:)

:) tellonym.me/Q88ir

يجودك الغيث يا ذيك المداهيل والمترف اللي على حرفي وسومه سلبت من شفّته بسمه وتبجيل وسلبت من خدره كحله ونومه لا مره اسمي وسلهم بالمظاليل يقول يا جعل يومي قبل يومه :)

قلبي اللي راح في يدين رعبوب سروق سارق قلبي . . ومتربّع داخل حمــاه ما بقى في القلب ضخّه ولا فيه معلوق غير داجت فيه يا الله طالبك النجاه وجهها سبحان من كمّله شوفه يشوق وجهها مثل القمر لا تجلّى في سماه ومبسمٍ لو شافها أكبر مكابر ما يفوق من سببّ ما شاف يمكن بعد يغمى علاه وعنقها شبرين والثوب جايٍ له طروق من ردوف تطوي الثوب لِيا قفى وراه والعيون عيون شيهانه تتّل السبوق قبل لحظه تلمح بعينها اليسرى قطاه والصدر يا الله عفوك وش اللي ما يلوق كل شي مبدع الخلق سواه وعطاه :)

يا مدوخة شاعرك والدوخه الدوخه وشلون ما ادوخ في وجهك وفي عودك ؟ ما انتي من البدر مطبوعه ، ومنسوخه احلى من البدر وشهودك على عضودك وزودً على الزين دلوعه ومطنوخه عاد الطناخه ورثتيها من جدودك انتي سليلة دواهي نجد وشيوخه كل العرب ما عليها زود عن زودك ! الظاهر ارماح جدك راعي الجوخه قد صفّها كل ابوها صف في سودك عقال خلق الله بطاريك مرضوخه وش عاد في واحدن كل ليله يرودك ما انلام لا ذبت في جيدك وفي خوخه لا صار حتى ذهبك يذوب فنهودك :)

بنت الشيوخ الي كساها الزين واطغاها الجمال من دونها حصنن تصاقل والرياجيل... ثعوه لعيونها دكت مرابط خيل مروين السلال كم من حريباً ماخذين ابله في مركاض ضحوه انتي غزيزة مهتوين البل شغاميم الرجال الي عليك تسوقهم غيره وطنخه وحموه متعلقن في وجهك الكامل ولله الكمال مزيونتن ربي مصخرها بسجده ودعوه ابيع عمري دون عمرك يا بعد عمري تعال في شوفتك تكفي معك جلسه وفنجال قهوه :)

منتي بحاجة للقصايد والأبيات وانتي ملامحك البهيّة قصيدة عليك من رب الملأ حرز وآيات يا فتنة الجيل القديم وجديده متفرَدة بـ الحسن بين الجميلات وعذبة سجايا بالوصوف الفريدة :)

أوروبية المظهر عريبية المنطوق على سلب لب القلب من كانوا أعوانك ؟ خدمك الجمال وغرك العاتق المنتوق تشوف الكلام إسراف والناس عدوانك عسى كل قاف يمرني مرت المسروق فدا كل حرف أبجد تقوله على لسانك مايشبهك فـ الأرض الفسيحه ولا مخلوق ولا أظن منّك أشباه حتى من أخوانك :)

العنق بين سخاف الأمتان منتوق عليه عقد ذيهبانه مقمّش بشويش لامنّك لبسته ، وبرفوق خطر ٍعلى الجيد الحرير يتخمّش حرام ماكنّك من الطين مخلوق ما به جمال إلا وجنبك يهمّش :)

يا فريد الحسن يانسل حامين الشناح أنت غرو عاش في ظل شيخان الشمل كيف تطلع يا حبيبي معا نور الصباح و انت نور الليله اللي قمرها مكتمل في عيونك ليلة العمر و الموت المتاح و في جبينك نور زاهي مثل نور الامل تنثني يا ناعم العود يا سيد الملاح وتجتمع فيك المشاعر لو تضيع الجمُل :)

صدرها من كل مالذى وطاب خوختين وكل خوخه بعنبه أحسد السلسال فشوف العذاب عايش في نهد والا في أرقبه طاح في العز يامال الذهاب وفي حمى النهدين محد يقربه إن نظرته صار بالصدر إكتئاب ودي أشفي غل قلبي وأسحبه :)

كن وجهك قال ميدي يوم جيتي يا تغزّل زين ولا لا تغزّل حركيني وأحيّي اللي قد خذيتي قلب من مطارد الحلوين عزّل أنتي تسوين عمرك مادريتي لا ذبحتيني بـ غرياف المعزّل البنات كبودها إذا مشيتي كلبوها ماخذه وضعيةً الزّل ماتنزل لـ اي واحد شاعريتي بس لـ الطيّب وللطرقا تنزّل :)

يابو نهيد ترزز دون حمّالة من خلقه الله قرون الريم مرتزّه أزرت على بكرة الخياط تفصاله كل مايوسع قماش الطاقه تلزّه لا طبق الثوب بزراره وبحباله خطرٍ عليها تشق الخام وتحزّه وردية اللون .. مثل التوت بسلاله ابرد من اللوز والعناب والمزّه :)

مبطين منكم والبطى مهب زين :)

واللّٰه لا أصونك يا سليلة هل الراي وأرضيك بالحب العفيف المعتّق لحظة زعلك أشوف موتي و منفاي و ساعة رضاك تجيك الأرقاب عتق وصيتي من قلبي ال قلب شرواي حن الكريمه لا تماديت وإتق وشلون ما أحبك وأجيلك من أقصاي و من مفرعك نور الصباح يتفتق :)

يقوم منا صبي فالنهار المهيل تجري حمايا عتيبة في صفايح دمه :) نبارك لولد العم : سعد صليب العضياني

الكحلي ولاغلطه // منتوقة الجيد مشروهك على حبري لو مانهبت القصايد من حرم عينك كلّك حلا مثل ماكنتي على خبري تنقّي اللي تبينه من فساتينك ما زيّن الكحلي الا عودك المبري يازين فستانك الكحلي ويا زينك :)

لحد ينافس حبيبتي في ساحة الزين غطت على الخفرات بالزين كله مبسم صغير وشفه وعنق شبرين وعيون حر مرقبه فالمطله عكش الرموش اللي تخلخل هل الدين وجه يخلي البدر يفقد محله وجسمه معزل ما بعد شافت العين مثله ولا يمكن يجي مشبه له بعضه مغذى في رغيد وبساتين وبعضه تقول معانقك كل عله :)

علي الحرام إني لا شفتك يزين المود وأردد تراحيب المعزّب بضيفانه فديت الحجاج ومبسمك والعيون السود وحمر الخدود وخوخ صدرك ورمانه تباهي ولا تخشين نظرة هل المنقود تمادي لأنك صح والناس غلطانه تميّز جمالك عن جميع البنات بزود وأنا ما كتبت أبياتي إلا على شانه :)

🇸🇦 ماتكيف روسنا صبة الدله كيفنا من شربنا دم اعادينا والله انا ماضرينا على الذله لو تروح ارواحنا دون اراضينا لااعتزى فينا الوطن صابنا خله تسبق اصوات البنادق عزاوينا :)