أحب العلاقة اللي ما فيها أحد يحسب الحنية ضعف.
هو يدللها،
وهي تدلله.
هو يمدحها،
وهي تمدحه.
هو يحتويها إذا غارت أو زعلت،
وهي تحتويه إذا ضاق صدره.
ما بينهم حساب
مين يحب أكثر؟
لأن الاثنين يعرفون إن الحب
مو منافسة.
الحب إنك تعطي الشخص اللي تحبه
دفء يشبه الدفء اللي يعطيك إياه .
مَ ..
أُرِيد أن أعيش معك حبًا لا نخفي فيه مشاعرنا،
فيه يرتبط قلبي بقلبك.
وتزداد لهفتي لقربك.
وتكبر رغبتي بأن تكوني لي.
أن أحتضنك تحت سقف واحد بالحلال
دون خجل ولا خوف،
دون أن تحكمنا المسافات أو يمنعنا الخوف.
ونتبادل الحب والحنان
بكل ما في قلوبنا من شوق ورغبة،
ونعيش حبًا لا ينقصه الدفء ولا ينقصه الاهتمام.
أشاركك صباحي وتشاركينني ليلي،
وأجدك في كل تفاصيل يومي.
وأحبك أمام نفسي والعالم دون خوف .
مَ ..
لا تخذل انسان حتى لو ما تعرف ايش يعني حنية
ولا تهمك مشاعره.
لا تدخل حياة إنسان وتخليه يفتح لك قلبه،
وبعدين تخليه يواجه غيابك من غير تفسير.
لا تخليه يندم على يوم صدقك فيه وانك تخاف عليه،
ولا على لحظة حس فيها إنه مهم عندك.
إذا ما عندك وفاء ومحبه إنك تحافظ عليه؟
على الاقل لا تكسر شي جميل بداخله،
ترى تصرفاتك وقسوتك ما يبررها لا مزاج
ولا ظروف ولا أي عذر منك .
مَ ..
ما يبي يهتم فيك ولا يبي يعطيك حقك العاطفي،
ولا يبي يعطيك حنيته بس بنفس الوقت،
ما يبيك تبعد ولا يبي يشوفك تهتم بغيره،
وكل اللي تعرفه انه يحبك.
واذا قصرت معاه؟
زعل وانت هنا ما تقدر على زعله
لانه يدري انك ميت عليه.
ما سألت نفسك ليه؟
لانك من التوب3 عنده،
بديل جاهز يرجع لك بالوقت اللي يناسبه ،
يبيك موجود، تشتاق له وتهتم فيه وتحبه
وتتغزل وتتمسك فيك،
وتكون متاح متى ما احتاجك، بس إذا جاء دورك؟
تلقاه غايب ومختفي عنك لأيام، واذا رجع قالك ظروف
وانت على نيتك صدقت لانك تحبه.
لين اللي قبلك ينتهي دورهم و هنا يجي دورك
لين يطفش ويعطيك وجهه الثاني .
لآنك ما كنت خياره الأول،
كنت مجرد شخص ضامن إنه يلقاه موجود
إذا ما نفعته خياراته الثانية .
مَ ..
كان ودي أحبك من غير ما أراقب تغيرك،
ومن غير ما أحتاج أفسر سكوتك،
ومن غير ما ادور عن سبب برودك.
كنت أبي علاقة أقدر أرتاح فيها،
وأكون على طبيعتي من غير خوف.
بس صرت أفكر قبل أتكلم وأتردد قبل أطلب قربك،
وأخاف أفرح باهتمامك لأنّي ما أدري كم بيستمر.
ما أتعبني الحب نفسه،
أتعبني إني ما عرفت اطمن قلبي معاك .
مَ ..
