا؟ إِنَّا لِلّٰهِ وَإِنَّا إِلَيْهِ رَاجِعُونَ کنگن پور کے علاقے میں کھیر کھانے کے افسوسناک واقعے نے ایک ہنستے بستے گھرانے کو اجاڑ کر رکھ دیا۔ اطلاعات کے مطابق ایک ہی خاندان کے تین بیٹوں، گھر کے سربراہ اور ان کی اہلیہ سمیت پانچ افراد جان کی بازی ہار گئے۔ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگوار خاندان کو صبرِ جمیل عطا فرمائے۔ آمین یا رب العالمین! اس خاندان کے پیچھے رہ جانے والے دو بچے بھی بیمار ہیں۔ اس خاندان پر جو قیامت ٹوٹی ہے، اسے الفاظ میں بیان کرنا ممکن نہیں۔ ان کا سب کچھ چھن گیا ہے، ان کے سر سے والدین کا سایہ اٹھ گیا ہے اور ان کے مستقبل پر سوالیہ نشان لگ گیا ہے۔ میری صدرِ پاکستان، وزیراعظم پاکستان اور وزیراعلیٰ پنجاب سے پُرزور اپیل ہے:خدارا! اس مظلوم خاندان کی فوری داد رسی کی جائے، باقی رہ جانے والے بچوں کے علاج، کفالت اور مستقبل کی ذمہ داری اٹھانے کے لیے خصوصی اقدامات کیے جائیں۔ متاثرہ خاندان کو فوری مالی امداد فراہم کی جائے تاکہ ان بچوں کی زندگی اندھیروں میں گم نہ ہو جائے۔میرے تمام بھائیوں، دوستوں اور صاحبِ حیثیت افراد سے بھی دردِ دل کے ساتھ اپیل ہے:ائیے! ان بے سہارا بچوں کی آواز بنیں۔ اس مشکل گھڑی میں ان کا ہاتھ تھامیں، ان کے علاج اور کفالت میں اپنا حصہ ڈالیں اور اس خاندان کو تنہا نہ چھوڑیں۔ آپ کی ایک آواز، ایک کوشش اور ایک قدم ان معصوم بچوں کے مستقبل کے لیے امید کی کرن بن سکتا ہے۔ میری آواز، مظلوموں کی آواز! ائیے، مل کر اس خاندان کی آواز بنیں اور حکامِ بالا تک ان کی فریاد پہنچائیں۔ اللہ تعالیٰ اس خاندان پر رحم فرمائے، مرحومین کی مغفرت فرمائے اور باقی رہ جانے والے بچوں کا حامی و ناصر ہو۔ آمین ثم آمین! دعا گو: سردار جہانگیر شریف ڈوگر سوشل ورکر، شام کوٹ نو، تحصیل چونیاں، ضلع قصور 03016808402