CM 🦁 Studio 🇵🇰

میں نے اسلام آباد سے اپنی فیملی کو اپنے گاؤں منتقل کیا تو اپنے بچوں کو کسی مہنگے انگلش میڈیم یا پرائیویٹ اسکول میں داخل کروانے کے بجائے اپنے ہی گاؤں کے سرکاری پرائمری اسکول میں داخل کروایا۔ الحمدللہ، آج میں اپنے اس فیصلے پر مطمئن اور فخر محسوس کرتا ہوں۔ میں خود گاؤں کا نمبردار ہوں اور پاکستان مسلم لیگ (ن) کی یوتھ میڈیا ٹیم پنجاب میں صدر سرگودھا ڈویژن کی ذمہ داری ادا کر رہا ہوں۔ اس حیثیت سے نہیں بلکہ ایک باپ کی حیثیت سے کہہ رہا ہوں کہ وزیراعلیٰ پنجاب محترمہ مریم نواز شریف کے تعلیمی وژن کے تحت سرکاری اسکولوں میں آنے والی تبدیلی قابلِ تحسین ہے۔ آج سرکاری اسکولوں میں بچوں کی تعلیم، تربیت، نگہداشت اور اساتذہ کے معیار پر خصوصی توجہ دی جا رہی ہے۔ اعلیٰ تعلیم یافتہ اور متعلقہ مضامین میں قابلیت رکھنے والے اساتذہ بچوں کے مستقبل کی بنیاد مضبوط کر رہے ہیں۔ میرا یقین ہے کہ کسی بچے کی صلاحیت کا تعلق اس کے والدین کی دولت سے نہیں بلکہ اسے ملنے والے مواقع سے ہوتا ہے۔ پنجاب میں ایسا نظام تشکیل پانا چاہیے جہاں امیر کا بچہ ہو یا غریب کا، گاؤں کا ہو یا شہر کا، سب کو معیاری تعلیم، بہترین علاج، انصاف اور قانون کے یکساں تحفظ کے مواقع حاصل ہوں۔ مریم نواز شریف صاحبہ! ایک والد کی حیثیت سے میرا آپ سے یہی اظہارِ تشکر ہے کہ آپ نے سرکاری اسکول میں اپنے بچوں کا مستقبل دیکھنے والے والدین کے اعتماد کو نئی امید دی ہے۔ میرے لیے سب سے بڑی کامیابی یہ ہے کہ میں اپنے بچوں کو اپنے گاؤں کے اسکول میں پڑھا رہا ہوں اور مطمئن ہوں۔ یہی وہ پنجاب ہے جہاں سہولتیں چند مخصوص طبقوں کی میراث نہیں بلکہ ہر شہری کا حق ہوں۔ رانا محمد زبیر خان صدر سرگودھا ڈویژن یوتھ میڈیا ٹیم پنجاب، پاکستان مسلم لیگ (ن)