ما تعرف قيمة اللي يحبك إلا بعد الخذلان،
لما تعطي قلبك لشخص جديد وتحسبه بيعوضك،
و تكتشف إنك تشرح له أشياء
كانت تجيك من اللي كان يحبك بدون كلام،
وتطلب منه حنية كان يعطيك إياها من نفسه،
وتصير تطلب اهتمام كان يسبق طلبك،
وقتها تبدأ تقارن وتفهم إنك خسرت الشخص اللي
كان حاطك بعيونه و يحبك بطريقة ما عرفت تقدره .
مَ ..
تشتاق له، وتقعد ساعات تفكر تكلمه ولا لا.
تراقبه وش يسوي وتشوفه يعطي مع غيرك في وقت
المفروض تكون انت وتنغبن ويمكن تغار،
تقول بنفسك أبادر؟ وتتردد تخاف يرد عليك ببرود،
ويمكن ما يبي يسمعني، ويمكن أشتاق لحالي.
لين تضغط على نفسك وتكلمه،
وتقول له: اشتقت لك.
ويرد عليك بكل برود:ما تشتاق لغالي.
او تلقاه يحط لك قلب احمر.
طيب أنا وش أسوي بالشوق اللي ذابحني؟
أنا قاعد أقاوم نفسي من ساعات عشان أكلمك،
وكل اللي أبيه، أحس إنك اشتقت لي
مثل ما اشتقت لك .
مَ ..
كان يجيك بقلب مليان حب،
ما كان يحسب كم اعطى
ولا ينتظر منك مقابل،
كان يكفيه إنه يشوفك بخير ويحس إنك تحبه.
بس يوم خذلته، ما نزلت دموعه على موقف وبس،
نزلت على كل مرة اهتم فيها وما لقى منك نفس
الاهتمام والحنية،
وعلى كل مرة صبر فيها وهو يتمنى إنك تحس فيه.
يا خسارة قلب كان يبيك بكل هالصدق
وما لقى منك إلا الخذلان .
مَ ..
يمكن تكون عندك نعمة بحياتك على هيئة إنسان،
ما تنتبه للي قاعد يسويه لك،
ما تنتبه لحبه لك وحنيته عليك،
ما تنتبه عن كم مرة تجاهل برودك وسكت،
ما تنتبه عن كم مرة حاولك ولمح لك،
ما تنتبه عن كم مرة بادرك وأشتاق ورجع مكسور،
ما تنتبه عن كم مرة حاول يقربك منه وانت تبعد،
ما تنتبه عن كم مرة حاول يسعدك ويفرحك،
ما تنتبه عن كم مرة كان يبيك تكون أمان لقلبه،
ما تنتبه عن كم مرة اختار يراضيك
وهو اللي كان يحتاج رضاك،
ما تنتبه عن كم مرة تنازل وسكت
بس عشان ما تزعل منه وعشان يثبت لك انه يحبك،
ما تنتبه عن كم مرة أعطاك من وقته وقلبه واهتمامه،
ولا تنتبه عن كم مرة انتظرك وسهر عشانك،
ولا تنتبه عن كم مرة قالك من عيوني
في وقت المفروض يقولك ما اقدر،
ولا تنتبه عن كم مرة ضمك فيها واحتواك
وهو أصلًا كان زعلان ومتضايق منك،
كل هالأشياء تمر عليك تحسبها عادية،
لين يجي يوم ما تلقى أحد يحبك بهالطريقة،
وتروح تدور هالشعور عند غيره،
تنتظر من الناس اهتمام ومبادرة
وما يعطونك وجه،
وقتها تعرف إن الشخص اللي ما انتبهت لحنانه،
كان نعمة أكبر من إنك تتخيلها .
مَ ..
اللي يغار عليك مو جاي يسوي مشكلة معاك.
كل اللي يحتاجه انه يتطمن وتحتويه،
مو تنفعل وتهاوشه وتقول له انت شكاك،
غيرته مو شك ولا قصده يقيدك،
بس لما يحبك وتحبه طبيعي ترتبط مشاعرة بالغيرة
وكل اللي فيك صار جزء منه،
فخلي اللي يحبك يعبر عن غيرته
ويتكلم عن اللي يضايقه،
لا تقسى عليه ولا تخوفه إن غيرته بتخليك تبعد عنه.
