لأ.

من الحين لين آخر يوليو لا تفضفضون لاحد ولا ترسلون سكرينات ولا فويسات طاقة زلات اللسان والإرسال بالغلط ونقل الكلام قوية والخاص بينكم وبين احدهم ممكن يطلع لا سمح الله من ابسط موقف فلا تعطون احد شي ما تبون يوصل لغيره

خلاف تافه هاليومين بيكشف شعور مو تافه شخص بيبالغ بردة فعله على شي ما يسوى وبيطلع منه زعل او غيرة قديمة لا تركزون على سبب الهوشة ركزوا على الكلام اللي بينقال بنصها وممكن تكونون انتوا هذا الشخص

تدرون ان هاليومين اي كلمة تنقال بنية طيبة ممكن تنفهم غلط؟ لا تستعجلون لا بالعتب ولا بالحكم مربع القمر مع نبتون بيخلي النوايا تتشوه بسهولة

برضو بهالفترة تدرون ان ناس كثير كانوا ساكتين فجأة بيتكلمون وناس كانوا يتكلمون فجأة بيسكتون فترة فيها الادوار بتنعكس

احلى شي بعبور قمر الثور هالمرة ان الناس بتصحى على قيمة راحتها فجأة وبتوقف تصرف فلوسها ووقتها ومشاعرها على شي ما يرجع لها قيمة والحلو انه جاي في ويكند

من الحين لين نهاية جولاي الطاقة ما راح ترجع لكم القديم عشان تصدقونه بترجعه عشان تشوفون انكم ما صرتوا نفس الشخص والغريب ان اللي بيرجع لكم بهالفترة ممكن ما يرجع لكم بشكل واضح ممكن يرجع (كحلم او كلمة او ستوري او رسالة ناقصة او نفس موقف قديم ينعاد بس بهيئة جديدة) عشان كذا لا تقيسون التغيير بوجود الشخص قيسوه بردة فعلكم انتم زمان يمكن كنتوا تبررون الحين بتسألون وش استفدت؟ وزمان يمكن كنتوا تذوبون من كلمة وحده بس الحين بتشوفون طيب هل بعدها فعل ولا لا؟ وزمان يمكن كنتوا تخافون تخسرون المكان الحين بتسألون اصلا هل هالمكان يليق فيني؟ ف ايه تراجع عطارد بالسرطان بيرجع نفس الجملة ونفس العتب ونفس الشعور القديم بس الفرق ان ردة فعلكم بتتغير وداخلين على زهرة العذراء من بكرا 9 جولاي ف بتخليكم تدققون بالتفاصيل اللي كنتوا تسلكون لها مثل رد ناقص واهتمام موسمي اللي على حسب المزاج و وعود مالها سنع وكلام لذيذ ولكن فارغ وما يطمن ومشتري الاسد بيكبر عندكم سؤال القيمة مثل انا ليه اقبل بمكان ما يبينني؟ وليه اقعد اعطي شخص ما يعرف يحط لي قدّر؟ (محد راح يطلع من جولاي بنسخة ترضى بالقليل) هذا وعد

عبور قمر الحمل الحين تحسونه مشغل زر الاستيعاب متأخررر والقمر مقترن بنبتون ومسدس المريخ واورانوس وبلوتو ف جايه طاقته اندفاع مفاجئ بعد كتمة حتى في مشاعركم! ناس انفصلوا من فترة وتوها مشاعرهم تستوعب وتطلع اليوم!

احنا في عبور قمر الحوت حاليًا فهاليومين بتكثر احلامكم باشخاص قديمين وبتكتبون رسالة وتمسحون ورد ينفلت منكم وبعدين بتندمون وتعب ونومة ثقيلة والأغلب معهم انفلونزا وفيه تأجيل مشوار ولخبطة مواعيد ودخول مفاجئ على شات او حساب قديم او تفتحون جوال لكم قديم وتشوفون اشياء قديمة وبخصوص عطارد المتراجع مع هالطاقة اي كلمة بسيطة ممكن تفتح سالفة قديمة فـ تراها يومين فيها حنين ولخبطة اكثر من وضوح