ترى بالنهاية قلبه متعلق فيك،
وغيرته جاية من محبته وخوفه عليك.
هو ما يحتاج منك تهديد ولا تجاهل،
يحتاجك تطمن قلبه وتحتويه
ويبي اهتمام يريح قلبه.
احترم غيرته وخليه يحس إن مشاعره لها مكان عندك،
مو كل ما غار صار يخاف يصارح لك .
مَ ..
كل اللي أتمناه إني أعيش حب
ما أحتاج فيه أخفي احتياجي للحنية،
ولا أتصرف وكأني مكتفي وأنا داخلي يبي اهتمام.
أبي شخص أقدر أكون معه على طبيعتي،
أشتاق له وأقول احتاجه والقاه قريب،
من غير ما أخاف أكون كثير عليه.
يحب عيوني
يحب صوتي
يحب ضحكتي
يحب قلبي
يحب خاطري
يحب راحتي
يحب تفاصيل يومي، وينتبه لنبرة صوتي،
يحب يبادرني ويشتاق لي،
شخص يكون حبه واضح في حضوره وغيابه،
في كلامه وأفعاله،
وما يخليني أشك بمكاني عنده.
وما يخليني اغار ولا يغيب عني،
يحبني بحنية تليق بقلبي، وباهتمام ما أضطر اطلبه،
شخص يشوفني نبضه وحياته و يبيني كل يوم .
مَ ..
الشخص الحنون يستحق حضن مليان حنية،
أكثر من الحنية اللي يعطيها، ويستحق قلب
يحبه بصدق ويحتويه مثل ما يحتوي غيره.
ما يستحق الخذلان ولا إنه ينام زعلان من شخص
كان كل اللي يبيه منه انه يطمنه.
يستحق أحد ينتبه لزعله ويخاف على خاطره،
و أحد يطبطب على قلبه ويحضنه بحنيته.
اذا عندك هالشخص اللي حنيته تسبق كلامه؟
لا تخلي قلبه يندم إنه أعطاك كل هالحب،
ولا تخليه يطلب منك شعور هو طول الوقت
يوصله لك بدون مقابل .
مَ ..
فيه خذلان ما يجيك من شخص بعيد،
يجيك من شخص كنت بين يدينه،
وهالمرة ما اقصد كلام مليان حب وحنية.
شخص تجاوزت حدودك ولقيت نفسك بحضنه فعلًا،
وأنت مو شايف في هاللحظة إلا الحب والثقة
والشعور إنك مع شخص ما راح يستغل مشاعرك،
كنت تبي قرب شخص اخترته بقلبك،
وهو من وراك مخلي لنفسه بدائل،
ومستعد يخليك ويمشي إذا ما أعطيته اللي يبيه.
وهذا أقسى شيء تسويه بحقك نفسك.
إنك تسمح لشخص يلمسك لانك تحبه،
و نيتك ومشاعرك بعيدة عن نيته.
انت تعيش القرب على نية الحب.
وهو يعيشه على نية الرغبة،
وهنا الفرق اللي يكسر شعورك .
مَ ..
فيه دموع وراها محاولات كثيرة ما شافها أحد،
فرص أعطيتها وعتب بلعته،
ومرات اخترت فيها تراضي غيرك
وأنت اللي زعلان،
كنت تحب وتهتم وتخاف على خاطره،
وتعطيه من حنيتك بدون حساب.
مو لأنك ما تعرف توقف،
بس لانك تحب بصدق.
و كنت تتمنى إن حبك يلقى نفس الحب.
وتبكي مو لأنك ضعيف،
بس لأنك وصلت لآخر محاولاتك،
وصار صعب عليك تكمل،
مو لأنك ما عاد تحب، بس لأنك تعبت من الوجع .
مَ ..
